منتدى وندر لاند - •أَلمَاسَة : { الخـيـمةُ الرمَضـانـيّـة }•

https://www.arabsharing.com/do.php?img=229298 https://www.arabsharing.com/do.php?img=225270
Y a g i m a

السّلام عليكم و رحمة الله و بركاته

رمضان خير و بركة عليكم جميعًا
كيفكن و كيف الصّيام معكن ؟

تعالوا احكيلكن شوي عن رمضاناتي بسوريا
طبعًا عن نفسي ما كنت أصحى ع السّحور
أروح ع المدرسة مصحصة كالطالبة النّجيبة, ارجع كأنّي راكضة عبر الصّحاري هلكانة ,كله كوم و إذا وصلت و لقيت الكهربا طافية

و نحنا كنّا ساكنين ببناية شاهقة!
المهم بوصل أخيرًا ,و بعدالرّوتين الاعتيادي و الواجبات المدرسيّة, بنقعد سوا تتفرج ع التلفزيون,

ممكن القي نظرة ع المطبخ للتّشجيع و الغزل بالرّائحة الزّكيّةضحك4

و كان عندنا شي اسمه"صينية رمضان"
عبارة عن صينية عملاقة حرفيّا لا نستخدمها إلا بالشّهر الفضيل
نحطها ع الأرض و نرصف عليها ما لذّ و طاب من إبداعات ست الحبايب
بعد الإفطار الي تضبضب المطبخ و الي تجلي و هكذا
بعدها منرجع نتحلق حول التّلفاز

و طبعا الصلاة لها وقتها و القيلولة لها وقتها -
الا أنا ما كنت نام بالنهار أبدا مدري ليش
~
في كتير أمور تغيرت بعدما اغتربت
بس الحمد لله عم احاول اتمسّك بأجواء و لمسات رمضانيّة
محاولة ختم القرآن في رمضان شي ثابت عندي
"بحاول خلص 4 صفحات بعد كل صلاة"
السّحور صار شي اعتيادي
كُرات التّمر بالجوز بعملها مع الفطور يوميّا
و هكذا
^
كأنّي ما "حكيت شوي"؟ :smile3:
معليش اصلا انتوا اكيد استمتعتوا بهالنشرة الإخباريّة هه5