من الأشياء الجميله الموجوده في المنتدي وعالم النت عموماً إنك تملك فرصه تكون فيها " أنت " كما تريد ، بتكون نفسك و شخصيتك بمنتهي الحريه ، كل واحد مننا بيملك جزء خاص بيه هو بس ، و مستحيل الجزء دا يظهر للأشخاص في الواقع و وقت ما يظهر لهم واقعيا بيتم انتقاده او السخريه منه .. الجزء الخفي ف الـ " انت " الخاصه بك بتبقي ميزه لك أو حاجه تميزك عن الآخرين بس واقعيا مش بتكون موجوده و صعب تظهرها.

مثلا علاقتي مع " اساور - اماس - ديدي - بوني " الأربعه دول بالذات وتحديدا أماس و ديدي أعتبرها اكتر علاقه قدرت أنجح فيها في حياتي ، واكتر علاقه للأمانه انا فعليا محرومه من تواجدها في حياتي وهي علاقتي بهم ك اخوات صغيرين ليا ، علاقتي مع اختي الصغيره في البيت فاشله لاقصي حد مع إني ويشهد الله اني حاولت أخليها ناجحه وكنت فاكره لأنهم اوهموني ان الغلط مني ومن عصبيتي و تصرفاتي ولكن مش معني إني الأخت الكبيره يبقا استحمل فوق طاقتي .. امي كانت دايما تقول لي انتي الكبيره ف غصب عنك تستحملي كل حاجه صعبه.

اكتشفت متأخر مش إنك كونك الأخ الكبير تبقا مجبور تستحمل قلة أدب وعدم احترام و قسوة أخواتك الصغيرين ، مش مجبور تضحي براحتك ونصيبك من الحياه علشانهم و علي قوله أقرب صديقاتي كانت دايمآ تبهدلني وتقول لي : " بطلي بقا تعيشي دور الضحيه ، بطلي تبقي اخر الصف دايماً ".

مبدأيا الجزء الخفي مني هنا لما حاولت اكونه برا المكان دا اعتبروه ضعف بشخصيتي ، صعب تشرح للناس ان كونك تمرر لهم اخطائهم دا ميعنيش إنك ضعيف لهم بس انت بتحاول تمشي أمورك و علاقاتك علشان تمشي و تستمر ،

للأمانه اشوف علاقتي مع الأربع بنات اللي ذكرتهم فوق إنه تعويض من ربنا لي عن اختي اللي بالواقع ، ربنا دايما بيجبر بخاطري لسبب انا معرفوش بس انا أحيانا بلاقي الناقص في حياتي الشخصيه في المكان دا ، واقصد عيون العرب اللي كان سبب في إن السنين تدور والقي علاقاتي الناقصه فيه.

اتمني بس تدوم علاقاتي بالثلاث عفريتات دول و حيوان الكسلان رابعهم ، يفضلو دايماً مبهجين في حياتي و أيامي سعيده بوجودهم لأنهم يمكن ميعرفوش إن يومي بيكون ناقص بدونهم خاصه كوالا smile8:er-12:

كوالا سامحه لك تاخدي سكرين شوت و تقعدي سنه تستفزيني بيها أصلا اول وآخر مره اعبر لك عن مشاعري ، حبيت افضفض بس بيهم. :يب2: