منتدى وندر لاند

منتدى وندر لاند (https://woonder-land.com/vb/index.php)
-   مدونات الأعضاء (https://woonder-land.com/vb/forumdisplay.php?f=2)
-   -   الطريق طويل لاتهتم | Sugar's Galaxy (https://woonder-land.com/vb/showthread.php?t=1375)

سكر 05-05-2020 09:50 PM
الطريق طويل لاتهتم | Sugar's Galaxy
 

https://mrkzgulfup.com/uploads/158870415069751.png





اهلا بك عزيزي القارئ في عالم التردد والخوف من المستقبل.
^ أمزح والله لحد يطلع ، موجاية أنكد tl3
مرحباً يالطيفين ، مساء الخير عالجميع :hug1:ق6ق6ق6
طبعاً مااقدر أجلس بأي صرح بدون ما أحس إن عندي غرفه فيه ، والمدونة بمثابة غُرفتي هِنا ضحك4
واللهِ ماكنت ناوية أنزل هالطقم جلست أنعبش بالأكواد وبالغلط ضغطت إنتر وطلع الموضوع وحلفت مااغيرو :sneaky1: > أتحداني زِر الإنتر واللهِ زعلان5
المُهم ياطويلين العُمر .. شكلي بتكي في وندر لاند لفترة طويلة ، جداً مُريح ومُختلف ق5ق5ق5
حبيت روحكم ياخِي جداً لطيفين ومافيه ثقل عندكم ولا ماكان سجلت هع2
طبعاً صديقتي G A N S O دلتني عليكم ، أنا كُنت معلقة بعين العرب وماادري فين الله حاطني :قمر1:
الزبدة لحد يفهم الهيدر إن كآبة وكِذا ، بالعكس ياجماعة بس أحب الغوامق والحاجات الغربية :55:
وأعطوني وقت شوية ورح أجي أكب العفش كله هِنا > ماصدقت :كاواي:
أشتقت لعالم المنتديات والحاجات اللطيفة هذي اللي دخلت فيها بسن صغير وعلقتني فيها : (
مُبسوطة بإني لقيتكم ياجماعة ق6ق6ق6ق6
لي عودة ، اصبرو شوي بس l5





https://mrkzgulfup.com/uploads/158870415078693.png

سكر 05-06-2020 12:01 AM

https://mrkzgulfup.com/uploads/158871172615321.gif



.



ليش سميت مدونتي عند النهاية إبتدى كل شيء ؟
مريت هالفترة بشعُور .. إن خلاص مارح أكمل ..
شعُور إنك تطيح في القاع وتحس خلاص إنها النهاية ؟
الإكتئاب قضى عليك تماماً لدرجة صرت تفكر "أنا ليش عايش" ؟
تحس إنك عديم فايدة ومو ملتزم بحياتك ومارح تحقق لاهدف ولاشيء ><
شعُور الإنطفاء مِن كل شيء ، كل شيء صار ماعاد لهُ أهمية بحياتك ..
شعُور خلاص مافيك حيل تتحرك ولاتاخذ خطوة قدام تحس الطريق أنتهى ؟
قِريت مقولة " جميل هُو وصولك للقاع ، عندما تصل للقاع لن يكون لديك خيار إلا أن تقف من جديد"
طبعاً وصلت للقاع حرفياً كان مُوحش وسيء ورُغم حُبي للظلام لكن ظلام القاع كان مُخييف ..
بعد شعُورك بالنهاية ؟ هالشعُور هُو بداية كُل شيء .. ممكن هالشيء معبر عني مره كثير ..
بعد ماتوقعت إن كل شيء أنتهى في حياتي .. قبل رمضان بداية وقفتي من جديد ..
بداية إني أخذ مو خطوة× إلا مية خُطوة قدام وأنا حاطة هدف قدام عيوني ..
رح أوصل ، وَعد رح أوصل ..
أعتبر نفسي مُشتتة كُل قطعة مني بجهة وجالسة أجمعني ..
بطلت أسوي الأشياء اللي موجُزء مني ، الأجزاء إللي جات وركبت نفسها فيني غصب قتلتها!!.
جاتني الفُرصة إلي أشوف نفسي وأقول قُدام مُستحيل أرجع لورا..
من اليوم ورايح مارح يكون فيه أحد إلا أنا وكُل شيء يخصني وجُزء مني ..
حتى عالم الإنترنت والمُنتديات بالذات هذا جُزء مُني ومريح جداً ،
لأن أغلب المنتديات أنتهت وماعاد لها وجود بالمتصفح أو إنها صارت فارغة مافيها أحد!!
، أرتحت لما شفت وندرلاند pe2
أقتعنت بحاجة وحده "سوي الأشياء اللي تحبها"
لاتبعد عن الأشياء اللي تحبها وتشوف نفسك فيها سواءاً بسبب بشر ولاشغل ولا ايش ماكان السبب
لإنك حتخسر نفسك وشغفك وتحس الحياة مالها طعم.
خلي لك ملجأ تروح له لما تحس إنك أنطفيت وأسترجع مشاعرك الحلوه إللي مربوطة بحاجاتك اللي تحبها ق1
الملجأ هذا قبل كُل شيء هُو "الله" وبعدها شوف إيش الحاجات اللي تحبها بهالحياة ورجعها ق7ق7ق7







فلسفة شاطحة بس أتمنى المعنى من كلامي وصل للي مروا من هِنا تاج2
أكلمكم من قَلب المُعاناة فخر1نجمه7
وترا أحب أشرح الحاجات إللي أكتبها ، أبغى أوصل فِكرة إني كل شيء أقتبسو لسبب
، مو موضوع نسخ ولصق ابداً ،دايماً ورايا فلسفة خلف كُل اقتباس يعجبني لا1
وطبعاً لازم تسمعو شوية من فلسفتي ف3


لي عودة
l5
كإني أسمع شيء يقول لاترجعي ؟ :sneaky2:
امزح امزح جالسة أدور مشاكل هع3



https://mrkzgulfup.com/uploads/158871172628933.png

سكر 05-07-2020 02:16 AM

https://mrkzgulfup.com/uploads/158871172615321.gif



https://www.up-9.com/image188478.html
صَباح الخييير heart0heart0heart0heart0
نبدأ بمقولة عجبتني ف3قلب8
"عاش حياته سنين عجاف .. لاعمل اللي حبه و لاحب اللي عمله ، و لما الفرصة جاته خاف"
فيه فُرص ماتجيك إلا مره! وممكن تغير حياتك كلياً تاج2
المقولة هذي بالضبط خلتني أتلفت يمين ويسار وأشوف اللي حَولي بشكل كامل ، سواءاً واقع أو إنترنت ..
أنصدمت إن هالمقولة تمشي عالجميع .. جلست أفكر لإني ممكن لإني مو كذا جالسة أعاني بحياتي؟هع2 نجمه7
لإني حرفياً عندي هدف وعندي خطة وأبغى أوصلها ..
المُوضوع مو مستحيل ولاصعب يحتاج مِني أتوكل على الله ، : خُطة إلتزام وإجتهاد ..
ربي مايخيب ظن أي شخص مؤمن فيه وبنفسه! إن رح يوصل ..
قبل فترة بسيطة قبلت بشيء ماابغاه كَخُطة بديلة وللأمانة ماكملت! جلست أفكر ..
هذي مجال حياة يعني إذا ربي كتبلي عُمر بقية حياتي بتكُون مربوطة فيها!
معقولة رح أكمل فيها ؟ وسحبت نفسي كيوت5ق6
طبعاً دايماً تجيني إنتقادات على هالصفة إن خلاص مشي حالك ومو أي شيء تبغيه تحصليه!
شوفي فلانة وشوفي الناس وشوفي وشوفي وشوفي ، بالنهاية محد بيفيد :smile1:
بالنسبة لي "يعتمد على الشيء وإيش أمكانية وصولي لهالشيء" تحدد إني أحارب ولالا.
دايماً أقول أعملو الأشياء إللي تحبوها وترتاحو فيها ، لاتدخلو بشيء مومرتاحين فيه وماتحبوه!
لإنكم حتدمرو جُزء جميل فيكم ترا .. أتكلم من واقع :يب2:
الخُطط البديلة مسموح فيها لو إنتو مقتنعين وراضين فيها وتحس إنك "رح تقدر" مو بالغصب ..
وفيني صفة أيضاً ماادري ايش وضعها إللي هُي :
لو فيه شيء أبغاه أمسكو بأسناني! مافيه شيء إسمو مستحيل ..
المُستحيل إللي ماكُتِب لك غير كِذا كل شيء ممُكن
.. "بمناسبة إن محد فينا يعرف إيش المكتُوب لهُ ليش ماتتمنى وتدعي الله ؟ !"
تذكر دائماً " أنا عند ظن عبدي بي " ، هالشيء ممكن يخلي فيك إيمان وثِقة وحسن ظن باللهِ ..
والمستحيل بعيونك حيصير لو كُنت مع الله!

،،

أحس إني معقدة من هالناحية حقت الحياة والمستقبل! بس تلوموني ؟ :55:
الحياة اللي نعيشها مره وحده ومارح تنعاد أبداً! محد يدري اليوم آخر يوم ولا بكره ..
حياتي إللي رح أعيشها مره وحده أعيشها بطريقة وأفكار الناس ؟
حياتي إللي رح أعيشها مره وحده تخصني أنا بإختياري أنا ، فكيف أخلي غيري يختار طريقي ؟
بالنهاية القَبر رح ندخله لحالنا!كُل شخص مُحاسب عن حياتو لإنها بإختصار إختيارك.


^
هروج زايدة في جعبتي واللهِ ماقدرت مااكتبها هه7







مُحادثة بسيطة بيني وبين مُحب للفلسفة :
- : تتوقعي إنك تلمسي السُحب مستحيل ؟
أنا كان ردي الهادئ : إيش تبغى توصل له ؟ > بإختصار خلصنا ، بمناسبة إن يحب يتفلسف هع2
- : القمر وهُو القمر كان زمان مُستحيل أحد يسافر لهُ! فجأة المستحيل صار حقيقة لإن فيه شخص جرب ..
أنا: لا5
-: نفس الشيء عندنا كثير أشياء تشوفيها مستحيل لإن "مافي" أحد قِد جرب يسويها لذلك نشوفها مستحيل
وأنهاها " ترا المستحيل ممكن"
^ فيه معنى خلف هالفلسفة أتمنى وصل هع2

،،

https://mrkzgulfup.com/uploads/158880692311611.png
شرايكم فيني وأنا متفاعلة باللهِ شرايكم ؟ smile4هه6

لي عَودة smile4




https://mrkzgulfup.com/uploads/158871172628933.png

سكر 05-07-2020 03:20 AM
غيَوم أختفت لكن عادت أجمل من الأمس
 

https://mrkzgulfup.com/uploads/158871172615321.gif



https://mrkzgulfup.com/uploads/158881063191552.gif
ياجماعة أنقذوني فيه شيء غريب جالس يصير معايا ماادري إيش الهرجة! حزين2
ماشاء الله عالمواقف قد ماهي حلوه قد ماهي غريبة !!
عندكم 3 مواقف أحضروني لو سمحتو بكاء5


-
صديقة طفولتي! إللي كانت أول صديقة وأول شبيهة لي وجُزء مني وكُل شيء في الحياة ..
فقدت التواصل معاها من 2014 وكُنت متنقلة بمنطقة ثانية ، وسُبحان الله بالصدفة بعد هالسنوات كُلها حصلتها
كُنت خايفة إنها تحولت لشخص ثاني غير إللي عرفته بحياتي ياجماعة ، إنها أعتبرتني ماضي..
تخيلو إنها كانت تنتظر أي شيء يقدر يجمعها فيني لو صدفة ؟ pe1
واليوم أتواصلت معايا وجلست تسترجع حاجات تذكرها فيني ، مستوعبين إنها عارفة كل التفاصيل ؟
وكآنت خاتمة كلامها "حمدلله انك رجعتي بحياتي"






-
على آخر2014 أتعرفت على صديقات إلكترونيات من أنحاء الوطن العربي وصرنا حرفياً 24 ساعة مع بعض ..
كُنا قريبين من بعض ياجماعة الخير بشكل مو طبيعي،كُنا نسوي غزو عالمنتديات و فعاليات وتصميم وحركات هع1
لين صارتلي هرجة وضيعت حسابي وأساساً كُنت متنقلة وأمر بظروف ومتقروشة وضيعتهم
، بس يشهد علي الله كانو بقلبي دايماً ودايماً أتذكرهم بحكم الوقت إللي قضيتو معاهم ق8
تخيلو رجعت حساب الفيس اليوم ودخلت أكلمهم مصدومة! آخر ظهور لي معاهم من2017 ..
أتوقعت مايتذكروني أو إنهم أتغيرو أو إن محد موجود أساساً ..
أنصدمت إن المفضلين منهم مازالو متواجدين! وحده منهم ماتستخدم الفيس بس خلت حسابها عشان الذِكرى!
واللهِ جاني إسترجاع لمشاعر حِلوه كثثثير ..
هذول لما كُنت أتواصل معاهم كُنت بالمتوسط وكان أكبر همومي "ماابغى أداوم".
دحين شوفوني ماشاء الله دولاب كملت العشرين وداخلة عالواحدوعشرين!
أتذكرت حياتي هذاك الوقت وحياتي الآن .. إختلاف!
بس صدموني إن منهم مازال موجود ياجماعة حسيت بحاجات ترفرف بقلبي واللهِ عالشعور اللي مرني.






-
فيه وحده كانت صديقتي بالروضة ، للأمانة مااتذكرها ترا إلا أطياف ذكريات.
المُهم اليوم صدفة بالتويتر جلسو يتكلمو عن الروضة إللي دخلوها ، ولقيت وحده تقول إنها كانت بنفس روضتي!
سألتها عن السنوات وطلعت بنفس الوقت إللي كُنت فيه ..
أتواصلت معاها وطلعت بنفس الفصل حقي وتتذكر كل شيء أنا أتذكرو ، مستوعبين ؟ مصدوم1
ياجماعة قد كذا الدُنيا صغيرة ؟








المواقف هذي ممكن البعض يشوفها شيء عادي لكن صدقوني بكيت من لخبطة المشاعر إللي جاتني
خصوصاً إنها كلها ورا بعض وكُلهم اليوم!
كُنت أكرهني وأكره شخصيتي بالماضي وأكره كُل شيء يُخصني زمان ..
لكن حرام واللهَ إن هالذكريات إللي تخصهم هِي بلسمي بالحاضر .. ق1ق1ق1
قِدرت أفهم جانسو لما قالت : الاشتياق الى تلك الصغيرة التي بداخلي ق1
هِنا
يا اللهه على لخبطة المشاعر إللي جاتني ، اليوم يَوم ممُيز واللهِ ..
كذابة أنا ، قال أكرهني بالماضي ؟ يمكن ماحبيت أحد قد ماحبيتني أنا بالماضي ..
الماضي هُو إللي صنعني اليوم ق1ق1ق1ق1 الماضي دخلو ناس بحياتي بمثابة بلسم لواقعي القاسي.
الماضي رُغم إنه ماضي لكن يكفيني إن من الأشياء الكويسة إللي سويتها إني أتعرفت عليهم بكاء5
وأحمد الله إن هالناس ضلو نفس ماهُم محد فيهم أتغير بكاء5
ياخي بمثابة النُجوم إللي تلمع بوسط السماء المُظلمة .. كانو.
تقريباً علاقتي فيهم مثل الغيمة إللي عشقتها لكن أختفت ثاني يوم .. لكن رجعت غيمة أجمل ثاني يوم ق1
احس نفسي شطحت شطحة فجأة لكن لو محد شاركني هالمشاعر الحلوه مين حيشاركني غير وندرلاند؟ :sneaky2:
صح ولا مو صح؟ هع2
يلا برب طال عمركم بروح أبكي شوية وأرجع أفرفر بوندرلاند ، أحد يشاركني البكاء؟
مافيه ؟
أوكيه يعطيكم العافية ضحك4
heart0heart0heart0heart0



https://mrkzgulfup.com/uploads/158871172628933.png

سكر 05-08-2020 05:39 AM

https://mrkzgulfup.com/uploads/158871172615321.gif



https://mrkzgulfup.com/uploads/15889045127621.png
السَلام عليكم ورحمة اللهِ وبركاته خ4كوب2
صَباح الخير ، ماصدقت إني أمس صملت يوم كامل صاحية عشان أعدل نومي ..
ولمّا جات الفرصة إني أنام ؟ التعليم أشتاق لي والأنمي إللي قُلت رح أتفرجو بعدين صار يطلعلي بكل مكان.
كل شيء وكل أشغال الدنيا جاتني بهالوقت x_x2
ومن ضمن هالأشياء قُلت أعرفكم بِـ لوز
هذا ياطويلين العُمر أول عيالي وأشقاهم وأكثرهم تعلقاً فيني شرايكم فيه ؟ خ4هع2
شقي ياجماعة الخير شقي ، ومره لطيف مع الجميع قِط إجتماعي بشكل
يعني ممكن لو أحد غريب ناداه بإسمه يجيه على طول. هذا معناته إنهُ قابل للخطف tl2
يستجيب لأي شيء فيه "لوز" سريييع ، يحسسك إن مايبغى شيء يفوته :قمر1:
وبنفس الوقت لطيف ورغبته بالحياة إنه يآكل وينام جنبي والسلام خِتام ق1ق1ق1ق1ق1



