السلام عليكم و رحمة الله و بركاته
بما انو اخيرا فتحت اللاب و حسيت ع وجهي
و قلت اشارك بفغالية فيتا
مدري احسني اتكلم عن جبن بس اوكيه هع1
زي ما تعرفو نهنامب دائما اكتب اشياء ونيسة كثير مرات اجي افضفض ضحك4
يعني ما بكتب فصيح لو مدري شيصير هع1


احم احم -تمسك المايك-

كيف كانت الرحلة بعيدا عن هنا؟
محفوفة بالمخاطر و الالم هع1 امزح
خلاص بتكلم جد عاد

صراحة كانت متعبة حيل كنت جد احتاج محطة استراحة
و المشكلة الاستراحة مُلحقة بتعب

الجامعة كانت بداية المحطة، اوكيه دراسة الجامعة مقارنة بدراسة الثانوية اعتقد اشوى؟
لان باليوم الواحد ندرس بالكثير 3 مواد كنت ادريهم يوم بيومه حتى ما يتراكمون علي و وقت الامتحان انا مستريحة
الثانوية كانت 7 دروس كل درس فيه مليون واجب كنت حتى اسهر و ما انام الا 4 ساعات
دحين لا غير شكل مدري لان مرحلة اولى؟
القسم دراسته صعبة و الدكاترة بالكورس الثاني تعاونوا معانا بمسالة العلامات مرة لدرجة انهم
عصرونا عصر حتى امتياز بالديمقراطية ما اعطوا :) قلب9
المهم الحمد لله كنت الاولى بالكورس الاول و الكورس الثاني على فرعي مدري عن القسم كله؟ من بيكون؟

ابا اخلص البكلوريوس هنا خاطر اسافر لبعثة دراسات عليا
مستعدة ادفع نص عمري و اطلع اسافر حرفيا

خلصت الجامعة جت العطلة اختي ثانوية عامة و كنت انتظرها تخلص بس طوووووللللتتتت مررررة
يا الله الين ما خلصت اختبارات انا انتهيت
كاني اللي بختبر مب هي
الحمد لله دحين نجحت و درجتها مرة حلوة ق1 :نانا:

من كملت اختي قدرت اقول عطلتي بدأت
بس لا، كيف استانس؟
بنت عمي طفلة صغيرة تمرضت و ممنوع مبيت الاباء بالمستشفى لازم كلهم اناث اللي يدخلون
مدري ليه بس كذا النظام
المهم ما حصلوا احد غيري رحت للمستشفى كنت ارجع ساعة 12 بالليل انام مباشرة
بعدين صرت ابات هناك
اسبوع مدري اسبوعين مدري انا فاقدة الشعور بالزمن لا تؤاخذوني
المهم بدون نت بدون تلفزيون الفون استخدمه قليل لان لازم اقتصد بالشحن
احس الانجاز الوحيد اللي صار اني ختمت 3 كتب بهالفترة ضحك4
بلشت بالكتاب الرابع بس خلاص جه احد مكاني و للحين ما قرات ولا شي ضحك4

كنت اطلع مع خالتي و بناتها او نروحلهم البيت هم معانا بنفس العمارة سو يب فيه مجال للوناسة ضحك4

بالوقت الراهن بندور انا و دود ع شغل بالنت و كذا حاطر نسوي لنا مصروف
يب بس كذا ضحك4

كيف كبرت في هذه اللحظة ؟ ماذا اشغلك ؟
مب كبرت انا شيبت!!
صارت اشياء و مواقف مدري حسيتني مرة كبيرة..
و اللي حوالي اطفال..
اول ما سجلت بعيون العرب كان فيه كثيرين بعمري وفيه كثيرين اكبر مني
كنت اشوف الجميع واعين و مثقفين و فلة و عقلانييين
و طبعا هنا نفس الشي الشلة نفسها و حتى يلي بينضمون بعد
مدري اللي بالواقع شذول صراحة؟
احس اكبر حاجز بيني و بين جيلي انه احسني امهم :)
لما سولفت لامي تقول ذا غرور و تكبر من عنديا نه اعتقد انه انا احسن منهم
بس لا؟ ابد مفكرت اني احسن منهم بالعكس!
بس اللي يتخاطرلي انه تصرفاتهم حق اطفال
حتى و انا طفلة ما اتصرف زيهم
تفتكرون يوم سولفت عن اليومين اللي درست رابع ابتدائي؟
يب بالضبط هم نفس الشي :)

اوكيه اعترف انا و اختي تقريبا ما عشنا طفولة زيهم او مراهقة زيهم
كانوا يدخلونا بمواضيع مشاكل الكبار و احنا اطفال
كان لازم ما نخاف من تصير مشكلة احنا نحلها مو اروح لاهلي اطلب المساعدة
كنا نتحمل مسؤولية و احنا صغار بحيث كانوا يعتمدون علينا نظل مع اخونا الطفل و يروحون الدوام ذا الكلام انا 4 ابتدائي و اختي ثالث و اخوي مو بالمدرسة اصلا

نضجنا مبجر و طول ذا الوقت احنه نفككر زي الكبار و زي الناضجين و نحكم ع انفسنا و نحسب حساب التصرف و نقدم مشاعر و احتياجات الاخرين علينا

من اشوفهم يتعاركون عشان فلانة مرت من جانبي و ما سلمت علي ولا فلان شفته من بعيد و اشرت له و ما انتبه لي
او يفكرون بالحب و هالاشياء من دحين و اروح ارتبط باي احد قدامي و اذا جت اي وحدة او اجه اي واحد بيتكلم مع شريكي و هو من الجنس الاخر اروح اتعارك وياه
صراحة اشوفها تفاهة و ضيق عقل :)
فيه اشياء اهم فيه اشياء مو ذا وقتها
ليش دائما مستعجلين؟ ليش ما استانس ؟ بدل مما اتعارك مع الصديق ابحث له عن العذر
اصلا ليش اتعارك؟!

