|
-
أنا مبسوطة مرررة ثانية! الحمدلله الحمدلله الحمدلله heart5 ليا 4 ساعات أحاول أستوعب مسألة د1 ! جربت وبحثت كثير ولا قدرت أستوعبها !! ولما أوشكت عالإستسلام.. جاء الفرج حمدلله هع1 ~ أحس بشعور مرة سعييييد وختمنا اليوم بسجدة شكر فما توفيقي إلا بالله heart5جناح1 . . < هالمسألة من المادة اللي قلتلكم مرعبة ودرجاتي فيها سيئة xD يارب تتيسر كلهااا زي ما تيسرت هالمسألة وأشوف الدرجة اللي تطير قلبي من الفرح بنهاية الترم :( آمييييييييييين الحين صار وقت النوم عشان الأحد عندي فاينل. . فيحتاج أصحى بكير بكرا -بإذن الله- ويارب يكفيني اليوم لمذاكرة فاينل الأحد وشوية من المادة المرعبة xD < أنا اللي أحشر 77 مهمة في ساعة وحدة وأزعل ليش ما يمديني أخلصهم ؟؟ ضحك4 +++ أبا أحكيكم شيء مفرحني كمان قبل ما أنام pe3 أنا شخص مرررررررررة يحب تويتر ، إدمان فعلًا . . وبالمرتبة الثانية يجي السناب < ما أحب أتابع فيه أحد غير المعارف والأصحاب بس أحب أتفاعل لما أكون رايقة فقط. . أما انستا وباقي برامج التواصل.. ما أحبها ولا ليا فيها ~ وحساباتي بتويتر وسناب عامة وعندي حوالي 5 آلاف متابع . . ومن أسبوعين تقريبًا كتبت بتويتر اني بعطل حسابي -يعني عطيت الناس خبر- وقلت برضو اني يمكن ابقى موجودة بالسناب . . وفعلًا عطلت تويتر وقعدت بالسناب يومين بعدين رجعت حذفته هوَ كمان هع1 ~ ليش ؟ الأسباب طويلة مرة . . بحاول أكتبها هنا لأن اذا الواحد ما سولف بمدونته، وين بيسولف؟ د1 1/ حلقات التحفيظ رجعت، وعندي فاينل بنفس الوقت . . حسيت ما فيه وقت يكفي هالأمرين وأنا ما أبا افرط بالحفظ ولا بدرجاتي، ويعورني قلبي إذا شفت الوقت ضايع بتويتر ! فقلت أبعد عنه لين أرتب وقتي نجمه6 2/ نفسيًا ما أحس نفسي كويسة ، آخر فترة صار بحياتي كذا شيء مؤلم وحمدلله على كل حال طبعًا heart5 بس عرفتوا اللي تبون تقعدون لوحدكم مع نفسكم لين تصيرون كويسين ؟ هذا غير إن بتويتر صار فيه عاهات كثير يهبدون هبد زي الزفت !! ويتكلمون كلام معفن عشان يدورون تفاعل أو ما شابه بالذات اللي ياخذون الدين محتوى ويتكلمون بشيء ما يرضي الله ولا رسوله ! وأنا لما أقرأ لهم.. مرة أعصب أو اتنكد ويأثروا علي نفسيًا فعلًا ! وتأكدت من هالأمر لما حذفت تويتر ولاحظت إني صرت مبسوطة وهادية ورايقة أكثر :cup2: < لما أرجع لازم أتعلم أسوي لنفسي كنترول أكثر أو أبلك كل المعفنين نجمه6 3/ بصراحة نسيت ايش فيه سبب كمان بس شكله خلاص كذا هع1 ~ المهم ، فيه وحدة اسمها "سارة" زميلتي بالدفعة . . أتابعها بتويتر وكثير أعلق على تغريداتها وهي كذلك ، بس علاقتنا سطحية ~ أمس فجأة كلمتني واستغربت ! حكتني إنو فيه وحدة تسأل عنك بتويتر أنا فورًا صارت عيوني كذا : pe3pe3pe3pe3pe3pe3 قلتلها تعطيها حسابي بالانستا وتكلمني هناك لو تبا مني حاجة < حسابي بالانستا مهجور، بس مرة كُل 11 شهر أفتحه وأخذ لفة هع1 ~ كلمتني البنوتة هذي -وحدة تتابعني بتويتر بس- ما بيننا معرفة ولا حاجة ): ق1 كلامها بكاني من الحُب والفرحة بكاء8بكاء8بكاء8بكاء8بكاء8ق1ق1ق1ق1ق1ق1ق1ق1ق1ق1 من الفرحة صورت كلامها وبصراحة لو أقدر أحطه بجبهتي حأحطه :نانا:heart5 هذا هو : هنا1 ، هنا2 ، هنا3 ق1ق1ق1ق1ق1ق1ق1ق1ق1ق1ق1ق1ق1ق1ق1ق1 مو عارفة أوصف شعوري ، بس أدري إنه فرح كبيييييييييييييير جناح1 ! < طبعًا دموعي صارت قد البحر وأنا أقرأ كلامها . . والفويسات كلها شهقات من البكاء ضحك4ضحك4 *شيء يشبه الدهشة في تساؤل "هل لك سرٌ عند الله؟" إنو يا الله شو عملت حتى أستحق هذه المحبة من شخص ما بيني وبينه معرفة أصلًا ! شخص ما يعرف مني غير تغريداتي اللي أكتبها بحسابي فققطططط ): متأكدة إن هالأمر من ألطاف الله بقلبي في أيامه الصعبة ق1 فالحمدلله حتى يرضا ، الحمدلله حمدًا يليق بجلال وجهه وعظيم سلطانه نجمه6 أستغفر الله وأتوب إليه و6~ |
-
من قبل أمس وأنا نفسي أجي أدّون. . فيه حاجات كثير تتحكى بس ما ليا حيل قلب9 تعب غيييير طبيعي وضغط الفاينل المعروف >< ! وملازمني صداع ما أدري ايش سببه؟ فحاسة حتى لما وصلت بالسلامة للمدونة.. ما حقدر أكتب نفس اللي ببالي لكن العوض ولا القطيعة هع1heart5heart5 ~ طبعًا هذا أسبوع الاختبارات العملية + المواد العامة وفجأة انحشرت معاها المشاريع xD وأمس حمدلله اختبرت أول فاينل -لمادة عامة- وكان عسلللل نجمه6 شعور إنك انتهيتِ من المادة خلااص.. شيء مرة لذييذ بكاء5heart5heart5 < عقبال شعور الإنتهاء من الترم بأكمله xD ++ برضو ناقشت مشروع أحد المواد وحمدلله كان رائع طلبت منّا الدكتورة بعض التعديلات بس مش إلزامية لكن لو عملناها بتعطينا بونس < حيرة صعبة قلب9 فعليًا ما عندنا وقت نعدل ونشتغل عالمشروع لأن ورانا مواد نذاكرها وبنفس الوقت بخاطرنا ناخذ البونس هع1 ! لكن يا رب ييسرها ~ ( أمس برضو صار موقف لزيييز أحسه مفرح قلبي للآن جناح1heart5. . وقت المناقشة كنا كُل الدفعة بنفس القاعة ، فوضى وزحمة غير طبيعية ضحك4 وشفت 3 بنات أعرفهم واقفين سوا يتناقشون عن كيف يكتبون كود معين وحدة توها جات وتوّي اشوفها، أما الثانيات شفتهم من أول وسلمت عليهم فالآن قلت خل أروح أسلم عهالبنوتة اللي توّ جات -مرة عسل وأحبها heart5 المهم رحت لها وأول ما شافتني مسكتني مع كتفي كأنو تبا تضاربني !! وأنا خفت ضحك4 انفجعت من جد انو ايش فييه؟؟ بغيت اقولها اسفة خلاص بروح ضحك4 بس بعدين قالت " شوفوا الأناقة والجمال والروقان . . تحسوا هالبنت فيها حياااة " :نانا:heart5 مرررة انبسطت من كلامها heart5 الله يفرّح قلبها ! شوية كلمات بسيطة يقولها الانسان على عجل أو بدون تفكير يعني. . ممكن تبقى منوّرة قلب إنسان ثاني لأياااام heart5 ) المهم رجعت البيت على 5 العصر ونمت ليين آخر الليل . . مرة زعلت من نفسي، ضاع اليوم وأنا كان نفسي أذاكر ): قلب9 بس بعدين أحس حبوه من جد، قد ايش حقطع نفسي ؟ انتهت طاقتي بالجامعة ! أما اليوم داومت ساعة وحدة فقط. . ناقشت مشروع مادة ثانية + قابلت وحدة من صحبات الثانوي بكاء5heart5 آخر مرة شفتها قبل 3 سنين سو مرة انبسطت حمدلله heart5heart5 ~ الآن المفترض أبدأ اذاكر اختبار بكرا وبنفس الوقت ابا أحفظ شوية لاختبار القرآن فياااا رب البركة في الوقت والجهد والعمر heart5 ~ ألقاكم بتدوينات ثانية، بمسرات أكثر وحكايا ألطف angle3. . يا حي يا قيوم. . برحمتك أستغيث، أصلح لي شأني كُله، ولا تكلني إلى نفسي طرفة عين و1~ |