خليني أحكيكم عن مشواري مع القطط أو الحيوانات بشكل عام غ1 > فاضية ..
أشتركت بمجموعة تطوعية تخص حقوق الحيوان ،
كُنت أنزل كثير أفرفر بالحي وأأكل بساس الحي وبنفس الوقت قطط البيُوت يبين عليها
لذلك ناخذها نفحصها ونتأكد إنها سليمة ولو تعبانة نعالجها وبعد كذا نعرضها تبني ^^
كُنت مبسوطة بهالشغلة كثيير وهالشيء زادني تعلق بالقطط بشكل مو طبيعي stop4
لين صارتلي حالات وفاة وهُم معايا ، أغلبهم يكونو مريضين وأعالجهم لكن للأسف مايستجيبو للعلاج : )
والضربة القاضية "إيكو" قِط هيمالايا أبيض مسكين تعرض له أحد بساطور وتعنيف ولحقني لين باب البيت
وطلع لازم له عملية إستئصال عيون! مستوعبين ؟ كُنت مصدومة من الخبر إللي كذا!
معقولة عشان حُرح بسيط محد أهتم له وصل له إلا إن يفقد عضو من أعضاء جسمو! ، وجعني قلبي عليه ..
طال عمركم قبل عمليتو بيوم فجأة جآء لعندي ونام على رجلي وشوي أستوعبت إنه كان بيودعني بكاء5

لهُم ذكرى حلوه بقلبي واللهِ ق1ق1ق1
والمجموعة التطوعية هذي صحصحت فيني شيء إسمه إنسانيه ورحمة وحِنية > مع الحيوانات فقط هع2
دايم يقولولي حني علينا مثل حنيتك ع هالمخلوقات هع2
مُجرد تفكير إني كُنت النجاة لروح بيوم وإنه أتمسك فيني وكُنت آخر عين يشوفها يوجعلي قلبي بس حمدلله ق1



قسماً بالله هالمخلوقات والحالات اللي شُفتها خلتني أشوف شقد البشر قاسسين : (
عندي قاعدة " إللي يقسى على حيوان " هذا ما فقلبه رحمه ولَو إيش مافَعل ..


لي عَودة :قمر1:
heart0heart0heart0heart0



https://mrkzgulfup.com/uploads/158871172628933.png

سكر 05-08-2020 11:24 PM

https://mrkzgulfup.com/uploads/158871172615321.gif



https://mrkzgulfup.com/uploads/158896894833421.gif
السَلام عليكم ورحمة اللهِ وبركاته خ4كوب2
مَساء الخير يالطيفين هع2
جآيتكم بأقصى مراحل روقاني تصفيق2
أول شيء لقيت بالتقييمات حاجات حلوه لازم أرد عليها ق1ق1ق1ق1
https://mrkzgulfup.com/uploads/158896887489871.png
ياجماعة ماتدرو قديش أنبسط لما ألقى أحد يتفاعل معايا هع2
حتى لو تنطو لي ترسلولي وتتفاعلو معايا ترا ماأمانع بالعكس أرحب بالناس إللي تحب الهرج tl2
ومره سعيدة بشخص شخص قري كلامي الكثير ، حرفياً شُكراً لإنك أعطيتني من وقتك ق1ق1ق1
مَنتهوهي لطافتك ياخي pe2 حبيت مُشاركتك لي بالمشاعر والأفكار ق1ق1
سُكون اللطيفة ، نَورتيني واللهِ ق1ق1ق1
سورآ أنبسطت لما شُفت أحد يشاركني هالمشاعر : ( نَورتيني واللهِ ق1ق1ق1ق1
^ شُكراً لمروركم وياويلكم مااشوفكم بعدها مره ثانية هع2 > غصب تتابعوl7
وإللي يتابع بصمت أظهر نفسك > تحمست هع2




لي عَودة :قمر1:
heart0heart0heart0heart0



https://mrkzgulfup.com/uploads/158871172628933.png

سكر 05-09-2020 06:51 AM

https://mrkzgulfup.com/uploads/158871172615321.gif



https://mrkzgulfup.com/uploads/158899375153351.gif
السَلام عليكم ورحمة اللهِ وبركاته خ4كوب2
صَباخ الخير يالطيفين ق1ق1ق1ق1ق1

وحده من صديقاتي أتصلت بقروبنا و جلست تحكي عن موقف قديم صار لها بالماضي ، عن شخص وقف معاها
وساعدها وجلست تقول إني مو قادرة أنسى هالموقف وياليت أقدر أرد الجميل ق1ق1ق1
شوية نلقى رد ساخر ، وللأمانة كانت نبرتها وقحة شوي " مسكينة متعلقة بماضيكِ "
ودخلو بنقاش حاد كان زبدة كلامها
"إني اشفق عالناس إللي عايشين بماضيهم وموحاضرهم هذول ماعندهم حياة بالنهاية الماضي والحنين له
شيء ماله داعي"! وختمت كلامها لصديقتنا المسكينة إللي أنفجرت عليها
" عيشي حاضرك واتركي ماضيكِ بس " .. آخر شيء كان ردها صادم
"" انا مستحيل اعترف بعلاقة صداقة بحياتي الذكريات بكره حتكون شيء قاتل "
، اتخيلوا منظري وأنا كل يوم مكلمتها ومتطمنة عليها وأجي أشوف البني آدمية تقول هالكلام غ7
ودايماً تحكيلي شصار معاها وايش ماصار ولو أتضايقت أنا دايماً بكون معاها مصدوم6
للأمانة جلست أفكر شسالفتها هذي ؟ tl2 شايفتنا رفوف عندها ؟ > تدور مشاكل tl2
أتناقشت معاها
، كانت تتصنع القوة وإنها الصح!
"انا مااؤمن بالعلاقات انها تدوم مردكم كلكم تكونو ذكرى وانا مااعترف بالذكريات عشان كذا ماانشأها
من الأساس"
أمانةً رفعت ضغطي على خفيف لذلك قلتلها: خلي كلامك وأفعالك سوى! ،،
صدق ياجماعة! جالسة تتفلت وتقول كلكم مو دايمين وكلكم بكره ذكرى وانتو اصلا مو صديقات!!
شساالفة ؟ صدق طيب ليه جالسة معانا ؟ ليه دايم لو اتضايقتي تكلميني ؟
ليه لو صار شيء كذا ولا كذا جيتي عندي ؟ ليه ؟
آخر شيء عاملتها بنفس أسلوبها للأمانة كان ساخر > لحد يطيح بطريقي tl2
: وش سويتي بحاضرك ياهانم ؟
* أنبكمت *
" المسكينة إنتِ ، ماعندك شيء بالماضي تنبسطي فيه! ومرد حاضرك بُكره تمحيه بتكوني عديمة الذكريات"
" لو ماضيكِ صدق واجعك لاتعممي عالكل! أقل شيء خلي اللي يتذكر ماضيه ينبسط ، إنتي وماضيك تصطفلو! "
" إحنا ناس مو متعلقين بماضينا لكن للأمانة فيه حاجات ماتُنسى ، لو إنتِ جاحده هذي مشكلتك "
"مافيه شي إسمه ناس مؤقتة ، لو إنتِ تعاملي الناس ع أساس إنهم ألعاب عندك فهذي مشكلتك
لكن صدقينا إحنا نتعامل مع بعض كـ بشر "
- شتقصدي إني أنا حيوانة ؟
للأمانة رغبت إنها تكون قدامي عشان أصفعها من تفكيرها الغريب! واللهِ غريب مصدوم6
" لو ماعندك شيء تتذكريه صار أمس وتبتسمي هذي مشكلتك إنتِ أخترتي إنك تمحي الحاجات الحلوه هذي"
"مو متعلقين بالماضي بس ترا هُو إللي صنعك اليوم! شفايدة تتطوري بحاضرك وإنتي مااتعلمتي من أمسك ؟"
آخر شيء للأمآنة ختمتها بـ "إلا البقر طال عمرك مالهم حل" ..
وشكرتها إن تفكيرها صار واضح لنا ، قلتلها لو فيه شخص مافيه خير فينا هُو إنتِ ، مردك بُكره تجحدينا"
وأنتهى بالزر الأحمر .. كيوت5
ووصلني إن كلامي لها كان جداً كبير ومُوجع إلى حدٍ مآ ، قُلت للأمانة مو ندمانة على كل حرف خرج من ثمي.
صِدق تفكيرها فينا كِذا حسسني إننا رح ناخذ ورث أبوها بُكره ولا بنذبحها ومافينا خير.
أدري إنها إنسانة تمر بجرح وإنها عانت وإنها وإنها بس موتفسير إنك تجي وتجرحي غيرك طال عمرك.
وتستخدميهم كَ حاجات مؤقتة متناسية مواقفهم معاكِ والعيش والملح اللي بينكم :يب:


بالنسبة لفلسفتي عن الماضي ::
إيه ترا ماارتاح مع الناس إلي مُتعلقين بماضيهم ، إللي مو عايشين حاضرهم وودهم بكل شيء بالماضي^
مع إن الدنيا أتغيرت لكن مازالو ودهم يرجعو لزمان ، طبعاً هالناس أنا كُنت أعيش معاهم رسمياً كانو متعبين ..
مافيه شيء اليوم عاجبهم صاير ، كل كلامهم ليت أيامنا ترجع ولين أيآمنا ترجع! كإن الأمس بس كان أحلى.
، مااتهنو بحاضرهم ولا صار لهُم مستقبل وماضيهم وقفو فيه! ..
حاولت أمد لهم يد العَون عشان يتجاوزوا هالشيء لكن بالنهاية طلعنا جيل موصاحي عندهم ف0
أنا ضد هالناس وبقُوه ، غلط إللي يصير ..
بس إيش المشكلة لو عِندنا ذكريات حلوه تخلينا نبتسم لما نتذكرها ؟ إيش المشكلة ياجماعة ؟
إيش المشكلة لما تحط دروس ماضيك قُدام عينك عشان تتعلم منها اليوم ؟
بالعكس لو عدت نفس غلط الماضي إنتَ رسمياً إنسان مو واعي ..
الماضي ممُكن يكون مصدر قُوة لك ..
بالعكس الناس إللي معاك تتأكد إنهم صدق صدق ناسك لما تشوف مواقفهم معاك بالأمس!
الماضي يحددلك كل شيء معاك اليوم .. ق1ق1ق1


فكيت صفحة من مذكراتي كتبتها بـ 1march2019 وأكاد أقسم أنها دائماً تمدني بالقوة بعد الله! ..
((
ليش أنا كبيرة بعين نفسي ؟ لإني الوحيدة إللي تعرفني وتفهمني وشاهدة على كل شيء حصل لي
بحياتي وشاهدة على كل شيء كان على وشك إنه يكسرني لكن ماكسرني ، شاهدة على كل لحظة
طحت فيها ورجعت وقفت من جديد ، أنا كبيرة بعيني لإنها أنا ..
))
هذي الكتابة بهذا التاريخ حدث شيء كان مُوجع لقلبي كثيير ،
لكن ترا طلعت منه بدرس ودايم أذكره فيني !! إنتِ قوية لإنك أتحملتي هذا كُله ياسكر ..
شآيفين ؟
رُغم إن فيه ذكريات فعلياً موجعه والمفترض إننا نتجاوزها لكن بنفس الوقت الماضي هُو إللي صنع حاضرنا..


هه7



يااربي كللااامممي كثير اليييوم :sneaky1:سكين2
لي عَودة :قمر1:
heart0heart0heart0heart0



https://mrkzgulfup.com/uploads/158871172628933.png

سكر 05-10-2020 07:35 AM

https://mrkzgulfup.com/uploads/158871172615321.gif



السَلام عليكم ورحمة اللهِ وبركاته خ4كوب2
صَباخ الخير يالطيفين ق1ق1ق1ق1ق1
أستوعبت إن ماصار لِي مسجلة 5 أيام ومسوية إزعاج بالأقسام خصوصاً القسم العام ككل هع2
يظهر لي هيك
https://mrkzgulfup.com/uploads/158908217524131.png هذا معناته إني مشاركة بكل موضوع > د2تاج2
طبعي لما أكون بمكان لازم أشوف كل شيء ، ماحبيت أشوف مواضيع محد راد عليها أو صافينها ق1ق1ق1
بالنهاية أقدر أي أحد تعب لو بشيء بسيط ^ق1^











لي عَودة :قمر1:
heart0heart0heart0heart0



https://mrkzgulfup.com/uploads/158871172628933.png

سكر 05-10-2020 07:57 AM

https://mrkzgulfup.com/uploads/158871172615321.gif



https://mrkzgulfup.com/uploads/158908212304851.gif
السَلام عليكم ورحمة اللهِ وبركاته خ4كوب2
صَباخ الخير يالطيفين ق1ق1ق1ق1ق1
اليوم كُنت أتصفح حساب ذلاقة بالتويتر ، أستمتع بهالحاجات ق1ق1ق1
يرجع لي شعُور إن العربي حرفياً لُغة فخمة ق1ق1ق1ق1
تقريباً أتابع الردود كثيير ، أنبسط إن فيه ناس للآن مُتمسكة بالفصحى ق1ق1ق1
لفتني موضوع " مراتب الصداقة "
هِنا الصُورة
 أكتشفت إن العلاقات إللي تحت مُسمى صداقة عندي حداً كثيرة ..
حرفياً علاقآتي بآخر سنتين صارت كثيرة ، أي مكان أروحه لازم أحصل شخص أعرفه هع2
بحُكم إني أشتغلت بمكان عآم وفيه مجتمع كبير صار سهل إن أشوف نآس أعرفهم بأي مكان حزين4
هالشيء حِلو وبنفس الوقت مُو حِلو .. عندي إللي بالدوام وخارج الدوام ..
وبحكم تنقلي لمناطق كثيرة بالسعودية خلال السنوات إللي راحت تعرفت على بنات من أغلب المُدن والمناطق!
حبييت إني قدرت أصنفهم من الجدول ، أكتشفت حاجة إن أغلبهم " زميل ، سمير ، صاحب "
وهذول كلهم لسا ماوصلو لمرتبة الصديق مستوعبين ؟ مصدوم0
أعلى درجة وصلت لها هي : خليل وعددهم مره قليل إللي بهالتصنيف ق1ق1
أكتشفت إن حرفياً الصداقة وهي صداقة لها عُمق لكل شخص بحياتك تسميه صديق! ..
بمعنى مو أي صديق يعني صديق ، فيه ناس تعطيهم هالكِلمة وهي كثيرة عليهم ترا يب7ق8ق8
أحب أتعمق بهالمواضيع تعجبني ، تخليك مُحدد أكثر بحياتك ومع الناس إللي حولك ق1ق1ق1
المُهم أنا بخصوص الأصدقاء بحياتنا غيري عنده نظره سوداوية على هالمُوضوع ويحاول يتجنب يصاحب أحد.
للأسف مريت بهالحالة ودفيت كل الناس إللي كانو بحياتي ، ترا أبداً مو جيد ..
الوحِدة حِلوة .. شايفين رُغم الأصدقاء هذول لكن ترا أنا حرفياً وحيدة ، مستوعبين ؟ angle1
أفضل الوحده كثير بأيامي ، لكن بنفس الوقت عندي ناس وأصدقاء بحياتي وهالشيء أشوفه مُهم ق1ق1ق1
أعرف شعُور إنك "مصاحب نفسك" جداً يفُوز يحسسك إنك بالمرتبة الملكية
لكن فعلياً نحتاج ناس قريبة من قلبنا ق1ق1ق1
لابد من وجود نآس تشآركك إهتماماتك كلامك فلسفتك .. نآس تحسسك إنها معاك ق1ق1ق1
طبعاً أنا مع إني أستغني عن الأصدقاء لو مالقيت ناس شبيهة لي!
أنا مع هالشيء وبقوة ، غلط تحط نفسك مع ناس تحس إنهم مو أصحاب بس بمجرد إنك ماتكون وحيد!
غلط هالشيء ، ياتلقى نآس يدخلو قلبك وتتشآركو إهتماماتكم وحياتكم ولا بلاها قلب8قلب8
الوقت إللي أنتَ مضيعه مع هالناس الغلط حتندم عليه لإنك مارح تكون ملاحظ الناس الصح! ق1
بس أؤمن بإن ناسك رح تجيك يوم من الأيام ، أؤمن إن فيه أشخاص ماتدري كيف دخلو حياتك ولا شلون ؟
بس إللي تعرفه إن ربي صب الراحة لهم بقلبك صَب! ، مع الأيام يصبحو من أفضل الناس عندك وبقلبك ق1
ومع الأيام تثبتلك المواقف مين هُم ؟ ق1ق1ق1ق1
أؤمن بإن المواقف تحدد علاقتك مع الناس ومِين هُم ومين إنتَ ؟ :يب:ق1


يكفي فلسفة لليوم tl2
لي عَودة :قمر1:
heart0heart0heart0heart0



https://mrkzgulfup.com/uploads/158871172628933.png

سكر 05-11-2020 08:41 AM

https://mrkzgulfup.com/uploads/158871172615321.gif



https://mrkzgulfup.com/uploads/158917476031511.gif


السَلام عليكم ورحمة اللهِ وبركاته خ4كوب2
صَباخ الخير يالطيفين ق1ق1ق1ق1ق1
قفلت وحده من صديقاتي بوجهي وهي تسفل فيني "الله ياخذ برودك واللي علمك عليه " ضحك4
شسوي ياجماعة إن دمي صار بارد ؟ هع2


،،

ماعلينا فيه كتابة قِد كتبتها وتفلسفت فيها قُلت خليني أحطها هِنا ق1ق1ق1
هل أعتبر سيئة لمّا أعطي أعذار لشخص cute9 ؟
أنا مُقتنعة ومُصدقة إنو مافيه ومِن سابع المستحيلآت إنو يكون فيه شخص بشكل كاامل "سيء" أو
بشكل كاامل "جيد" يعني حتى الأشخاص السيئين يكُون لهُم سبب! لازم يكُون لِهم سبب..
مُستحيل يكُون شخص يِعمل أعمال مش كُويسة وتكُون "فِطرة" فيه مُنذ الصغر مصدوم6
سلامات ؟ ، يعني السارقين أكيد مابدؤوا يسرقوا بدون سبب ؟ القَتلة ؟ أكيد ماقتل بدون سبب!
مثلاً القتلة ، نشوفهم بالدرامات هِيك ناس سيئين وحياتهم كُلها سيئة ومافي خير فيهم ودايماً أفكارهم
سيئة ومابعرف إيش وِسوآد في سوآد -مع إن الأسود حِلو- ولا هالقتلة في الحياة الحقيقية ناس عاديين بيننا
لهُم أفكارهم ولهم حياتهم ولهُم مبادئ وحاجات بحياتهم ، لكن لمّا قتل!
قتل بسبب سواءاً غضب أو فيه شيء حفزّ هالشخص يقتل شخص آخر.