احححح يب عاد غير اني اختطلت بالجيل الصاعد الجيل يلي حيبني المستقبل من بعد جيلنا
احس وقتها حسيت خلاص انا خاب املي بالمستقبل هذا
كنت اتوقع ان جيل الايباد احنا نسميهم
هم الجيل اللي وعى على التكنلوجيا هذول جيل كلهممم عباقرة و جهابذة و فطاحل!
تفرجت لتل بيغ ستار حق العرب
قلت ايه يا الله فيه امل !
من اجي اشوف الواقع غير شكل احس وضعي زي اناييس بنص عائلة واترسن
ايدي بتطلع من الجهة الثانية ع قد ما حفرت جبهتي ضحك4


اعتقد صار كلام كثير بس كذا فضفضة ع سوالف ضحك4
و شكرا ع افعالية ق1

اخر مرة قرات مذكرات طالب احس السلسة هذي مناسبة جدا لما تحسون بالضجر
حرفيا كنت هناك بدون نت بدون تلفزيون كنت استانس فيها
صح 224 صفحة بس يخلص بجلسة وحدة فيه رسم و كتابة يجمع بين القصص المصورة و الروايات
قريت جزي حق ايام الكلاب لون الكتاب اصفر لو تبون تقرونه
موجودة السلسة ذي بشكل افلام لو تحبون تتفرجون بس حبيت الكتاب اكثر الفلم مدري الممثلين
غثيثين و الاحداث تبان مستفزة بزيادة و ااااااهههه رودريك ابا اسويه نصين اكثر اللي يغثوني

قبله قريت الخيميائي عاد ذا الكتاب من اول من بلشت الدوام بالجامعة تقريبا بيناير ايام اللي كنت اداوم حضوري اخذه معي اقرا منه 5 او 6 صفحات وقت الفراغ
لان الرواية كانت حلوة و ونيسة ما كان يعجبني اكمل الكتاب فكنت اقرا شوي شوي
ما ابا اتكلم بالاحداث ما اريد احرق للي يبغى يقراه
بس الكتاب حلو مرة و فيه رسائل جميلة غير الرسائل المخفية
الكتاب ذا علمني كلمات باللغة جديدة مكنت اعرفها و بعد خلاني ابحث عن اشياء و كذا
مثلا احد الاشياء اللي انذكرت حجر الفلاسفة رحت بحثت عنه
اللي متابع هاري بوتر يعرف حجر الفلاسفة بعد ضحك4
غيره اشياء واجد جميلة فيه

بين الخيميائي و مذكرات طالب قريت الامير الصغير
هذا من الكتب اللي كل ما ابدي بيه يصير شي اول مرة قريته كنت اقرا يومية 5 فصول او فصل حتى ما يخلص لان جميل و كيوت و خفيف ع المعدة و القلب
وصلت فصل 15 و بعد ما كملت مدريشصار
المر اللي بعد قريته وصلت فصل 20 بنفس اليوم و مدري شصار و قطعت
المرة الثالثة كانت بالمستشفى هع1 كانت فرصة ان خلصته كله بنفس اليوم
مدري اذا مسوينه فلم بس لطييييف
هو يبدو كتاب اطفال بس فيه اشياء كثثيييير احسها تمثلني و اني انتمي لها :نانا:ق1
يعني فيه مشاعر و افكار موصوفة مب حسيتها و انا طفلة بس لسة احسها
تقريبا هو يتكلم عن نظرة الصغار للبالغين
من كان يسولف عن مغامرات الامير الصغير لباقي الكواكب احس كل كوكب تكلم عنه فيه رسالة
معينة مقصودة و توصل بسرعة ف1

بالنسبة للي يبون يجربون القراءة سلسلة مذكرات طالب بتكون اختيار موفق و الامير الصغير برضو


فلم؟ ما افتكر وش اخر فلم تفرجت و ايمته اعتقد كان احد افلام هار بوتر لان للحين ما مكملتهم
اريد اكملهم و اشوف سلسلة سيد الخواتم
ضحك4
-تروح تشوف سجل سينمانا-
اوكيه افتكرت انه م ا كان ع سينمانا كان هابي فيت 2 ع وحدة من قنوات ام بي سي

الفلم لطيف و فيه معاني و رسائل جم جميلة :نانا:ق1ق1
فيه كمية لطافة ما يتحملها اشخاص مثلي

ما افتكر فلم اسطوري لان ما اتذكر كل الافلام اللي شايفتهم سو تكلمت عن اخر فلم شفته

في الفترةِ الاخيرِة ادركتُ اني فقدتُ الشعور لكن جسدي لم يفعَل؛ حينَ أخافُ لا أشعر بالخوفِ داخلي أعني أنهُ مجرّد فراغٍ داخلي لا يمكن لأحاسيسي التفاعُل كما كانتْ سابقاً!
جسديّ مُدركٌ للخوف لذا يتصرّف من تلقاءِ نفسهِ، تعابيريَ تتغيّر وفقاً لذلك ايضاً، بينما أحادثني:
ما يكونُ هذا؟ كيف يكونُ شعور الخوف؟ هل انا خائفٌ حقاً؟
الامرُ معقدٌ لا يمكنني شرحهُ بشكلٍ دقيقٍ لكن الشيء الوحيد الذي تأكدتهُ: ماتت روحي و جسدي لا يزالُ حياً!
أظنني اصبحتُ زومبي و هذا المُضحك بالامر.

- مُهرّج المدينة’