-
صباح الخييير بعد يوم صرت فيه ملكة الإنجاااز فخر1heart5 . . خلاص من الأسبوع الجاي تبدأ الإختبارات النهائية لمواد التخصص وزي ما قلتلكم قبل، لأول مرة حأختبر مواد ورا بعض بدون أيام بريك بينها ! فمو عارفة كيف أتعامل مع المواد وكيف أذاكرها؟ < متعودة كُل بعد اختبار ارجع وأنام اليوم كاااامل ضحك4 الآن مجبرة ارجع من الاختبار وأذاكر لاختبار اليوم الثاني ! رععب لذلك قاعدين نحاول نستغل كُل دقيقة بيومنا في المذاكرة و نقول : ياااااا رب افتح علينا فتحًا يُذهلنا إتساعه heart5 . . ذاكرت 3 تشابترز من أحد المواد، مليانة شعور رضااا عن الجهد الي بذلته -الحمدلله- و3 ، بس للأسف زي ما تشوفون اضطريت أسهر عشان أخلصهم قلب9 لما أذن الفجر وأنا مشغلة المحاضرة.. تزاحم بقلبي شعورين ما أعرف أفخر بالجهود ولا أحزن على حالي إني للآن قاعدة هع1 ~ بس حمدلله مع الأذان كنت أوشكت على الإنتهاء . . وخلصت بعدها قمت وصليت ، بعد الصلاة قلت أذكار الصباح وصليت الضحى الحمدلله :نانا: ما أقدر أوصف لكم كيف الشعور حُلوووو وأحبه مرررة ! الإنجاز بشكل عام رائع، فما بالكم بإنجاز يكون لله ويقربك منه؟ مطر1heart5 ~ نقول بعض الأذكار سوا؟ يسسسس وبعدين روحوا كملوها بليييز :نانا: حتى لو شفتوا التدوينة بالمساء قولوا أذكار المساء ، لا يلعب عليكم إبليس هع1 ~ ( اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ ) - من قالها موقنا بها حين يمسى ومات من ليلته دخل الجنة وكذلك حين يصبح. ( رَضيـتُ بِاللهِ رَبَّـاً وَبِالإسْلامِ ديـناً وَبِمُحَـمَّدٍ صلى الله عليه وسلم نَبِيّـاً. ) - من قالها حين يصبح وحين يمسى كان حقا على الله أن يرضيه يوم القيامة. ^ تخيلوا !! الله العظيم الكريم بنفسه يرضينا ): وكيف يكون إرضاؤه ؟ أكيد الجنة وأكثرررررررر .. ومتى يكون هالأمر؟ يوم القيامة! في أصعب يوم ممكن نعيشه في أكثر يوم نحتاج فيه الرحمة واللطف والعفو والرضا وكُل شيء يوصلنا للجنة بسلام مع من نحب ): فاستكثروا من هالصالحات ولا تحرموا أنفسكم الأجر heart5 ~ وبما إن اليوم جمعة.. فكرت أقرأ الكهف قبل ما أنام لأن لما أصحى بخاف يكون الوقت فوضى ولخبطة >< لكنّ التعب مسيطر والنوم خلااااص وصل ضحك1 ما أعرف اذا بقدر أقرأها أو لا بس بحاول لو صفحتين بس . . ومن هالمنبر بوصيكم برضو بقراءتها heart5 وتذكروا كيف إنها "نور" يمتد لنا من هالجمعة للجمعة الجاية :نانا: و يا الله كم نحتاج النور نجمه6 ++ أكثروا من الصلاة على الحبيب المصطفى، صلى الله عليه وسلم heart5 . . وأيضًا تذكروا أن بكثرة الصلاة على النبي.. تنتهي الهموم وتغفر الذنوب