منتدى وندر لاند - عرض مشاركة واحدة

مشاهدة أوسمتي · 07-18-2022, 08:32 PM

كتاب او روايه ترك انطباع؟
خليني اتكلم عن كتاب انقذ حياتي حرفيا
سندريلا سيكريت للدكتوره هبه السواح
كنت في الفتره اللي خسرت فيها كل حاجه تماما وواقفه مكاني مش بعمل اي حاجه
كنت بحدث البرامج من على جوجل بلاي وفجاه لقيته قدامي قولت ادخل اشوف التعليقات
افتكرته هيتكلم عن سندريلا
وقتها مكنتش بقرأ اصلا
لقيت التعليقات كويسه جدا عليه
شفت الاقتباسات بتاعته ضحكت !
ضحكت من قلبي بجد
بيبتدي ببدايه طريفه جدا
مجرد محادثه مضحكه بين ام وبنتها
بعدها بندخل في الجد
اسرار سندريلا الحقيقيه
الكتاب كان عباره عن كوكتيل بين الجد والضحك
بحيث ان القارئه متحسش بالملل منه
اتعلمت منه ازاي احب نفسي وازاي اكون متصالحه مع نفسي
ازاي اقدر اطور من نفسي واعمل حاجات في حياتي
ازاي انقذ نفسي واستغل وقتي كويس
قبل م اخلص الكتاب نفسه كنت اخدت خطوه في حياتي
هبه السواح نفسها بقت قدوه ليا وقتها
بعدها اشتريت الكتاب ورقي ووقتها اتعلمت اتكلم مع الكتاب
وعرفت ان محدش هيبقى عايز يسمعني قد كتابي
واشتريت الكتاب للمره التانيه ورقي بس لسه مقرأتهوش
ليا ذكريات كتير مع الكتاب ده
الكتاب ده نفسي افقد الذاكره عشان اقدر اقرأه للمره التالته