. ✿ 𝚂𝚙𝚛𝚒𝚗𝚐 𝚋𝚛𝚎𝚎𝚣𝚎

[R❀SELLE]

المفروض يعني أكون قافله السوشيال ميديا بشكل عام علشان
أخلص أبحاثي و أنجح و كده بس ها أنا ذا هع1 ~
كلاكيت تالت مره بداية جديده ق1.

. ✿ 𝚂𝚙𝚛𝚒𝚗𝚐 𝚋𝚛𝚎𝚎𝚣𝚎
15.5.2020

[R❀SELLE]

عَدى 90 يوم على آخر مره نزلت فيها الشارع بكاء8بكاء8.
كنت فاكره إنه هيبقى ممتع إني أقعد في بيتنا و أخد بريك من السفر
و الكليه و الـكاميرات و المايكات و الـProjects و الـScripts.
بس أكتشفت إن الراحة و التفكير متعب أكتر منهم بمستويات لا تُحصى،
إلي هو أنا بفكر حرفياً في كل وقت و أي مكان و أي حاجة، حتى النُكت
و الاسئلة الهزليه التي لا تهدف إلا للمتعه و لا شيء غير المتعه بقيت بفكر فيها << ده موضوع مرعب أكتر مما يُمكن تصوره.
طول الفترة الأخيره كنت ناقمه على إنشغالي و ليه معنديش وقت كافي علشان أقعد مع نفسي ، دلوقتي بحمدالله إني مكنش عندي وقت < كانت هتبقى تسجيل لأول حالة وفاة لـشخص مخنوق بحبل أفكاره.
من بداية الكورونا و أنا حرفياً مفيش حاجة مررتها مرور الكرام، كل حاجة لازم تبقى تحت فحص و ملاحظة و ليه و فين و إزاي.
و أنتهى بيا الأمر إلى إني محتاجة حد يقتلني أو يخدرني عقبال ما نخلص إلي إحنا فيه ده لأنه تو ماتش تفكير و أنا مينفعش أتساب في مكان لوحدي مع فص مُخي الأيسر و الأيمن أكتر من 3 دقايق .
~
حتى الإنشغال و الأيام المتعبه إلي مكنش في وقت فيها أنك تفكر نعمة من عند الله.

[R❀SELLE]

كُل التجارب إلي مريت بيها أول مره سجلت بتكرر تاني بمُنتهى الدقه هع1هع1:
الشعور بالتوهان ✔️
مفيش حاجة أعملها مع ذلك بدخل برضو ✔️
مستغربه كل حاجة و كل حد حرفياً ✔️
وقعت في غرام قسم غرائب و عجائب تاني _رغم انه يعتبر مفيهوش مواضيع أصلا_ ✔️
داخله في فترة اللاب بيلتقط أنفاسه الآخيره و تحركاتي محبوسه في إمكانيات الـMobile المحدوده ✔️
مش عارفه إزاي ممكن أتكلم مع حد ✔️
أفكار لمواضيع بس مش عارفه ابدأ إزاي ✔️
حاسه الوضع غريب ✔️
بستخدم نفس الإيمو بنفس العدد و الترتيب بشكل لا إرداي ✔️

التكرار ده لطيف بشكل غريب كأنه مفيش حاجة أتغيرت كأنه لسه 2015 الموضوع كأني دخلت آلة زمن، أتمنى الموضوع يكمل المره ديه للآخر بدون إعتزالات و كده cute1 ق1ق1

[R❀SELLE]

من أول لَحظه بدأت أخطط لمستقبلي مش فاكره إني كان عندي حِلم إني أدخل كليه أو تخصص محدد، حتى لـاللحظه الأخيره يوم ما أعلن عن مجموعي في الثانويه مكنتش عارفه هدخل إيه أو هروح فين و هاجي منين، كان هدفي الوحيد على مر سنين عُمري إني يكون عندي القدره إني أنشر نوع من السعادة و الراحه بين الناس نجمه2heart0.
لحد اللحظة ديه لسه مش مقرره هتخصص في إيه بس أتمنى إن أيً كان المكان إلي هوصله يكون مُتفرع منه و لو طريق واحد علشان أوصل لهدفي مهما كانت المشاق و الصعوبات أتمنى إني أقدر أتخطاها نبته1heart0
مش عارفه ليه واخده المدونه ديه بشكل جَدي أوي أكتر من الاتنين الي فاتوا هع1هع1، يمكن الحجر قلب معايا بعمق شويتين هع1هع1، أتمنى تكون مكان ألطف في المستقبلheart0

[R❀SELLE]

co1co2
^ بحاول أفهم إيه ده هع1هع1!!
أكتشلي الفيس التاني كريتيڤ و خاصة إنه بيتلاعب بالكلام بما إن الكوڤيد من عائلة فيروسات تشبه التاج تحت الميكروسكوب.
بس ستيل مش عارفه ممكن نستخدمهم في ايه هع1!