جناح1heart5 heart5 اللهم صلِّ وسلم وبارك على نبينا محمد heart5 __________________ أظن أنا أكثر إنسان بالكوكب عنده محادثات متراكمة هع1 أو ما أعرف أرد عالناس فورًا.. لازم أكون فاضية ورايقة وهذا أمر نادر ضحك4 فالآن بمناسبة إني خلصت مذاكرة وتعبت جدًا.. قررت أسوي أشياء بعيدة عن الجامعة من باب الترفيه عن النفس xd وقمت أرد على محادثات الواتس اللي عددها تجاوز الـ 90 قلب9 ولقيت محادثة لأحد البنات اللي معايا في شعبة مادة عامة < ما بيننا أي معرفة ، بس جات تسألني عن أمر . . وتكلمنا شويتين وبنهاية الكلام قالت لي "أسلوبك زي أسلوب الدكتورات.. حبيت" < وصف غريب، كنت أتوقعها سبة لين شفت الكلمة الأخيرة وشفتها حطت ليا قلوب كثيرة ضحك4 وأحس انبسطت بصراحة ، لذييذ heart5 الحمدلله ~ وكالعادة عندي حكاوي أكثرررر لكنّ لا الوقت بيساعد ولا الطاقة بتساعد ): نلتقي مرة أخرى قريبًااا إن شاء الله و1 . . سبحان الله وبحمده، عدد خلقه ورضا نفسه، وزنة عرشه، ومداد كلماته و6 ~ |
-
أتوقع هذي أول مرة أجي أكتب تدوينة وأنا بهذا الحال أو المود. . قمة الإحباط، إحبااااط، إحباااط، إحباا ا ا ا ا ا ا ط إلى ما لا نهاية ~ < كنت متماسكة شوي، لين بديت أكتب التدوينة وتجمعت الدموع بعيوني قلب9 كنت أخوض محاولات لمذاكرة أسوأ مادة بهالترم.. وللأسف باتت محاولاتي بالفشل قلب9 تعرفون المادة اللي ما تنقري ولا تنحفظ ولا تنفهم ولا أي شيء بالحياة ! شيء سيء مررررة ! آخر شيء الآن إستسلمت بعد ضياع يوم كااااامل >< وقررت أقوم أستحم وبعدها أنام وأصحى بكرا بكير لمذاكرة أول اختبار بالتخصص ~ أما بالنسبة للمادة المعفنة، فما أعرف ايش حسوي معاها بس أدري إني بستمر أحاول لما يجي يومها وأدري إن الله بيهونها وييسرها بلطفه، لكن قلبي مو عارف يتحملها حتى ساعة الفرج قلب9 فـ ياااا رب عجّل ): لا تنسوا الطلاب الغلابة من دعواتكم . . < وبما إننا في دعوات، برضو ضموا معاكم مرضى المسلمين وموتاهم وأحبابكم ووالديكم وأصحاب الفضل عليكم والمستضعفين في الأرض ق1 ~ لا حول ولا وقوة إلا بالله سحاب1 ~ |
-
مررررررررررحبببببببببببًاااا ا ا ا ا ا ا ا ا ا ا ا heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 heart3 ~ أحسس مررة واحشني التدوين وفيّا طااقة لزيييزة -الحمدلله- د1heart5heart5 وهذا طبيعي، بس المُش طبيعي إني أحس المكان وإنتو واحشيني وأنا ما أعرف أحد xD الحمدلله إختبرت أول إختبار بمواد التخصص وكاان عسسسسل فخر1نجمه6 باقي 3 مواد . . والاختبار الجاي= المادة المرعبة -_-4قلب9 < يعني المفروض جالسة أذاكره بدل ما أجي أكتب تدوينة هنا هع1 ! أستاذة مادة اليوم. . عسل بشكل مو طبيعي تبارك الله pe3pe3pe3 من جد كأنها "طيبة وإحساس" تمشي عالأرض . . الله يسعد قلبها ويحفظها ويعطيها حتى يرضيهاق6 كان فيه طالبة تأخرت لظرف خاص وما جات إلا بعد نص الوقت ): المراقبة ما رضت تدخلها لأن خلاص فيه بنات خرجوا من القاعة. . والبنت تحزن شوي وتبكي ): وتحلف إنها