|
-
مستحية أكتب، نسيت وشلون كنت أدون قبل ؟ يا إلهي كم لبثنا فعلًا ! كم مر على آخر تدوينة ! الكثيييير ما أدري كيف وليش توقفت عن الكتابة هنا بس الحياة بشكلٍ ما: أخذتني بدوامة الإنشغالات والركض . اللذيذ والسعيد جدًا إني قاعدة أقرأ آخر كلامي وخوفي من الرسوب بهذيك المادة ضحك1ضحك1 بس ايش صار؟ نجحت بفضل الله وحده ! ق1بكاء8 يا ناس كنت مرعوبة جدًا ومو ضامنة أوصل درجة النجاح= 60 بس ايش ؟ نجحت بـ 70 هه0 جبت درجة عاااالية بالاختبار النهائي وقتها تحسرت وندمت.. ليتني بذلت بالنصفي جهد كبير عشان بالنهاية يصير المجموع عالي ): لكن الحمد لله من قبل ومن بعد ~ من الرسوب للنجاح.. نِعمة ! + هذي أسوأ درجة بحياتي كلللها . . لكنها أكثر درجة فرحت فيها ضحك1ضحك1ضحك1 ما أتذكر كيف نجحت وكيف قدرت أحل وما أشوف إني أستحق . . بس هو= توفيق الله وتيسيره وحده الحمد لله ق1 < فيه مواقف كثير ليلتها صارت أثرت فيا وغيرتني بحياتي كلها مو بس بالمادة والاختبار لعلّي بيوم أحكيكم ق1 ~ المهم . . أحس إني أتخبط بهالتدوينة غرقانة بـ 77 حكاية ، مو عارفة من فين أبدأ >< بس اشتقت والله لهذا المكان ولأني أكتب ولأني أشوفكم تقرأون وتتفاعلون معايا ولأني أقرأ باقي المدونات أشياء حلللوة وأحبها قلب6 بنتظر وقت ثاني وأرجع أدوّن وعقلي مرتب angle2 اللهم صلِّ وسلم وبارك على نبينا محمد و3 ~ |
[QUOTE=يَقيــن;233609]
- مسسسسساءء النور heart1 هذه تدويني الأولى بهالترم . . جدًا متحمسة ومتفاءلة فيه، مرة مرة مرة heart1 < وعلى قد الحماس فيه خوف نتيجةً لقلة الأسابيع بهالترم وكثرة المعلومات بالمناهج قلب9 لكنّ أبا أركز عالجانب الإيجابي وأنبسط بس رقص3heart1 هالترم -لأول مرة- بيكون فيه مشروع لكل مادة من المواد اللي أدرسها ! < مواد التخصص بس ، وعددها 4 ~ يعني مطلوب مني 4 مشاريع د2 حأستخدم فيهم هاللغات : Java - JavaFx - HTML - CSS - JS - Paython - SQL - Prolog وفيه لغة بعد نسيتها ضحك1 . . يعني ما اقول غير الله يرحمممني هالترم دعاء1 مع إنو بايثون وجافا وSQL اعرفهم من قبل ، والباقيات تبدو خفيفة الصدق بس يبقى الأمر مخيف . . لأن كيف أركز فيهم كللللللهم بنفس الوقت ؟ صعب بس مب مستحيل فحاسته كأنو تحدي رقص3نجمه1 اليوم انتهى ثاني أسبوع دوام.. وللآن ما قد ذاكرت شيء >< < هل استغربنا؟ لا ضحك1ضحك1 لذلك كُل الناس ممكن تلهو وتمرح يوم الخميس بس أنا لا . . بحاول كثيييير إني أذاكر وأستدرك الوضع ، ما فيه فرصة للمراكمة أكثر لأن الترم قصير وفجأة حتداهمني الاختبارات وأموت من الندم قلب9 غير إنو الأسبوع بعد الجاي فيه يومين إجازة غير الويكند -إجازة اليوم الوطني- و ودي أنبسط فيها وأرتاح بعيدًا عن الضغط والمذاكرة اللي تجيب الهم stop5 توّ الآن كتبت مهامي لليوم . . خصصت ساعة ونص أذاكر فيها اخترت مادة "الذكاء الصناعي" ، يا رب يكون اختيار موفق واستمتع بيها ~ وكمان أحتاج أصمم صفحتين لكتيب قاعدة أشتغل عليه . . وبرضو بسوي لاب تطبيقات< حستخدم فيه الـ HTML مرة متحمممممسة وبعتبره مكافأة اليوم إنو أعمله pe3heart6 < مطلوب منا نسوي صفحة ويب بسييييييطة. . ومن كثر الحماس ودي أشارككم إياها لما أخلص بس ما تعلمنا نسوي رابط وننشره ): لكن برضو بحاول أبحث ولو عرفت حوريكم معايا إن شاء الله رقص3ق6 ++ أمس نمت الساعة 9 الليل . . طبعًا نمت بالغلط ضحك1 ! ولا بالأصل نومي مرة مخرب واسهر كثير وأنام قليل ): وأعرف إن هذا صحيًا غير جيد وقاعد يأثر على إنجازي مرة :/ فقررت إنو أنتبه على صحتي أكثر وأحاول ارتب نظام حياتي < علمًا بإنو كان مرتب لكن الجامعة جات خربته ! قلب9 واليوم صحيت 6:30 نشييييييطة ورايقة مرة الحمد لله وداومت ساعة وحدة ورجعت البيت ولعل هذا هو سبب الحماس والروقان اللي الآن رقص3ق6 < أصلًا شوفوا كم مرة حطيت الإيموجي اللي يرقص هذا ضحك1ضحك1ضحك1 +++ بالأسبوع هذا فيه كم مرة إنهرت فيها إنهيار مو طبيعي بسبب الضغط لأني أشتغل بنفس الوقت < غير الدراسة يعني ، غير أعمال البيت ومسؤوليات الاخت الكبرى . . فحسيت كل شيء فوق طاقتي ، وحاولت أرجع افكر واتفاهم مع نفسي إنو ليش كل هالتوتر والضغط ؟ وحاولت ارتب المهام وأقسم الأعمال بحيث أقدر أنجز يوميًا بشكل مرضي وبدون تعب اوفر ! لقيت إني بشكل عام ممكن أتحمل شيء كثير بدون إنهيار بشرط أقلل قعدتي عالجوال يعني كثير وقت يضيع بدون فائدة رغم إني أحتاجه بجهة ثانية !! ويمكن أكبر مسبب لهالضغط= إحساسي بالتشتت، لما أمسك الجوال وأرد عالمحادثات ، مرة أحس تركيزي يضيع ): غير إنو دائمًا محادثاتي بالواتس وتويتر وسناب فوق 80 محادثة وهالشيء مرهق جدًا جدًا . . مو قادرة أرد عليهم أبدًااا !!! لو بقعد أرد عليهم بيروح يومي بدون ما أسوي شيء وبالمقابل بيزعلون مني كثير :/ فحاولت أوصل لحل وسط وهو إني أرد على الواتس فقط . . واذا قدرت تويتر كمان بس أما السناب خلاص مستحييييييييييل قلب9 وأيضًا بخصص ساعة للرد بالليل فقط ~ يصير يومي هادئ وأركز مع نفسي وإنجازي ومهامي < بجرب هالأمر من اليوم ولمدة أسبوع وبشوف هل يفرق ولا لا ؟ وبعدين أعرف أعتمد ولا . . المهم نقول بسم الله وننطلق يا رب . . < بس سؤال صغير : عادي أحط حسابي بالانستا هون ولا ممنوع ؟ لا إله إلا أنت سبحانك إني كنت من الظالمين heart6~ |
-
المعذرة عالإختفاء . . الأيام تجري وتاخذنا معاها بدون ما نحس اليوم سبت، وأنا out of mood جدًا من لما صحيت وأنا حاسة نفسي أرجع أنام، مع إني نمت وقت كافي وكنت حنام فعلًا لولا إن وراي مهام لمشروع جماعي وتسليمه الليلة ! يعني لو سحبت.. ما بتضرر لوحدي! لا، بيتضررون معي كل القروب ): وهذي مسؤولية وأمانة ): بس صدق نفسي أترك كل شيء وأروح انام، أو عالأقل أنسدح مو فاهمة ليش و ايش فيه ؟؟؟ مو قادرة اسوي شيء وما ابا اسوي شيء ومو طايقة نفسي ولا الحياة ولا أي شيء . . من زمااااااااااااااااااااااااااااااان ما حسيت بهالأحاسيس -حمد لله- جالسة أفكر إن يمكن بسبب المشروع اللي اشتغل عليه؟ يمكن هو تعبني مرة وسحب طاقتي وما عاد لي خلقه ؟ أكيد لما نسلمه بترجع الحياة وردية وحلوة وعسل . . يا رب << طبعًا جاية اكتب تدوينة كطريقة للتخفيف عمّا بنفسي ومتأكدة بقفل المدونة وأنا أحسن، حتى لو تحسن بسيط أو صغير بس المهم تحسن ق1 عندي مهام كثيرة غير المشروع هذا الجماعي، كان المفترض أخلص شغل المشروع بسرعة وبعدين اروح اكمل مهامي، بس حاليًا ابا اخلص المشروع وانتظر أذان العشاء وأصلي وأنام و بسسس بعد هالأسبوع بيبدأ الفاينل ، هل هو سبب للإنطفاء أيضًا ؟ ممكن خخخخ عندي 4 مواد تخصص حختبر فيها ان شاء الله المضحك : 3 مواد خايفة منها و مادة وحدة لا ههههه المادة رقم 1 : خايفة منها لأنها صعبة ، بس درجاتي فيها عسل وان شاء الله بذاكر للفاينل كويس واجيب A+ المادة رقم 2 : درجاتي فيها كاااااااملة وفاهمتها وكل شيء تحت السيطرة، بس خايفة عشان يمكن تجي الأسئلة صعبة؟ xD المادة رقم 3 : شيء سيء .. نقصت فيها 13 درجة وأحس مو مستعدة أواجه الفاينل -ادعوا لي- المادة رقم 4: عسل وسهل وحتى مب خايفة من الفاينل من حلاوتها .. يا رب ما تخيب أملي . << كل ترم يكون عندي مادة وحدة سيئة وباقي المواد A+ ه1ه1 ______ أتمنى تعدي هالفترة عاجلًااا يا رب . . أحس أبي انبسط بالإجازة حيل حيل حيل وانتقم من أيام التعب الفائتة ! اهخ أبا اخصص 3 أيام للإستلقاء عالسرير بدون أي هدف ، وأبا كمان اقفل اللاب توب بعد اخر فاينل وما افتحه الا بداية الترم الثاني لأن خلاص ما عاد طايقته . . هالترم استنزاااااااف للطاقة والنظر وكل شيء حلو بالانسان ^ عندي مليون خطة بعد للإجازة من كثر ما وحشتني، يا رب بلغنا على خير ~ وبس احس لازم أنهي التدوينة الآن ، لأن اصلًا ما عندي وقت إضافي خخ الله يبارك لي ولكم في أوقاتنا وعافيتنا ويبلغنا جني ثمارًا حلوة يانعة ق1 أستغفر الله العظيم وأتوب إليه و9~ |
-
