الناس عاملين زي البالونه كل ما نفخت فيها هتزود حجمها وفي الاخر هتفرقع في وشك انت .. فياريت متديش حد او حاجه اكتر من حجمها.
علشان سلامه وشك الجميل بس هه5

اختي وحشتني جدا
صح أنه ليها كم شهر بس اتجوزت
بس وحشتني الأيام اللي كنا نسهر فيها سوا
حتي لو كل واحد ماسك تلفونه وقاعد ساكت
من شويه افتكرت انه في نفس الساعه دي بنكون سهرانين
ونقوم فجأه نعمل اندومي او اي اختراع وناكله
او مثلا اكون رايحه اعمل شاى اقولها اعملك؟
تقولي لا وبعد ما اعمل تقولي هاتي شويه.

تقريباً ليا شهر مسمعتش صوتها او شفتها .. انا مفتقداها رغم كل الخناقات و الخلافات اللي بينا.
هي اللي غلطانه بس انا اللي آسفه.

النهاردة كان يوم لطيف من اول ما بدا الي ان خربت طبخه ليا اسبوع حرفياً أحلم فيها ، رحت السوق مخصوص اجيب طلباتها وقلت لازم اتغدى بيها بكره بس معرفش ايه حصل في النص بعد ما خلصت بدوقها لقيتني وقعت في علبه ملح ضحك4
جربت كل الطرق انه اقلل ملحها لدرجه حطيت 7 معالق سكر كبيره ومعرفش ليه ولا ظبطت :دب:
مش مشكله بكره بتصرف فيها انا والفراخ اللي بالعش فوق السطوح هع1
فخلاصه اليوم النهارده تتلخص في التجربه الجميله دي من موضوع بحر
جربت وصفه الشاي بالشكولاته وحرفيا طلع كما توقعت مكس الشيكولاته و الشاي الخفيف بطعم رهييييب ق0
حد ملاحظ حاجه بالصوره؟! هع1
لا مش انه البسكويت محروق التاثير اللي عملته مطلعه كدا هو وجه فانيلا و وجه شيكولاته وفوقه صوص شيكولاته خفيف هع1
https://e.top4top.io/p_23582dq0p3.png


يب كانو ثلاث بسكوتات و اصبحو إثنين
اكلت واحده اثناء التصوير :دب:
" البومه و الارنوب عباره عن كوسترات او حامل اكواب سيلكون" من جمالهم ما قدرتش اسيبهم بالمحل و اشتريتهم من يومين هه5

النهارده مثلا حصل خناقه في مكان الشغل ، مدير المكان جاء داخل بعد صلاه العشاء لقى واحد بيده سيجاره و بيدخن ، فقال له بصوت عالي " اطلع دخن برا انت في عياده ازاي تدخن هنا - قالها وهو بيشاور له بالطرد - للامانه الأسلوب استفزني شخصياً وطبعاً الراجل انحرج قدام الموجودين و قال له" لو كنت جيت براحه وطلبت بذوق انا هحترمك لأنك صح ملهاش لازمه الصوت العالي وأنك تحرجني "
الشاهد بالموضوع انه المدخن قال جمله عجبتني اوي وسط الكلام " أنا عمري ما هنزل لمستوى كلامك وهتكلم بنفس الأسلوب وكل واحد وعقله وتربيته"
للعلم مدير الشغل استاذ تاريخ كبير و شغال في متحف مشهور
الراجل المدخن بياع خضار و فاكهة

الجدير بالذكر انه التعليم والشهادات مش أساسي في كون الشخصيه محترمه او لا ، ياما ناس متعلمه بس لسانها انتن من ريحه السمك اللي له اسبوع برا الثلاجه هع1
وكل واحد مننا قابل في حياته واحد بنفس لسان ريحه السمك و اتعامل بأسلوب الراجل اللي بيبيع الخضار ق0

نصيحه اليوم :
" لا تكن نتن يا صديق" ضحك4

من الطف الأشياء اللي حصلت النهارده جاء للعياده راجل كبير في السن وبعد ما خلص كشف ، هو وخارج من العياده سمعني دعوتين حلوين وطلع لي من الكيس اللي معه حزمه نعناع ياربي بس علي ريحتها اللي تشرح الروح وصمم إني آخدها .. وبعد إلحاح منه طويل اخدتها من يده ق1
ريحتها تجنن و طازه جدا كيراي1
شكله إسبوع مليان شاي بالنعناع بيس1 والله لنكيف - بصوت الشيف ابو جوليا - هع1


صوره لـ نعناعي نجمه6 ق1