ما قابلت أحد ولا وصلها أي سؤال وفتحت جوالها تقلّب المحادثات لإثبات إنو محد رسل لها شيء والمراقبة ساكتة قلب9 لين جات أستاذتنا وقالت "معلش لسا توّ الناس خرجت" ودخلتها pe3 < مستحية أقولكم إني بهاللحظة والله العظيم تجمعت الدموع بعيوني وخفت أبكي قدام الناس ): بس مرررة شلت هم البنوتة وشكلي توترت أكثر منها ضحك4 وفرحت مرة مرة مرة من أستاذتنا وتيسيرها علينا ق6:نانا: ++ تخيلوا لما فتحت ورقة الاختبار وقلت بسم الله أبا أبدأ أكتب اسمي وأحل ايش صار؟ طلع القلم اللي معايا ما يكتب ! مع إنو فيه حبر بس مدري ليش قعد يستهبل معايا ؟!؟!؟!؟ حاولت فيه ومرة ما رضي ): كلمت المراقبة بصوت واااطي.. قالت معليش انتظري وحدة من زميلاتك تخلص وبعدين خذي قلمها قلب9 قلت طيب وسكتت لأن ايش بيدي أصلًا ؟ قلب9 بس زعلت شوية لأنو ما أعرف أحل بالمرسمة! < أو قلم الرصاص هع1 وفجأة وحدة من البنات نادت المراقبة وسألتها عني، إنو هل كنت أبا قلم؟ قالت ايوة . . قالت أنا عندي قلم زايد pe3pe3pe3 وجاتني المراقبة بالقلم وقالت احفظي صاحبته عشان ترجعينه لها.. لما لفيت أشوف مين صاحبته طلعت بنوتة ما أعرفها بس ابتسمت لي وكانت لطيفة مرة :نانا:ق6 انبسسطت منها ، الله يسعدها هيّ كمان ويسخر لها خلقه يا رب و3 ~ وايش كمان ؟ ؟ ؟ < ما أبا السوالف تخلص عشان لا أروح أذاكر ضحك4 صح! كان عندي موعد بالمشفى . . ومرة وقته سيء لأن عندي فاينل ! بس الدكتورة قالت ضروري تجين بالموعد لأني بسافر وأحتاج أشوفك قبلها ولما وصلت المشفى حاولت أدخل بس الباب مو راضي يفتح ! د2 مع إنو كُل شهر أجي وأدخل منه ويفتح ليا عادي . . بس مدري ليش اليوم مرة مو راضي والممرضة من جوا تأشر لي إنو حاولي تقربين له وأنا مو باقي إلا ألصق بالقزاز ضحك4 ضحك4 بقيت واقفة أفكر ايش اسوي يا ربي ؟ فجأة جاء واحد مرة طويل تبارك الله ورفع يده لجهاز الاستشعار وفتح ليا الباب الله يجزاه عني خير، بس مرة غضبانة من هالباب ومن نظام الإستشعار المعفن هذا -_-4!! مع إني والله مو قصييرة . . طولي 162 -_-4 وبعدين ايش ؟ طلعت دكتورتي ماخذة إجازة ههه طيب ليش ما علمتيني يا دكتورة قلب9 والله ما زعلت عالمشوار والتعب عالفاضي، لا . . زعلت إن ما عاد عندي عذر يشغلني عن المذاكرة مضطرة أواجهها يعني خلاص هع1 ~ المهم. . الآن الخطة كالتالي : - أقول أذكار المساء و1 ~ - أنزل بوست بالانستا . . ^ جاء دور أسولف عليهم هع1 ~ - أسوي حلا خفيف وسريع . . ^ وما أكل منه إلا لو أنجزت بالمذاكرة xD وبعد هالخطة أعتقد خلاص تنتهي كُل ملهياتي عن المذاكرة فـ يا رب أرجع بتدوينة أقولكم فيها إني أقوى طااالب cool1~ اللي وصلوا لنهاية التدوينة: إنتو حُب حياتي الجديد :hug4:heart3heart3 أمسينا/أصبحنا على فطرة الإسلام وعلى كلمة الإخلاص وعلى دين نبينا محمد صلى الله عليه وسلم وعلى ملة أبينا إبراهيم حنيفًا مسلمًا وما كان من المشركين ق1~ |
| الساعة الآن 06:41 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.