منتدى وندر لاند - خير نساء العالمين

https://f.top4top.io/p_15394eeur1.png

https://d.top4top.io/p_1539xywme3.gif https://www.arabsharing.com/do.php?img=229298
@PERSPOLIS;

السلام عليكم
الكساندرا عامله ايه؟!
ان شاء الله تكوني بخير ق1

شكرا جدا لموضوعك الجميل والمفيد .. ربنا يجعل تذكيرك في ميزان حسناتك ق1
زمان كنا بناخد في حصص السيرة الاسلاميه و تفسير القران نبذات عن نساء كتير من الصحابيات او اهل البيت ، او اللي انذكرو في التاريخ ق1
وسبق وقرأت عنهم في اكتر من مرحله دراسيه ولكن مكنتش بفهم ايه الفكره بانهم ضحو علشان يوصلو للمكانه دي ، يعني وقتها عقلها مكانش مستوعب حجم التضحيه او معناها فبالتلي مكنتش عارفه قيمه وعظمه اللي عملهم ق1 ق1

تخيلي تكوني افضل واغني ست في بلد كامله و صاحبه مال وجاه وسلطان و تجاره ، وياجي وقت تتخلي فيه عن كل دا بكل ارادتك ، بكل حب و رضا ، بكل سهوله .. السيده خديجه - رضي الله عنها - عملت دا ولم يرجف لها جفن ق1 ق1 ق1
ضحت بكل السنين اللي تعبت فيها و اشتغلت وجمعت كل كنوزها ، وفي لحظه ما تخلت عن كل دا علشان خاطر زوجها وحبيبها ورفيقها محمد رسول الله ، في وقت كان الكفر في اوج مراحله ، وقت اقرب الناس اليه تخلو عنه ، وكانت هي اول من صدقه و آمنت به .. تضحيه السيده خديجه لو شفناها من كل الزوايا هنكتب فيها كتاب ومش هيديها حق ق1 ق1
رضي الله عنها

السيدة فاطمه هي قرة عين رسول الله صل عليه وسلم ، كانت الداعم والمساند و الشخص اللطييف رقيق القلب من اذا راه النبي تبسم ، كانت ونعم زوجه ، وخير الامهات ، فكرة انك تقدم الدعم لحد وتبذل كل ما في وسعك حاجه مش سهله ابدا تخيل بقا الوقت والشخص اللي كانت السيده فاطمه بتقدم لها دعمها والوقت اللي كانت بتقدمه فيه عامل ازاي .. من شدة حبها في ابوها عند دنو موته قال لها صل عليه وسلم يا فاطمه ان الموت علي حق فبكيت ، فقال لها ادنو مني فهمس لها انك انتي اول من يلحق بي من اهلي فبتسمت ، وماتت بعد رسول الله صل الله عليه وسلم بمده قصيرة ق1
رضي الله عنها وارضاها ق1

ابنه عمران .. السيدة مريم اختبارها كان عظيم بكل ما تحمله الكلمه من معني ، بالتالي هي استحقت هذه المكانه و هذا الشان ، تخيل ان ياتيك اختبارك في شرفك ، اهل السيده مريم كانو اصحاب سمعه كويسه ففكرة انها ترجع لهم بطفل وغير معروف مين اهله دي كانت زي المصيبه بالنسبه لقومها و لكن علشان ربنا عظيم و كريم ورحيم كانت المعجزه في الامتحان نفسه ، ربنا خلي سيدنا عيسي يتكلم ويشهد ويقول انه آيه من آيات الله ومعجزه من معجزته جل علاه ، وعلشان زي ما بنقول انه العبد في التفكير والرب في التدبير ، معجزه سيدنا عيسي جات علشان تمحي كل شك وطعن في شرف سيدتنا وامنا مريم و يبريها من اي سؤ او شك وتبقي عفتها و مكانتها عظيمه الي ان تقوم الساعه علي جميع الخلق ق1
رضي الله عنهما ق1

تخيل تبقي في بيت اعظم طاغيه في عصره ، بعد ما كان عندك العز والراحه والمال وكل سبل الراحه و الدلال ، فجأه تتحول من كل دا وتدخل في حرب مع اشر اهل الارض يومئذ ، حرب انت خسران فيها نفسيا وجسديا بالنسبه لهم ولكن انت متيقن انك فزت دنيا وآخره ، وورب الكعبه إن اسيا امراة فرعون فازت في الدنيا والآخرة ق1 ق1 ق1

رضي الله عنهم وارضاهم اجمعين ق1 ق1
والله يجمعنا بيهم في جناته ق1 ق1
دمت في امان الله وحفظه ق1

#العمالقه

https://g.top4top.io/p_1539ewiw42.png