سيدة الظلام
 

للمرة الثانية بفتتح مدونتي
المرة الاولي كانت في عيون العرب وكنت مترددة جدا افتحها
والمرة الثانية هنا وعن اقتناع تام
اعرفكم بنفسي
الاسم:علا
العمر:21
المرحلة الدراسية:طالبة في الكلية
الهوايات :القراءة والكتابة والرسم والطبخ
اكتر مادة دراسية بحبها:التاريخ
اكتر مادة بكرها :الرياضة والانجليزي
اعتقد كفاية كده

بما ان المنتدي جديد واكيد محتاج شوية تعديلات
انا عندي شوية افكار للمنتدي
بس ياريت حد من المشرفين يتواصل معايا

تمضي الاوقات وتمر اللحظات
ولايبقي لنا سوي الذكريات

دلوقتي انا محتارة في اسم لروايتي ومحتاجة مساعدة
محتارة بين الثلاثة دول
حياتي جحيم لايطاق
سايا
ضوء القمر
برايكم اختار مين فيهم

غريبة فعلا في السيرة الذاتنية كاتبة هادية وغامضة واول مافتحت المدونة لقيت نفسي هكتب كل حاجة عني كان ناقص اكتب عنوان بيتنا
يبقي فين الغموض في الموضوع

علي قد ماانا مستغربة من اللي بيحصل علي قد ماانا فرحانة ومصدومة في نفس الوقت
انا فعلا من الناس اللي صعب عليا اكون صداقات وممكن اكون انطوائية شوية واصحابي في المنتدي قلة بسيطة دول يتعدوا علي صوابع الايد
بس الايام دي فعلا حصلت حاجة غريبة اول مادخلت المنتدي هنا اتفاجات فعلا بكم الناس اللي رحبت بيا وبعضهم بقي صديق ليا حسيت فعلا ان احنا هنا عيلة واحدة واصدقاء واخوات كنت حاسة اني لوحدي بس بعد اللي شفته بدء احساسي ده يتلاشي واتمني فعلا من قلبي ان احنا نفضل اصحاب

يؤسفني فعلا انت ترحل كل الذكريات الجميلة وتختفي البسمة من الوجوه ولايبقي فقط سوي الحزن والالم والذكريات السيئة

نكبر وتكبر احلامنا معا بعضها يتغير وبعضها يبقي كماهو لايهم ماهي احلامنا المهم ان تكون لدينا القدرة علي تحقيقها
والصبر علي المصاعب حتي نصل اليها

مغامرات في المدرسة
من كام يوم كده كنت بدور في وسط هدومي علي حاجة الف بيها شعري
وانا بدور لاقيت في وسط الهدوم ايشرب ابيض وجميل الايشرب ده عمره 9 سنين
اول مامسكته افتكرت ذكريات قديمة ليها علاقة بيه بس كانت ذكريات حلوة
الايشرب ده كان هدية من صديقة امي الله يرحمها
صديقة امي دي اتوفت من حوالي سنتين
كنت بحبها جدا وهي كمان كانت بتعتبرني زي بنتها
قصة الايشرب بدات لما انا نجحت في اولي اعدادي وكنت داخلة تانية اشتريت وقتها لبس المدرسة وكان عبارة عن زي باللون الكحلي ومطلوب مننا نلبس عليه طرحة باللون الابيض انا في الوقت ده كنت جبت اللبس وفاضل بس الطرحة وفي يوم ماما دخلت عليا وقالت لي بصي جبتلك ايه وقتها فتحت العلبة واتفاجات من اللي فيها كان فيها 2 ايشرب باللون الابيض انا فرحت جدا بالهدية وحبيتها اوي وقلت لماما اني مش هجيب طرح انا هلبس الايشرب وفعلا عملت كده وقتها كانت كل البنات بتلبس طرح ومعدش حد بيلبس ايشرب بس انا مااهتمتش وكنت الوحيدة في المدرسة كلها اللي بلبس ايشرب طبعا البنات كانت بتتريق عليا بس من ورا ضهري لان مفيش واحدة فيهم كانت هتتجرا وتقول حاجة قدامي خلصت السنة ودخلت السنة اللي بعدها وفي يوم وقفت مع بنات اصحابي وبدءنا نستعيد الذكريات مع بعض وقتها واحدة صاحبتي ذكرت قصة الايشرب وسالتني انت ليه كنت بتلبسيه انا كنت عايزة اقوللك كده من زمان بس خايفة وكل البنات كانت بتتريق علي الايشرب من وراكي
وقتها انا ضحكت وقلت لها انا كنت بلبسه لانه هدية من شخص عزيز عليا وانسانة بحبها جدا وبعتبرها امي
ولحد دلوقتي لسه محتفظة بالهدية لما افتكرت الذكري دي ضحكت من قلبي ولبست الايشرب وفضلت اضحك يومها لحد ماامي افتكرت اني اتجننت لحد ماحكت لها القصة وضحكنا سوا
الخلاصة اوعي تهتم بكلام حد واعمل اللي انت عايزه طالما انت بتعمل حاجة صح
ماتخليش التنمر والسخرية تقلل منك او تحبطك
والاهم حافظ علي الذكريات الجميلة مهما كانت صغيرة لان في الاخر كلنا هنرجع للتراب ومش هيفضل منا غير الذكريات فحافظ عليها