ممم حتى فيه الأشخاص إللي مثلاً يكونوا قُدامك بوجه ؟ ومِن وراك بوجه!
أنا بصراحةً أكره هالنُوعية من الناس بشكل كاامل لَككن!! أدري هُم طبيعتهم مُو هيك أبداً..
ممُكن السبب يكُون إنتا! إيه إنتا..
ممُكن إنتا كَشخص يتعامل معاك هالشخص بوجه ومِن وراك بوجه لإنك ماتتقبل الصراحة ؟
تبع مشاكل ؟ ماتحب الجِدية ؟!! فهالشخص يتضطر يلبس قِناع مَعاك وبعد ماتِمشي يشيل هالقِناع
أو يلبس قِنآع ثآني! ،،، وبنفس الوُقت ممُكن تكُون أسباب عكسية يعني على هالشخص نفسو
، ممُكن ما أتعلم يكُون صريح ؟ ممُكن إللي حولو كُلهم نفس النوعية فطبيعي بيصير مِتلهم!!
ولا ممُكن مايحُب المُواجهة ؟ يعني فيه 100 سبب وسبب.
وممُكن تكون إنتا الغلطآن وممُكن يكون هالشخص الغلطان! وممُكن يكون السبب مُوزع بينك وبين هالشخص


إللي عندو أرآء في هالمُوضوع ياخو ناقشوني أبغا أعرف أفكاركم إتجاه هالمُوضوع كيف ؟!
لإني دخلت في نقاش مع بعض الناس من كَم يوم وأنصدمت من تفكيرهم بصراحةً
، الدراما لاعبة في راسهم لِعب صصح هع2


مقُولة لجدي جآت في بالي فجأة ومالها دخل بالتدوينة ككل:
بالزعل والعصبية مارح تاخذي اللي تبيه ق1ق1ق1



لي عَودة :قمر1:
heart0heart0heart0heart0



https://mrkzgulfup.com/uploads/158871172628933.png

سكر 05-16-2020 09:07 AM
"الطريق طويل ، لاتهتم" #1
 

https://mrkzgulfup.com/uploads/158960851828311.gif



أهلاً أهلاً صباح الخِير ق1ق1ق1
اليوم قررت إعادة تسمية مُدونتي ، حسيت بخمول لمُدة يومين للأمانة حاولت مااقصر بحق وندرلآند ق1ق1ق1ق1
لكن سحبت على مدونتي tl1سكين2
أنا مُحبة للتجديد وبشدة ، كُنت مقررة أقفل هالمُدونة وأفتح جديدة لكن "لا" وألف لا ..
هالعادة لازم أبطلها قبل لا أشنقني x_x4
قررت لو عِندي حُب تجديد لشيء مُعين بالمُدونة رح أغير الإسم وأجدد الطَقم وأنتهى المَوضوع :قمر1:
ع أساس فيه أحد جالس يتابعني أول بأول يعني ضحك4
* صدق فيه ؟* مصدوم0

ليش سميتها هِيك ؟ :كاواي:
أول شيء حسيت إن "عند النهاية ابتدأ كل شيء" أنتهى وقتها ، الآن أمر بمرحلة جديدةق1ق1ق1
و حرفياً هذا شعُوري ، الطريق طَويل بكل شيء محد يعرف مِتى نهايته صح ؟ ق1ق1ق1
لو حتجلس تحسب بالطريق مارح تعدي أي شيء في حياتك ، لِذلك لاتهتم وإمضي! ق1ق1ق1
ممكن العِنوان تشوفوه إنه يحرض عاللامُبالاة ،أحب أٌقلكم نعم إنهُ كذلك ضحك4
* أتوقع القيف إللي بالهيدر أستنتجتو منه شيء صح ؟* د2
صدق هالقيف أول ماشفته خفت للأمانة حسيت كإنه أحد يلاحق أحد ضحك4
بس عجبني برضو cute8good7
الزِبدة طال عُمركم حالياً أمر بأجوآء صباحية رآيقة وعملت لشعري خلطات > فاضية ضحك4
أخلص من الحوسة إللي براسي هذي ولِي عودة ، عندي سوااليف كثيير خ4جناح1



https://mrkzgulfup.com/uploads/158960851839082.png

سكر 05-20-2020 06:47 PM

https://mrkzgulfup.com/uploads/158960851828311.gif



أهلاً أهلاً مساء الخِير ق1ق1ق1
اليُوم كملت 15 يَوم بوجودي معاكم تخيلو 15 يَوم هع2ق1ق1ق1
حسيتني زي الفايروس إللي أنتشر بالمُنتدى بكل مكان سُكر سُكر سُكر ..
قريت ومريت على كل شيء تقريباً ومبسوطة كثير بوجودي هِنا ق1ق1ق1ق1
يعني مصدومة هالفترة القصيرة تعرفت على كثيير هِنا ق1ق1ق1ق1
حسيتكم جيتوني بالوقت إللي أنا حرفياً تايهة وطفشانة وأحس إني مشتتة وبديت أجمع نفسي ..
من يوم أنضميت لوندرلاند هي نفس الفترة إللي بديت أجمعني فيها ، لذلك عزيز ع قلبي هالمكان وبشدة ق1ق1ق1
https://mrkzgulfup.com/uploads/158998943665231.png
لاحظت عدد لايكاتي مايمزح ضحك4
((من اليوم ورايح نادوني فايروس ضحك4 ))




https://mrkzgulfup.com/uploads/158960851839082.png

سكر 05-20-2020 10:43 PM

https://mrkzgulfup.com/uploads/158960851828311.gif



أهلاً أهلاً مساء الخِير ق1ق1ق1
جلست أقلب بمدوناتي القديمة بقوقل كلها ضحك4 ..
حبيت بعض المَواضيع إللي تكلمت فيها ، رح أنقل بعض الحاجات الحِلوة إللي أنبسطت إني كتبتهاق1ق1ق1


25FEB2017
 مِن مشاكل البشر إنهم يكبرو شخص معين ويكبرو ويكبرو فيه لحد ماصارو يحسو إنو هالشخص مستحيل
يغلط وإنو من أفضل الناس على الكُرة الأرضية. ، وإذا شافو تصرف ولا شيء مش كويس من هالشخص؟
ولو كان شيء صغنن ، طاح مِن عينهم أنصصدمو! وجلسو فترة عِندهم حالة نفسية
قلك قلك منصدمين من هالشخص!! وفجأة ينقلب الحُب والتقدير إلى كُره فظظيع.

نعم يا آخوان ؟ مصدوم0
من البِداية مِين حكالكم كبرو الأشخاص هدول ؟ بالنهاية كُلنا (بشر) والبشر مستحيل مايغلط!
مستحيل ماتشوف إنسان يعمل شيء غلط وسيء ، مافيه أحد كامل إلا سُبحانه وتعالى.

