منتدى وندر لاند

منتدى وندر لاند (https://woonder-land.com/vb/index.php)

- مدونات الأعضاء (https://woonder-land.com/vb/forumdisplay.php?f=2)

- - Home sweet home (https://woonder-land.com/vb/showthread.php?t=781)

https://i.ibb.co/KV33mTW/image.gif

https://media.giphy.com/media/zfYpmAfrcVOAE/giphy.gif
Teacher Appreciation Week
-well it was last week هع2 رقص6-

آيم هيير.

التدريس أبدًا أبدًا أبدًا ماكان شغفي.
كنا أنا وربعي نقول مستحيل وحدة فينا تطلع معلمة!
وللحين أتذكر كلام وحدة من معلماتي في الثانوي "حتدمري مُستئبل البحرين"
هي قالتها بمزح، وأنا ضحكت على كلامها لانه فعلا ما أصلح للتدريس.
اخواني ماتحملهم إذا مافهموا نكتة قلتها، أو إذا حاولت أشرح لهم شغلة. فشلون إذا بدرس؟stop4
قدمنا أنا وربعي من باب الاحتياط، والطريف في الموضوع، كلنا أنقبلنا!
الفرق؟ أنا واصلت اجراءات هالكلية، واهمه كل وحدة مشت ورا الكلية اللي تبيها.
وسبحانك ياربي بعد 5 سنوات أحصل روحي في صف مع عفاريتي :0:
أحبهم، وأتمنى فعلًا مُستقبلًا يصيرون زميلاتي في المهنةheart1 عجوز6

-

ما أطلب الشكر من أي أحد. والحمدلله وصلت لمرحلة أني مرتاحة جدًا في شغلي.
والله سبحانه وتعالى يدري شكثر أتعب مع فراخي-فروخي؟ شنو جمع فرخ؟- ومع ذلك سعيدة جدًا معاهم.
على اني كنت دراما كوين في البداية، بس مافي شي في الحياة آيي سهل.

أنا بالعادة فوني يكون مصكوك طول اليوم وما أفتحه إلا ساعة أو ساعتين.
وحتى إذا فتحته أتجنب ~~الواتساب~~.ومانتبه حتى لتنبيهاته:نينجا:
دخلت اليوم أجوف إذا في شغل مرمي علينا أو شي هع2
وتفاجأت برسايل من أمهات طالباتي، كلها شكر وثناء.
حسيت براحة كبييرة، اللهم لك الحمد. على أنه هالفترة كانت جدًا صعبة (فيروس =تدريس أونلاينف8).
لكني قدرت أسوي شغلي، يمكن مو للدرجة اللي كنت أبيها بس المهم أني واصلت عليها.

P.S: منو يتبرع لمعرضي الفقير المسكين؟ يحتاج طقم هع2.

https://i.ibb.co/Ptf3ctc/2-1.png

https://i.ibb.co/KV33mTW/image.gif

https://i.pinimg.com/originals/db/b0...7623b2b7b4.jpg

S.O.S | HELP WANTED

بحول الله، على السنة الدراسية اليديدة فراخي -فروoي؟-
بيروحون صف الرابع قلب2. وما بدرسهم.
وايد يعزون علي لانه أول دفعة أدرسها. وفي كل مرة أسلمهم الشهايد أعطيهم إهداء بسيط:ناميا:.
يكون له معنى، وفي نفس الوقت يكون كذكرى لهم على أياهم في الصفوف الأولية.
للأسف ماعندي أي شي يذكرني بأيامي في الابتدائي غير الشهاداتركض2.
فحبيت أعطيهم شغلات اتذكرهم

مرة أهديتهم دباديب كبار. انا استانست عليهم. فشلون أهمه؟
اللي اكتشفته لما كنت أسلمهم الهدية.
أن الدباديب أكبر منهم. فشكلهم كانت يضحك واهمه شايلين الدباديب ورايحين البيت فيهم هع2.
عاد عقب قلت لازم هدية اصغر شوي هع2. فأهديتهم عرايس صغار.
واخر مرة لما استلموا شهايد الفصل الأول أهديتهم كتب قلب2.
توقعت مايعجبهم هالشي أو يتضايقون منه.
بس اكتشفت انهم صاروا ايبون الكتب معاهم كل يومتصفيق6.

انزين شفايدة هالكلام كله؟ هع2.
احتاج مساعدة قلب2
بما اني خلاص مابدرسهم. فأبي أهديهم شي يكون له معنى. يستخدمونه في حياتهم اليومية، ويكون كذكرى قلب2.
اللي عنه أفكار ياريت يخبرني. وان شاءالله بيكون لكم أجر إسعاد 30 طفلة ق1.
فكرت أهديهم مصلى؟ -شرشف الصلاة. اللي ينلبس في الصلاة- ضيعت مادري شيسمونه بالضبط.
أي أفكار ثانية؟

https://i.ibb.co/Ptf3ctc/2-1.png

صدق أو لا تصدق! فطور اليوم كله برعايتيتصفيق6
عاد كيفكم صدقواstop2

الحمدلله اللي بلغني رمضان كله، من بدايته لنهايته، مع أمي واخواني قلب2.
بصحة وآمان. والله يتقبل صيامنا وقيامنا قلب2.

- ما يمدي أستانس ضبط وندر، إلا يطردني ص6 -

https://i.ibb.co/HgSDzRz/Opera-Snaps...uob-edu-bh.png

22 - 5 - 2018

Dear self, i hope i made you proud

-تتأمل روب التخرج المعلق-

ماسوولنا حفلة تخرجص6.
خلونا نشتري روب التخرج ووعدونا بالحفلة وماصارت ص6.
وفوق ذي كله ماستلمنا شهادة التخرج الرسمية ص6

https://i.ibb.co/g39pd7t/Opera-Snaps...google-com.png