حالي وانا قاعدة جمب الفيس بستني اي خبر عن الدراسة
عامل بالظبط زي اللي عايز يعمل من الفسيخ شربات

الناس اللي بتدخل المدونة تتمشي فيها وتطلع من غير ماتسيب بصمة
تشربوا حاجةهه4

بين الحلم والواقع اصبحت اعيش
وبين الوهم والحقيقة اسمع صوتك
توقف العالم من حولي ولازلت ابحث عنك

اسوا شيء قد تمر به يوما ان تعيش في عالم يحاول تحطيمك والقضاء عليك
عالم لايجيد شيء سوي محو شخصيتك واسكات صوتك
عالم يريد ان تعيش فقط مجرد جثة هامدة لاراي ولاشخصية فقط جسد من دون روح وتعمل في صمت

بين النوروالظلام خطوة
وبين الحقيقة والخيال شعرة
وبين الحب والكره درجة
بين الامل والياس كلمة
وجميع الاختيارات بيدك اختار ماتريد واحصل علي ماتتمناه
ولكن تذكر انك ستدفع ثمن اختيارك غاليا

عندما يكون الحلم انعكاس لواقعك
وتحذير لك من مستقبلك
لاتستخف به واعطه بعض الاهتمام

فراغ الم ووحدة وحزن
تغلف الروح وتدمي القلب تسيطر وتقتل ببطء
والاسوا انك تستسلم ولاتقاوم ترحب فقط بالموت البطيء

بين اروقة عقلي اسير
واسبح في الظلام ابحث عن النور
واحاول استعادة الذكريات
ولاالقي في النهاية سوي الالم والمعاناة

سؤال واحد يدور بعقلي
واتمني ان اجد له جواب
ماالذي يحدث عندما يتكرر حلم وتشاهده اكثر من مرة
نفس الشخص ولكن بمواقف مختلفة
اهي مجرد احلام
ام هي تحذير لما سيحدث واتمني ان اجد الجواب

نفس الحلم يتكرر ولكن بتفاصيل مختلفة
ومع مرور الوقت اصبحت اظن انها ليست مجرد احلام
بل هي تحذير من شيء ما او حتي شيء سيحدث في المستقبل
ايا اكان تفسيره اتمني من قلبي ان يكون خيرا

كل مابدخل المدونة بحسها مهجورة كئيبة ومليانة طاقة سلبية وحزن وبؤس
بس انا بكتب لاكتر من سبب منها حبي للكتابة او حتي ترك ذكري ارجع لها في يوم من الايام

عشقته من النظرة الاولي
من تذوق رشفة منه
احببته من اول لمسة
اصبحت مدمنة عليه وارغب بالمزيد




















انها حكاية عشق وشغف لاينتهي






















بالكم مايروحش لبعيد دي قصة عادية هحكيها في وقت تاني لانها من اغلي الذكريات علي قلبي ومنها نخفف الطاقة السلبية شوية

وحيدة انا اعيش في عالمي
ابكي بصمت واتالم بهدوء لايشاركني وحدتي سوي وسادة باردة
اصبحت بالنسبة اليهم شبح منسي لا وجود له

اتمني فقط ان ياتي يوم ويتغير كل شيء
ويتجه نحو الافضل
اتمني ان ياتي يوم يكتب فيه قلمي بحروف تشع سعادة وبهجة
ويتوقف عن كتابة البؤس والالم

لم ولن يتغير شيء للاسف
كنت اتمني عند عودتي الي هنا مرة اخري ان تكون الامور افضل
ولكن ليس كل مايتمناه المرء يدركه
للاسف لقد اصبحت الامور اسوا من قبل

لا اعلم هل علي ان احزن علي سنوات ضاعت في معرفة شخص لا يستحق
ام افرح لان الامر لم يدم طويلا وانكشفت الحقائق بسرعة

واخيرا رجعت مرة تانية ولكن عندي مشكلة في كلمة المرور في منتدي عيون العرب مش عارفة ادخل المنتدي بسبب ان كلمة المرو او اسم العضوية فيهم خطا

رغم مرور الوقت يظل فراقك يمزق قلبي ويؤلم روحي كلما تذكرت ماحدث اشعر بانه كان بالامس رحيلك يااخي جعلني افقد الشغف والرغبة في الحياة اصبحت الحياة مظلمة كئيبة ولا معني لها

لا تضيعوا الوقت بل استغلوا كل لحظة تقضوها مع احبائكم اصنعوا الذكريات الرائعة واقضوا اوقات كثيرة معا فلا احد يعلم متي سيرجل احبائنا فالعمر ينتهي في لحظة