منتدى وندر لاند - عرض مشاركة واحدة

مشاهدة أوسمتي · 08-08-2020, 11:43 PM

[ يســـرى ]
عبدالله , عبدالله , عبدالله
اليوم من بدايته رعـــب , تهديد ووعيـــد
خالتي اتمشكلت مع ماما
عمي اتضارب مع بابا
اللي كنت خايفه منــه سـآر , طبعا زعلانين لأنو ماعطيناهم خبـر بخطوبتي إلا بعد 3 اسابيــع
وكآن دا طلبي الوحيــد , في كل الحالات حيدورو شي يزعلـو عليــه
جا بيــآخذ رايــد لكن رايد دخل الحمام وقفل على نفســه
اتحول بيتنـآ لصراخ وبككككى وهوا زي المجنون مو راضي يفهـــم
بابا ماقدر عليــه
دفع بابا وطيحــه بالأرض
كآن يبا يقتلني , نظرته ليااا نظرة انسان ماحيسيبني في حــآلي
ياحكون له ياماحاكون لغيره
حنان وقفت بوجهه لأنه عارفه لو لمسني انتهى كل شي ...
ماما خرجت تنـآدي الجيران
ودخلو لما مسك يدي , مجرد دقيقه بيده وشوووفت الموت
رجــآلين سحبوه بالقوه ورموه برا العمــآره
حنان وماما اتوجهه لبابا
وانا روحت لباب الحمام ادق على رايــد
رجولي مو شايلتني جلست ابكي وادق الباب اباااه يفتح بس مااارد عليــآ
وبدأ الرعب الثاني لما حاولنا نكسر الباب
20 دقيقـــه من المحاوله ورايد ماله حـــس
وانكسر الباب ولقيناه بين البانيو المغسله جالس يبكي بدون صوت

[ حنـــآن ]
شوفت بابا يترمي , شوفت اختي تنضرب , شوفت ولد اخويا باأسوء حالاتــه
دخلت غرفتي دمي يغلي
قلت لماما اتصلي على فراس
قالت لاااا اجيبو لهنـآ عشان ادخلو في مشاكل ثانيه
قلتلها طيب خليها تكلم مــآلك مو زوجها هوا حيوقفه عند حده
قالت اخوكي حيوصله خبـــر وماأضمن ردة فعلــه
خالتي حتتصل وحتبكي لماما وحنتنازل طبعا عن كل شي ســآر , ابا احرقه , ابا افضحه
اناا بعيني اشوف بابا يترمي ذي الرميه وماقدر اسوي شي !!!!!
آآآه مكبوته مكبوووته الساعات بتمر وانا مو قادره انام
البيت هدوءه مفججع
مافكرت كثيـر اتصلت على كنـــآن

[ كنـــآن ]
اسمها طلع في شاشة جوآلي لأول مرا بعد ماهزأت جدتي !
رديت عليــها !