اههه أخيرًااااااا عدت! < كنت ناسية الباسوورد ولما اعمل استعادة ما يوصلني شيء عالايميل ): إنهرت جدًا صدق! حسيت إني مرة محتاجة أدخل أدون بس مو قادرة وأخيرًا الإدارة رسلت لي الباس عالايميل اليوم الحمد لله ق1ق1ق1 ~ المهم.. كنت جاية أدوّن عن أمر معين، بس لما شفت آخر تدوينة لي.. اشتهيت أكتب عن أمر آخر < ولربما بكتب عن الأمرين لأن ليش لا ؟ xD شعور غريب لما تقرأ تدوينات لأيام مضت وانتهت عن مشاعرك وقتها وكيف صارت الآن ؟ عظيم ! الحمد لله يعني قد ايييييش كنت متضايقة وشايلة هم وتعبانة و و و ؟ وكل هذا زال الآن بفضل الله تأملك لأن الحياة تتبدل، التعب ما يطول، وبعد كل ظلام فيه نور وقبل كل شيء : لطف الله لن يغييييب عنك أبدًا . بالنسبة لنتائج الترم الماضي، بصراحة غير مرضية أبدًا بس الخطأ مني ، يعني فعلًا ألوم نفسي جدًا جدًا كنت مقصرة بدراستي ): لكنّي حاولت اجتهد بس ما قدرت، يمكن جاتني حالة فقدان شغف ؟ ضحك1 أو أظنها حالة تصيب الطالب إذا قرب يتخرج.. يحس انه يوووه ذاكر سنوات طويلة وصار لازم يرتاح xD معدلي كان 3.58 من 4 !! المواساة الوحيدة= إنه ممتاز بس القهر إن معدلي التراكمي نقص ): وأنا والله تعبت عليه وعلى إنه يرتفع !! ما أدري استمر ألوم نفسي ولا ايش ؟ أتذكر اني تعبت بس ما اشوف ان هالتعب كان كافي (: وبنفس الوقت كنا مسافرين بآخر يوم اختبارات ! وكل أهلي مخلصين دوام بأسبوع اختباراتي الكل يلهو ويمرح هذاك الأسبوع ويجهز الشنط ويرتب أمور السفرة وأنا بس اذاكر ذاكرت بظروف صعبة، لأن كان مطلوب مني كثير شغلات قبل السفر < شغلات بعيد عن الجامعة لدرجة وصلت لشعور اني غضبانة من أهلي ! ليش يقررون نسافر ! وهالسفرة كل أثارها سلبية علي !! < بدل ما افرح واحتفل لأنو مهتمين يسعدوني خخخخ الله يهديني بس كان ضغط نفسي وجسدي رهيييييب ، مستوعبين كيف يعني خرجت من الجامعة عالمطار ؟ وأنا مواصلة أصلًا . بس نرجع نعيد ونقول الحمد لله، الله يجعلنا من خير وإلى خير يا رب .. << بس رغم تقصيري والمعدل الغير مرضي هذا.. كان فيه مادة أستحق فيها درجة أقل خخ لكن لقيت درجتي أعلى! آه كم أحسن لي ربي ورحمني ولطف بي ، الحمد لله كنت أستحق B ولقيتني B+ يا الله كيف انبسطت ! وفيه مادة كنت جايبة 89 .. يعني لو زدت درجة بس كان صرت A والمادة ساعاتها أعلى شيء ): كانت بتفرق بمعدلي جدًاااااااااا زعلت من الدكتورة شوي، صح إنه هذي هي الدرجة اللي استحقها وهذي نتيجتي يعني وهي أبد مب مجبرة أو ملزومة ترفع أحد أي درجة . . لكن برضو نبقى بشر (: الرحمة والعطف زينة ، لما الطالب يبقى له درجة وحدة تغير معدله وتفرق معه جدًا.. ليه ما تنضاف ؟ لكن اتز اوكيه، أحترمها جدًا وأحترم سياستها بالتعليم ~ ودي أكمل اكتب عن الشيء اللي كنت جاية اكتب عنه من الأساس بس راح كثير وقت وأنا اكتب ولسا ورايا مذاكرة قد الدنيا وأعمال كثيرة ! سو.. بروح اذاكر وبأقرب بريك بكافئ نفسي بالكتابة هنا ق1 شكرًا للناس الي تقرأني و3 ~ لا إله إلا الله وحده لا شريك له، له الملك وله الحمد وهو على كل شيء قدير و9~ |
| الساعة الآن 10:20 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.