المُشكلة الكُبرى إننا كُلنا عارفين مافيه أحد كامل ومافيه أحد مايغلط ، بس برضو فيه ناس مدري إيش عندهم!!
موراضين يصدقو ولا هم اساساً يبغو ينصدمو مره
عشان يآخذو كف مُحترم من شخص معين عشان يعلمهم ويأكد لهم معلومة (مافيه أحد كامل) ؟

،،

+

اؤمن وبشدة بمقولة كُل إنسان يُمر بحياتك خُذ منه الصفة الجيدة فقط ، يعني لاتعتبره قُدوة ابداً ..
البشر لن ولن يكونو قدوة مادامو بشر عاديين ، بعيداً عن الأنبياء والرُسول طبعاً ق1ق1ق1ق1ق1
كُل بشري فيه الصفات الجيدة والسيئة ، فالأفضل ناخذ الكُويسة ونتجاهل السيئة عشان نعيش ق1ق1ق1ق1
بس شغل التكبيير بالشخص وإنه أفضل شخص بالحياة وكامل ؟ مالها داعي عواقبها وخيييمة ق1ق1ق1ق1


وبس هع2ق1ق1ق1ق1

لي عَودة طبعاً
l4



https://mrkzgulfup.com/uploads/158960851839082.png

JAN 05-21-2020 12:12 AM


___

إعتنوا بقلبي جيداً !
فنصفه هُنا ق0



سكر 05-21-2020 03:08 PM

https://mrkzgulfup.com/uploads/158960851828311.gif



أهلاً أهلاً مساء الخِير ق1ق1ق1
حبيت


فعلاً فيه أشخاص مش حقيقيين لكن أتعلمت منهم أكثر من الأشخاص الحقيقيين > حد فِهم حاقة ؟ لا5
الأنمي خاصةً :
أحس لمّا أتابعو مش من باب إني أستمتع وبس ، لا بالعكس! مستحيل أتفرج أنمي إلا وأطلع منو بفايدة.
دايماً فيه إقتباسات تِلهمني بشكل فَظيع ، أحسهم صح مش حقيقيين لكن يأثروني بشكل غرييب!.
أحياناً أحس لمّا أتفرج عليهم وأستمتع أفضل مية مرة من بعض الناس غ1
عالأقل أطلع بحاجات وفايدة غير إني أستمتعت ف3

خصوصاً فيه شخصيات مدري كيف إللي عملهم قِدر يطلع بهالمزيج الغريب! ف0ق9
غبي ، أحمق ، لكن شجاع ولايخاف!! .... متبلد ، بارد ، لكن مايِترك لأي شخص يمس أصدقاؤه بسوءّ!.
وغير إللي تكُون الشخصية جداً سيئة ببداية الأنمي وتِغلط كثير وتكُون مصدر أذية وشريرة
بس بعدها تنقلب الأحداث ويتغير كل شيء!
وفيه إللي تكُون الشخصية محبوبة وذكية وكويسة ، لكن ينقلب الموضوع!
وبنفس الوقت إللي أحبو بأكثر الأنميات إنو (الشخصيات السيئة) يكُون لها سبب! ليه هيّ سيئة ؟
للآن ماشفت شخصيات سيئة بدون سبب! ، ياخي حتى بعضهم يكون موضوع نفساني تَركهم يصيرو كِدا!
يعني فييييييييه سبب كِدا ولا كِدا.
مش نفس الدرامات وهالحوسة! يحطو بطلة رئيسية والثانية تكُون شريرة بدون أي سبب يُذكر!
بس تجلس تتبسم مسوية فيها شريرة وإحنا ماندري إيش موضوعها بالحياة 1حك4
طبعاً مش كل الدرامات بس فيه زي كِدا.
^ ممم ومِثال بسيط الدرامات الخليجية مستحيل ماتلقو شيء زي كدا فيه هههههههههههههههههههههههههههههههههههههههههههههههههه هههه XD خليني ساكتة بس ضحك4

صرت بالأنميات أتحمس للشخصيات السيئة عشان أعرف قِصتهم أكثر مِن إني أكرههم خ4جناح1
..
كان عِندي شيء غريب ماكُنت أطيق الأنميات الطويلة أبداً ، ماأستحمل إني أتفرج حلقات بهالكمية الكبيرة مصدوم0
الوضع أتغيير تماماً هالفترة .. أتذكرت في كِتاب كان يقُول
[الشيء إللي تكرهو اليوم رح تعملو بُكره] > أحس شطحت بس لحد يدقق ضحك4
25FEB2017


لي عَودة ق1
l4



https://mrkzgulfup.com/uploads/158960851839082.png

سكر 05-22-2020 03:51 AM
إنّ الصديقة روحاً بيضاء , وحياة مُفرحه وغيمة مُمطره
 

https://mrkzgulfup.com/uploads/158960851828311.gif




اقتباس:
المشاركة الأصلية كتبت بواسطة JANSO (المشاركة 76710)

___
إعتنوا بقلبي جيداً !
فنصفه هُنا ق0
مسااء الخير ق1ق1ق1ق1ق1ق1
حآبة أتكلم عن لطيفتي جآنسو ق1ق1ق1ق1ق1ق1
مع إني ما أؤمن بالصدف لكن اليَوم إللي تعرفنا فيه كان يَوم لطيف جداً pe1ق1ق1ق1
بالنسبة لي محد وُجد بحياة الآخر عبث ، دايماً فيه حكمة ورا هالشيء ق1ق1ق1
كُنا شخصيات مجهولة على التويتر محد يعرف الثاني ابداً هع1
وموقف صار بغمضة عين خلانا نعرف بعض ق1ق1ق1ق1ق1
ودخلت وَندرلاند بسببها ترا هي خلتني أكتشف إن اعضاء عيون العرب نقلو العفش هنا :0:
أكتشفنا تشابه بالماضي والإهتمامات بطريقة غريبة لكن لطيفة ق1ق1ق1ق1
جآنسو خلتني أعرف إن ممُكن مااكون بواقعك ، لكن أنا دايماً جنبك ق1ق1ق1ق1
جآنسو علمتني إن إحنا مَوجودين لبعض ندعم بعض ، وياويلي لو مااكلت ضحك4
جآنسو علمتني إن الصُحبة ليست بالمُدة لكن أن تجيد الحضور ..
جآنسو علمتني فيه أرواح بعيدة عنك مسافات لكن تخليك تحس وكإنها بجانبك ق1ق1ق1
وحمدُلله على الصداقات الحلوه اللي كِذا ق1ق1ق1ق1ق1ق1

https://mrkzgulfup.com/uploads/158960851839082.png

سكر 05-24-2020 07:02 PM
كُل عام وإنتُم بخير
 


مسااء الخير ق1ق1ق1ق1ق1ق1
العيد هذا أحسه مُختلف كثيير هع2ق1 رُغم إن أغلب الناس موعاجبهم ..
لكن بالنسبة لي .. The best حرفياً أفضل عيد حيمر علي بحياتي هع2ق1ق1ق1ق1
جهزنا أنا وصديقاتي فعاليات عالسناب ضحك4 كُل شيء بيكون لايف وكام..
أحب هالأجواء مع إني أتمناها عالواقع لكن لابأس كُله حلو هع2ق1ق1ق1ق1
اليُوم جداً لطيف ، قررت إني لو أشوف وحده تكُون ناوية تخلي هاليوم بالذات عادي إني أصفقها هع2ق1ق1ق1
مو عادي .. ابداً .. (وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوب) هالآية أحسها تكفي ..
الواحد يقُوم يترتب ويتزبط ، مُجرد مايعمل كذا النفسية رح تتغير اساساً ق1ق1ق1ق1
بيدك تخلي اليَوم ممُيز وبيدك تخليه عادي ق1ق1ق1ق1ق1ق1
بالنسبة لي واللهِ مقررة أخليه مميز كثير أقل شيء أكُون مبسوطة وسعيدة ، مع إنهُ هالعيد وحيدة ترا!
بس برضو رح أنبسط كثيير ، لإني أنا لي رغبة بهالشيء .. وبيدي إنها تكُون لي الرغبة بالزعل وأتنكد وأقول
" مااتهنينا لابرمضان ولاعيد" ، "هذا مُو عيد" ، "على إيش أفرح والدنيا حظر؟"
شايفين هالناس ؟ نفسي أخذهم وأعمل فيهم كُل شيء مُو كويس مصدوم0
بالعكس أحس الحظر بزمن 2020 أحسن لو كان من قبل!!
حمدلله عندنا سوشال ميديا وأجهزة وتواصل ، لو شخص بالجُزء الآخر من الكرة الأرضية رح نقدر نكلمه غ1ق2
يعني الحياة حلوه واللهِ وسهالات لو إيش ماصار ق1ق1ق1ق1ق1

كُل عام وإنتم بخير جميعاً ق1ق1ق1ق1

خليني أتكلم عن التقييمات
مافاتني ولاتقييم بس للأسف مالحقت أصور كُل شيء ..
خصوصاً تقييمات منتوهي اللطيفة ق1ق1ق1 شاركت وردت على حاجات كثير بسطت قلبي الله يسعدها ق1ق1ق1ق1
https://mrkzgulfup.com/uploads/159026324374271.png
كم شخص قال لي إنتي سكر إللي بعيون للأسف لا ماكان إسمي سُكر..
وبعيون طال عُمركم آخر تسجيل دخول لي كان بـ2013 هع2 بس ترا ماقطعتكم كُنت مُتابعة من بعيد لبعيدق1ق1ق1
وبعد تعرفي على جآنسو قالت لي إن جيتو كلكم بوندرلاند وجيت معاكم غ1ق2
إسم فايروس يليق في كثيير ضحك4
أماسيا اللطيفة مُرورك لطيف جداً رُغم كلماتك البسيطة لكن لامست قلبي والله وأسعدتني ق1ق1ق1ق1
وكُل الناس الحلوه إللي تمر ياحبذا تسوي إثبات تسجيل دخول ولا حنزعل من بعض لا0
يَوم لطيف على الجميع بإذن الله ق1ق1ق1ق1ق1
وكنت بحط هالتدوينة من الفجر بس المُنتدى كان مُعلق ، وحالياً مو راضي يقبل التنسيق ..
معسلامةx_x4جناح1