[ في السوبر ماركت ]
ماشي والعربيه امــآمه , السماعات في اذنه والجوال بجيبه : هلا !
: اهلين ....كنــآن ؟
: إيوا
: انا حنـآن صحبت خلود
: عارف
: معليش ممكن اتكلم معاك في موضوع خـآص
وقف امام اكياس الشبسات : خير !
: لو ...طلبت ...منك طلب تسولي هوآ ؟يعني في النهايه انا سامحتك ومابلغت عنك
اخذ اكياس الشبسات بصدمه ويحطها بدون مايعلق
: معايا !
: انا برا البيت تعالي واتس
: طيب
قفلت منـه
كتبلها على الواتس " ايوا ؟ "
حنان " حتقدر ؟ "
" لا "
حنان غابت لـ 6 دقايق ورجعت كتبتله " انتا عارف اني اقدر ابلغ عنك ثاني لوماساعدتني حيرجع الموضوع "
" قد قلتلك آخر مرا ماحرجع لذا الموضوع "
حنان " طيب حترجع عشاني لأنو بيدي أسجنك ثاني "
كنان حط علب الحليب وابتسامته على وجهه كتبلها " بتهدديني ؟ "
" ايوا اانقلبت الآيــه "
" هش "
" شوووف انا بيدي خليت الكل يتنـآزل عنك ولا حتى صحباتي كآنو ناوين عليــك لكن فهمتهم إنك ماكنت عارف نية فادي واقدر حاليا ارجع كل الموضوع حكِم عقلك وردلي "
كنان " يابنتي انتي صاحيه ! متصله تهدديني وتتمنني عليا "
حنان " حديك فلوس كمان "
"اووه كم ؟"
" كم تبى "
" ايش مشكلتك "
" تهكر حسـآب واحد اعرفـه في كل البرامج وتعطيني هوآ "
اتصــل عليـها
ردت
: فكرت !
: تصدقي انا دحين اللي اقدر اسجنك على محادثتك ذي , جربي تهدديني ثاني وشوفي ايش يسيـرلك
قفــل بوجهها وكمل تــسوق ...
بكيت من الغبنه , مو هيا اللي ابوها ينضرب وماتسوي شي
فتحت جهات الإتصال وصلت لحد اسم فراس
تتصل ماتتصل
محد حيبرد قلبها غيره
محد حياخذ حقــهم غيره
بس اللي فيه مكفيــه
نزلت الجوال بتردد , مسحت دموعها
فكرت فكرت فكرررت الساعه 12 اتصلت على كنـآن
رد اتكلمت بقوه مصطنعه :حتساعدني ولا كيف؟
: ههههههه لا طبعا ولو اتصلتي ثاني حعيشك بنفس الرعب اللي عيشتيني هوآ
: مو خايفــه ولا مهتمه حتصل عليك الف مرا لحد ماتسويلي اللي اباه
: هيا فرصه ووحده اتصال واحد وشوفي كيف حتقلب حيــآتك فاهجديني
قاطعتــه : حديك اي مبلغ تباه
: ومين قال محتاج فلوس
: طيب اعطيني شروطك وانا ماحرفضلك ولا طلب
: ههههههه مين اللي حرقت قلبك
: حتوافق ؟
: جاوبيني
: ماحجاوب اوعدني اول
:طيب يمكن تظلمي وحده وانا قلبي مايرضى بالظلم
: مو حقيره انااا
:ماعرفك لازم اسمع عشان احكم
قفلت باب الغرفـه : طليق اختي
ياكل بطريقه مزعجه وكأنو يتفرج فلم : اممم... ايش سوا ...طليق اختك
: عرف انو اختي انخطبت جا هجم على البيت وضرب بابا وأختي
: أووه _ سمعت صوت مضغه المزعج وبعدها قال _ فعاليات ماشاءالله
: تتريق !
بااستهزاء واضح: لا لا بالعكس سببك قوي وانساني وانا احب اللي تفكر بعيلتها , بس تتوقعي واحد اهبل زي ذا ايش عنده فضايح
: سمعت انو يبيع حبوب
انخنــق رفعت عيونها على فوق ببملل : خوفت صح
باأنفاس متقطعه : انتي ايش تبينا نسوي بزبــط !!!
: نسجنــه
: يااشيخه اهجدي انا ماصدقت اخلص من المشاكل
: اسمعني احنا اللي علينا نبلغ عليه وبس
: ايوا وكيف !!!
: سمعت انو في طريقه تخترق الواتس اب واي شي يسويه يكون عندك حنراقب محادثاتهه لو يوم حيسلم حبوب نبلغ عليه حنكون سوينا عمل انساني وبنفس الوقت افتكينا منـه
: صلي على النبي وقولي الله يهديــه وانتهينا
:ماحياخذ من وقتك كثيـر ايش حتخسر
: ممكن انسجن !!! يكفيني ذا السبب
: ماحتنسجن محد حيعرف
اتكلم, اتكلم , اتكلم
وسوت شي ماتخيلت انها تسويه تترجى بصوت مايل للبكى ,بكى مصطنــع , اسلوب مصطنــع : الله يخليــك , قلبي محروق على بابا , ماتعرف شعورواحد يتهجم على عيله مافيها رجــآل يدافع عنــكم , مو قادره انام من خوفي وقهري إنتا حتحمي عيله كــآمله من واحد ماعنده عقــل
صمممت طويل , بعدت الجوال عن اذنها مافي اي احساس طاغي على وجهها ورجعت تتكلم بنفس الاسلوب : اخويا في اخر الدنيا انتا عاارف ايش سار فيــه ماما خايفه تقولو ويسوي شي في طليق اختي ونندم
قفل الاكل اللي قدآمه وملامحه لانت بضعف : طيب اهدي , حفكر انا بالموضوع واردلك
انتهت المكـآلمه وجلس وضميره يوجعه عليــها
وهيا انهت المكالمه ونطت فوق السرير : يسسسس يسسسس
ابتسامه حقيره بتزداد في وجهها , عرفت الاسلوب اللي يجيب راســه
صحيت الساعه 7 الصبـآح لقت راسلها " مهما احاول ابعد عن المشاكل انسحب لها غصبا عنــي على العموم اللي تبيني اسويه انا حاضر فيـه "

[ مـــآلــك ]
يسـرى حاولت تخبي الي سار فيــها لكن كآنت خايفـه على رآيــد
فقالتلي كل شي وكآن شرطها ماجيب سيرة لفــراس
امها وابوها كبرو في السن ومالهم قوة على المجنون
خرجتني عن طوري بكلامهـآ , ومن دوآمي على بيتــهم
مسافة 5 سـآعات
نقاش طويل مع امها وابوهـآ , قلتلهم حسجنــه لحد ماأتزوجها وتكون في بيتي, بعدها انتو حرين تبو تتنـآزلو وتسامحوه راجعلكم ذا القرار
ماحقدر ارجـــع وانا عارف انو يبا يكسرها بولدها
كآن نفسي اخذها , حتى برغم اني سجنتــه لكن خوفت يسـرلها شي
خوفت اخسرها من ضعف اهلها
كل يوميــن وانا عندها , كل يومين وانا ضارب مشوار 5 ساعات روحه وجيـه , انام في نص الطرق السريعه , انام عندها
حالتي مأساويــه وكأني اخيــرا ماصدقت القى شي يسعدني وابى استغله حتى لو على حسـآب تعبي وراحتي