[R❀SELLE]

و أنا بعمل بحث الإقتصاد أكتشفت إني أفشل حد ممكن يدير عمل في العالم.
المفروض اني أعمل خطه لمطعم و لازم أحسب كل حاجة بدقه كأنه هيتفتح على أرض الواقع بالضبط ، بس أنا في حياتي مشفتش رسم بيعمل Negative slope زي Chart الـBenefits بتاعتي حرفياً XDD.
ده أنا حتى شلت كل الموظفين و علشان أخصم مرتباتهم و أقدر أغطي التكاليف و تقريبا هقدم الأكل من غير أطباق بس لا حياة لمن تنادي، الي هو صفيت كل حاجة تقريبا و تنازل أكتر من كده هلم زبايني و أقعدهم على الرصيف و هوريهم المنيو و أروحهم هع1هع1.
حضرتك أنا كنت داخله الكليه علشان أمسك المايك و ألف الكاميرا و مش عارفه إيه إلي جابني هنا.

[R❀SELLE]

التدوينه إلي فوق ظاهر فيها كلام!!!

[R❀SELLE]

جيت من الفيسبوك / تويتر / الإنستاجرام على أساس أهرب من
الـK-drama و الـK-pop بس فجأة و من الـNo where لاقيت معظم
المُنتدى بدأ بالفعل يتابع الـK-Art و أنا بجد مش عارفه أروح من ده فين،
و من ساعة ما بقيت كيبوب/كيدراما فان في 2015 و أنا حاسه إنها لعنة
و أتصبت بيها و إنه لا مفر هع1هع1هع1ق1.
دلوقتي اتأكدت إنها فعلا لعنة و هتطاردني لنهاية الأرض، و شكلي أتحشرت فعلا في الموضوع ده و طيف دوهوان و سيجونغ و فرقى هيظل يطاردني لأبد الأبدين هع1هع1ق1.

[R❀SELLE]

الظاهر اني علشان أوصل المرحلة ديه من حياتي أستنفذت بالفعل كل شغفي، و شكلي هكمل بقية حياتي بالعته و البلاهه ديه هع1هع1ق1.
إحنا هنحسبن على الكورونا كأنه مثلا لو مفيش كورونا كان زماني مثلا بعمل حاجة مفيده في حياتي...!

[R❀SELLE]

هقفل لفترة تاني و هرجع أتعرف و أدور على الأعضاء إلي كنت أعرفهم و أكتب ردود و مواضيع جامد أوي أوي أوي

[R❀SELLE]

الإنسان أخيرًا خَلص السيمستر ده و قِدر يفتح بقى قلب2
امممم أنا فاكرة إني قبل كده كنت دايما بدخل حتى لو متبهدله وسط
الأشغال بس بما إن محدش من إليّ كنت قريبه منهم بيفتح الموضوع
بقى حزين بشكلٍ ما، المُنتدى نفس الڤايب و المود بتاع قبل كده بس
مع إختفاء البنات في حاجات كتير ناقصه.
أتمنى أقدر أفتح و أتفاعل تاني لأني رجعت شخص انطوائي تاني خلال الفترة إليّ قفلتها بعد ما كنت بالفعل بدأت أكون أكثر تفاعلًا خ5فيونكه1...

[R❀SELLE]

لسببٍ ما كنت بقَلب في مدوناتي القَديمه (نقاء - صندوق السعادة)، و شفت آخر مُشاركه ليا هناك كُنت بتكلم إني هختفي لـ25 يوم لحد ما أخلص إختبارات 1 ثانوي! بس بشكل غريب الكام يوم إليّ كنت هقفلهم دول قَلبوا 4 سنين! أنا فعليًا مكنتش بقدر أغيب عن المنتدى يومين مش عارفه إزاي عديت الفترة ديه كلها بجد! المهم يعني إني بحاول بجِد إني أرجع أتفاعل تاني لأن السوشيال ميديا بَقت خانقه بالنسبه لي، الوضع كان أكثر أمانًا لما كنت بفتح المنتدى و ألاقي قوانين و حدود، سو إن شاء الله المره دي بجد أخلص فَترة الإختبارات ديه على خير و الجامعة تسيبني في حالي و هرجع أفتح هنا جامد أوي أوي خالص ق1.