سكر 06-20-2020 03:14 PM

https://mrkzgulfup.com/uploads/158960851828311.gif



السَلامُ عليكُم ورحمةُ الله وبركاته ق1ق1ق1
كإنهُ من زمان عنكم ؟ بكاء5
يا الللههههه :ناميا:
دخلت فريت بالأقسام أشوف إللي فاتني للأمانة أنصدمت شوي هع2ق1ق1ق1
الجميع لهُ وحشة ، أشتقت لما افرفر بمدوناتكم وأتعرف عليكم منها شخص شخص ق1ق1ق1
حرفياً كُنت أفر بجميع المُدونات! معادا اللي صفحاتها فوق الـ100 :يب: هذي اقرأ آخر التدوينات بس ق1ق1ق1
أغلبكم مغير إسمه ، أسوي إسترجاع لكُم لما أفتح مدوناتكم تدروا ؟ ق1ق1ق1
حرفياً أحس نفسي أعرفكم كُلكم رُغم إني مااتواصل مع الجميع ف3ق1ق1ق1
لكن من المُدونات تخليني أكُون مطلعة عالجميع ق1ق1ق1ق1
برجع أفر عندكم ، عندي 3 صفحات ونص في القسم ماادري عن إيش صار في مدوناتها بكاء5
مدونتي بالصفحة 4 مُستوعبين ؟ هه6
رح آخذ فرة وأرجع هنا ق1ق1ق1ق1
عندي فعاليات كثييير وحاجات صارت نفسي أتكلم عنها .. حماس1
بالمُناسبة ترا أحبكم واللهِ ق1ق1ق1ق1

لي عَودة و1

https://mrkzgulfup.com/uploads/158960851839082.png

سكر 06-22-2020 02:04 PM

https://mrkzgulfup.com/uploads/158960851828311.gif



السَلامُ عليكُم ورحمةُ الله وبركاته ق1ق1ق1
الله عالفترة الأخيرة ، صارت حاجات كثييرة لدرجة إن ماادري أحكي عن إيش ق1ق1ق1
خليني أتكلم عن أول موضوع صار ق1ق1ق1
كان أول يوم يفتحو فيه السعُودية بعد العيد (8شوال) جآني يوم ياطويلين العُمر صحيت وأنا يلازمني شعُور غير مُريح
تجاهلته وصحيت وخرجت برا البيت ورُحت أمشي في الأرجاء أغير جو فقط دعاء3ق0
تعرفوا كان فيه شخص في حياتي الشخص هذا أُنثى لكن بتكلم عنها كمجهول ق1.
، ماكان هالشخص مُفضل ولاقريب لقلبي ابداً ولاقِدرت أحبه ولاقدرت أتقبل أي شيء مُتأخر منه.
كُنت في وسط قطعي للشارع ، رايحة للجُهة الثانية ويجيني إتصال من أخويا الفاضل كان مُحتواه كالآتي :
- : وينك ؟
سُكر : برا
- :طيب أسمعي فلانة توفت.
سُكر : أ....
طوووووووووووط
محد أعطاني مجال حتى اسأل عن شيء ..
فكيت التُويتر دايركت وحطيت هالتغريدة :

https://d.top4top.io/p_1634lf5kn1.png

أتذكر شعُوري وأنا راجعة للبيت .. حسيت بضياع مو بسببه لكن بسببي ..
هُو الوحيد إللي أثبت لِي إن صدق يبغى يعدل الأُمور بين الجميع ويبغانا نرجع نتجمع كُلنا زي زمان وأحسن !!!
الوحيد إللي أثبت لي إنه خسرني لكن حاول يرجعني لهُ بشتى الطرق .. عرف إن مامني فايدة ..
أنا كُنت رافضة القُرب من الجميع مو بس منه ..
أنا كُنت موقادرة أتقبل قُربي من الجميع نهائياً ولا كُنت مستعدة أقرب منهم ومو ندمانة على هالشيء!
محد يقدر يعتذر عن شعُوره ابداً ياجماعة ، الشعُور شعُور شيء مو بيدك ..
مااقدر أجبر نفسي أحب أحد أو أتقبل أحد بعد ماخرج من قلبي ونفيته .. كُل شيء يجي من الله!!!
مو زعلانة على شيء واحد .. إني ماجاملت وزيفت مشاعري .. حسيتني واضحة لأعلى درجة مع الجميع ..



ماانسى روحتي للعزاء وأغلبهم يعطوني نظرة لوم إن "إنتي قاسية" و "إنتي مافيكِ خير" وإنتِ وإنتِ وإنتِ ..
ما حسيت بولا 1% أذية من كلامهم للأسف ، حسيت إني مُتبلدة كثيير .. معقولة كلامهم القاسي ماوجعني؟
شعُور التبلد مااشوفه سيء بهالحاجات .. الله وحده يعلم عن إللي بقلبي وشعُوري .. الله وحده ق1
الشخص بعد مايمُوت مايبحث عن شخص يحس فيه ابداً
، ولاشخص يبادله الحُب مُتأخر ، ولاشخص يشوف محاسنه بعد مافارق هالحياة ..
إللي يمُوت كُل إللي يبغاه هُو الدُعاء وأعمال الخير عشانه ق1
وللأسف إللي صار هُو الأول .. فجأة الكُل صار يحب ويدور ويبكي ويُغمى عليه!!





بعض البشر أحسهم مُزيفين بشكل! رجع لي هالشعُور إني ما أحس بأمآن مع البشر ق0
الكُل جلس يلومني إني ماكُنت موجوده وماشفته وأنا السيئة ..
طيب هالشخص لما كان تعبان ألتفت يمين ويسار وناظر وراه ماحصل ولا شخص معاه!
الشخص هذا لما كان يبغاهم ماحصلهم! الشخص هذا لما كان مُوجود محد سأل عنه!!!
برمضان ماانسى الكلام السيء إللي جآني من الجميييع ، ماانساه!
يطلبو مني أسوي كُل شيء وأروح وأجي ، وهُم متكين في بيوتهم ؟؟؟
بس بعد ماصدمهم خبر الوفاة ..
صارو يحبوه بعد مامات ، مستوعبين ؟
صارو يتذكرو كُل شيء كُويس بعد مامات ..
إللي وجعلي قلبي حرفياً إن هالشخص كان ينتظر منهم هالشيء وهُو عايش ومالقاه قلب0
ليش البشر دايماً متأخرين ؟ ليش رُغم معرفتهم إن الدُنيا مُؤقتة يضروا ببعض؟
ليش رُغم معرفتهم إن ممكن الدقيقة الجاية تكُون آخر دقيقة بحياتهم يجلسوا يحقدوا ويوزعوا شر على بعضهم ؟؟
وبعد مايفوت الفَوت ويمُوت أحد الأطراف ، فجأة يحبوه!!
مححححد يبغى حُب متأأخخر!!





مااقدر أقول إلا إني آسفة إني كُنت خيبة كبيرة بقلبك ، وآسفة إني ما كُنت من ناسك الصح ،
وآسفة إني مااعتذرت عن أي شيء بدر مني . وآسفة إني كُنت ومازِلت باردة مع الجميع ..
رُغم إن الإعتذار مارح يغير شيء ابداً .. لكن آسفة.







أقدر أعطيكُم رسالة بسيطة بسبب هالمُوقف :
مروا ولاتضروا .. خلو مُروركم بحياة غيركم بدون أي ضرر سحاب1



وأي شخص يمر هِنا : أدعولها بالرحمة ياجماعة ق1ق1ق1
الله يرحمها ويسكنها فسيح جناته ق1ق1ق1




فضفضة كانت بقلبي بس ق1 المُهم لاتنسوها من دعواتكم باللهِ ق1
لي عَودة و1

https://mrkzgulfup.com/uploads/158960851839082.png

سكر 06-27-2020 03:28 PM

https://mrkzgulfup.com/uploads/158960851828311.gif



عُمركم مريتو بمرحلة إن تمروا بحاجات تعيشوها وإنتوا تعرفو بُكره بيختفي كُل شيء .. لكن عشتوا هالأيام ؟؟
أتظاهرتو بالقُوة وإنكم مقتنعين إن عادي عادي هالشيء بُكرة بيختفي خليني أعيشو اليوم ..
وكملتو أيامكُم عايشين هالشيء .. لين جاء اليُوم المتوقع على حسب كلامكم وأختفى هالشيء ..
هِنا بينكشف القِناع حق القُوة المُزيفة والقناعة المصطنعة والرضى الكذاب ..

،،

ماادري أفكر بإيش .. لكِن إتمنيت وبشدة إن الحاجات الحُلوه بحياتي ماتبعد عني أبداً ق8
يمكن لإن أول مره بحياتي أمر بشيء حِلو مِتل هيك .. تمنيته يُدوم للأبد الأبدي ..
بس نكذب على مين ؟ هه7 إحنا بالدُنيا ياجماعة مافيه شيء دايم للأبد هِنا للأسف ..
بأي أحقية نُطالب بالأبدية والدُنيا بكبرها فانية اساساً !!
يعني كيف تدُوم الحاجات اساساً ؟ مصدوم0
بس أعرف شعُور .. هُو شعُور .. لكنهُ كبيير وثقيييل .. يوجع وكإنك حطيت ثُقل الكَون كُله على صدرك
وكإن هالكُون يبغاك تنتهي خلاص لما تستوعب إن بنهاية المَطاف مافيه أي شيء تبغاه ضل معاك..
تحس مافي شيء عشته على هواك ، كُل شيء تختاره وتتمسك فيه تلقاه مشي عنك ..
للأسف إن هالحاجات .. أشياء .. مواقف .. أشخاص .. إبتسامات .. ضحكاات .. مَشآعر حِلوة ..


بس أقتنعت بحاجتين .. الأولى : (محد عارف الخير فين) .. (محد عارف بُكرة إيش بيصير) ..
الثانية : إن لو هالشيء نصيبه معاكِ ؟ لو بينك وبينه بُعد المشرق والمغرب رح يجيكِ
ولو هالشيء مُو نصيبك ؟ لو إنهُ قدام ثغرك واللهِ ماتاخذيه! ..

وبس ..
مُجرد حاجات ملخبطة جواتي خرجت بهالشكل ق0ق0ق0

https://mrkzgulfup.com/uploads/158960851839082.png

JAN 07-01-2020 09:00 PM
https://c.top4top.io/p_1643y302k2.png








‏"كان ينقصني شخص
يُشبه اندفاعي بالشعور
وشغفي تجاه الأشياء التي أُحبّها، شخص يستحق مُبالغتي به."




وكانت انت ! ~



جان .


https://b.top4top.io/p_1643htdr41.png

سكر 01-26-2021 04:27 AM
https://c.top4top.io/p_1643y302k2.png







‏ السَلامُ عليكُم ورحمة الله وبركاته ق4ق4ق4
اللللللللهههههههه!! وندر لاند!
هل ممُكن شخص يمر بتقلبات لمُدة 6 شهُور ويضيع نفسه فيها ؟
هذا انا :55:good2

عندي كلااام كثييير :يب:
أول شيء أحس إن وندر صاير نايم بشكل مُو طبيعي ابداً مدري4
ثآني شيء أغلبكم مُغير إسمو لذلك أحس موعارفة احد x_x6
وثالث شيء الطَقم صح أستخدمتو متأخر لكن شُكراً وبشدة جآنسو هه0 الطقم أحسه معبر جداً عن مُدونتي ق9ق9


مرييت بلخبطة بحياتي بشكل مو طبيعي د2 أحس كُنت ضايعة وحرفياً مشتتة ف0
من حالة وفاة لتقربي لبعض الأقارب لندمي على ذلك د0 لحصولي على شغل ق9 لخروجي من الشغل ha1 لرجُوعي لشركتي القديمة ف7
بعيداً عن السيناريوهات اللي تحصل لي بين هالمواضيع الرئيسية ..
كلها أفلااااااااااام خلال فترة بسيطة أعزآئي لكن ماعليكم مُقاومة ولازلت أقاوم هع4

بقلب شوية في وندر ، عندي فلسفة شديدة smile4نجمه1
اليُوم آخر يوم ورح تنفصل بآقتي ، لو أتاخرت عليكم بالكثير بداية الشهر وانا عندكم cute6


رح أقلب بالمُنتدى بشوف ايش الجديد ، ولو ماانفصل نتي حرجع هنا pe1








https://b.top4top.io/p_1643htdr41.png

سكر 05-27-2022 01:26 AM
https://c.top4top.io/p_1643y302k2.png







‏ السَلامُ عليكُم ورحمة الله وبركاته ق4ق4ق4
شُفت التدوينة اللي قبل دي بالضبط,,
جآتني صدمة لما استوعبت إن 6 شهور أنسحبت لين 6 شهور ثانية pe1
ندمانة إني أحس نفسي جالسة اضيع على نفسي مُتعة كُنت أحبها ..
كملت سنة موقفة أخذ كورسات كوري وإنقلش ولا كملت الإسباني ..
كملت سنة ما استخدمت الفوتوشوب ولا حاجة ..
كملت سنة وأنا بمكاني للأسف : (
على قد ماكُنت أنكر لكن للأسف هذا واقعي فعلاً !!!
أنا واقفة في مكاني ياجماعة زعلان7

بقلب في وندر ، شكلو فيه أعضاء جُدد : (
بشوف ايش الجديد ، عندي لكم سواااليف لييين تتعبو :فري:

طبعاً اليوم أنا قررت أتحرك وأسوي شيء في حياتي الناشفة الفاضية هذي..

خلوكم معايا باللهِ حزين2ق5

الجُدد بالله تعالو عرفوني علييييكم خجل2







https://b.top4top.io/p_1643htdr41.png

سكر 06-01-2023 04:20 AM
https://c.top4top.io/p_1643y302k2.png







‏ السَلامُ عليكُم ورحمة الله وبركاته ق4ق4ق4
كل مره أدخل وأنصدم ان اووه من زمان عن وندرلاند..
طبعاً أنا شخص احب الأجواء اللي يتخللها لابتوب وجلسة حلوه وكوب قهوة وهيكا
مااعرف استخدم جوالي لهالحاجات أحس لااء فيه شيء غلط x_x4
بس لابتوبي صارلو سنة انخرب وانا كل يوم اقول بكره وبكره وبكره أصلحو ..
التغريدة اللي قبل السابقة زعلت من نفسي وانا اشوف اني سنة موقفة وسنة بدون انجازات ..
دحين أحس فيه نقطة كبيرة في شخصيتي أتغيرت ومره مبســوطة منها
صرت أشوف الإيجابيات كثييير ..

بدل مااقول سنة ولا سنتين ماسويت ومافعلت ..


خلوني أكلمكم عن إنجازاتي بعمر 23 سنة بفضل الله قبل كل حاجة ^^


- ركزت على دوامي بشكل جداً قوي وبعدت عن أغلب التسليات في الحياة بأمانة .. وها انا أحدثكم عن وحده صارت مُديرة منطقة لبراند مُعين ، نادراً جداً مدراء المناطق تكون أعمارهم صغيره وقليل جداً جداً البوزيشن هذا يكونوا سعوديين فجداً فخورة بالإنجاز هذا .. :نانا:

قبل ماأوصل لهالبوزيشن كُنت مديرة على 25 شخص ومسؤولة عن شخص شخص بدون أي مساعد وفخورة أشد الفخر إني عرفت أتعامل معاهم جميعاً بإختلاف شخصياتهم ومهاهم ومن أول شهر لين آخر شهر لي معاهم كانت الأرقام طالعة فوق في السما ، ومن يوم مامشيت ليومكم هذا الفرع طاح طيحة فظيعة مع إنه الرئيسي للبراند دعاء2


- قررت أحفظ قرآن حبة حبة وجالسة أحفظ على مهلي وبهدوء :نانا:



- صرت أكثر نضوجاً وصرت أتصرف بحكمة كثير .. مبسـوطـة من شخصيتي كثير ..

- بطلت أننتقد وصرت أكتفي بالدعاء بالصلاح والهداية ، وهذا أكثر شيء مبســوطة منه لإني كُنت شخص إنتقادي مره كثير.. الحياة صارت مُريحة لما تشوف ولا حاجة مهمة غير نفسك heart1


- كُنت متمسكة بحاجة مبهدلتني لمدة 5 سنوات من حياتي ، أحب أقلكم من هذا المنبر إني فكيت نفسي بكامل قناعة ورضى غ8

-قفت تماماً أشوف أخبار ، غيرت المحتوى اللي اتابعو بالسوشال ميديا ، الدنيا معايا مره أتغيرت وصارت إيجابية أكثر وبرضة مبــسوطة من هالشيء :مرح1:


- سجلت في نادي من فترة قريبة ومقررة أركز مره على صحتي وعلى كل حاجة تخليني أصير أحسن ..

- كثفت قرآءة كُتب وصايرة مثقفة ضحك1




سُبحان الله عالم المنتديات والحاجات الحلوه هذي أحس فيه جُزء من قلبي يعشقهم جداً ، مااقدر ياجماعة أفتح لابتوبي وما أعدي وأتفرج..
كُنت حافظة مدوناتي ومنتدياتي السابقة اللي مااتت وصارت بدون إدارة وبدون أي حاجة ودحين بعد ماجيت أشيك جاني شعُور حُزن لما لقيتها أختفت من محركات البحث .. وكإننا ماكنا موجودين ص8
يا الله كمية الذكريات والحاجات الحلوة كانت والآن أختفت كإنها لم تحصل أبداً ..

حابة أخذ فرة أشوف إيش الفعاليات مع إني شايفة الدنيا نايمة بس مو مهم ، مرتاحة مره بوجودي هنا وأتمنى نجلس هنا مانختفي:نانا: heart1







https://b.top4top.io/p_1643htdr41.png


الساعة الآن 12:04 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

Security team