[ حنــآن ]
ينصـــر دينــه مـآلك
نشوة انتصــآر وسعاده حسيت فيـــها
ماتوقعت انو يســرى تتكلم
ذا مثلي الأعلى مع اني مستحيل اسيــر زيو
بـآآآآآآآآآآآآرد , يقول اللي عنده وانتهينا
بقول ليسرى شتـآن بينه وبين عبدالله
مابينهم اي تشـآبـــه
جدآ ه لها , شايفتها مرتــآحه نفسيــآ
تصدمني هداياه مافي تدرج
فجأه وهما يتمشو يمرو على معارض السيارات ويقولها اختـآري سياره
نعم يالحبيب ماشاءالله
اليوم لثاني جاها السواق
اليوم الثالث عرف انو ظهرها يعورها جاب عامله لللبيت
ماباها تتزوج مرتاحه بدلعه لها
كنــآن , كنـــآن , كنـــآن
طيــــب بشكل مو طبيعي
قلتلو خلاص انتهى الموضوع الحمدالله ,لكن ممتع ولطييــف ودمه خفيف ونشبه بعض في امور كثيـر
لددرجة مشـآكله مع اهله نفس مشاكلي عيوبه نفس عيوبي
بسبب انشغال يسـرى سرت اشغل نفسي معـآه ...

[ مروى ]
زوآآج مــآلك اليــوم ...
اتصلت ماما مرا وحده خلال ذي الشهرين من لندن, سئلتني كيف اخوكي يآمن
لكن كنت عارفه انها ناسيه نفسها ومو مهتمــه
قلتلها مـآلك حيتزوج وعزمتها على فرحــه لكن ولاأهتمت
كآنت متأثره بموضوع يامن لدرجة عايشه حياتها بالطول والعرض ومستخسره لمـآلك يتزوج !!
عجيبه غريبــه
ماتشوف نفسها !
تشوف اغلاط كل الناس غير اغلاطها
سؤالي
مين يســـرى ...؟
مين البنت اللي قدرت تخلي اخويـآ يتزحزح عن حبه لذاتـــه فقط
عن تقديسـه لنفسه ومشــآعره
أجمل انسان بعيني حـآليا مـآلك وهوا سعيــد
لهفته , حبــه ,محاولته في إنو يكون كل شي كآمل مو بس لها حتى لولدها اسرت قلبـــي
معقول كآآن ناقص !
كآن محتاج شي هيا كملتــه !
بنعيش كنـآ اسوء ايامـنـآ لكن مـآلك خلانـآ نخرج ونقابل الكل بجرأه
كل شي يسيـر اليوم يليـــق فيـه
الحاضــرين 120 شخــص زوآجــه في الصبــآح على شواطئ البحر الخـآصه
ولدها يجنن ببدلته الرسميه وشعره الطويل الملفلف
وقعت بحب دي العيلــه
نظرة مــآلك لها اول ماظهرت للكل بالفستان الأبيض , بكتني !
ابتسامته لمعة عيونه بجد بكتني !
قالها ليا ممكن مع الأيام تفهميني
وفهمتـــه
مـآلك يهتم لنظرات الكل, لبرستيجه امام الكل
لكن كآن بذي اللحظـه ماحي العــآلم كلــه لما قربت منـه
شفايفـه اتحركت بكلمه مانسمعت لأحد لكن قرأتها بعيونه قبل شفايفــه
" احبــك "

[ حســآم ]
رجعت من زوآج مـآلك ومو قـآدر انسى نظرته لما خرجت زوجتــه !
هل لو شوفت منـآل حعيش نفس الإحساس
من بعد سؤالي لها لذحين مارجعنا نتكلم في الموضوع
اهل ابويا يجو كل بعد اسبوعين يباتو يوميـــن او 3
وذا الشي ســــآعدني كثيـــر
جدآآ ساعدني
متخوف من اني اروحلهم
متخوف اني اكون معاهم في مكـآن بعيد وغريب فاوجودهم في بيتي مريحني
ام ابويـآ احب اهتمامها فيـا , احب لما تصرخ على اولادها عشان ترضيني
عفويــه وعلى نياتها لدرجة انها تقولي كنـآن يغار منــك
تقول كلام كثير المفروض ماتقولــه فاتموتني ضحك ردة فعل زآيد وجاسر
فضحت عيلتهم عشان تخليني اسمعلها , حتى مشاكل زايد وزوجته عرفتها
تفااااصيل محرجه بسمعها , الموضوع اللي يضحك في جيتهم إنو همام سار يستناها معـآيا
حب وجودها ودخلتها للمطبخ , حب كلامها وعلاجاتها الشعبيـه
عندها علاج لكل مـــرض صادمني انو بجد يروح يسوي اللي تقوله عليــه
افور شي على نار واحطه في راسي ليششش !!! انقع حبوب عشره ساعات واشربه ليششش !!
اروح للطوارئ احلى تشبيكة مغذي وينتهي ذا كلــه
كل اسبوع كآن ينضاف شي جديد في احساسي في راحتي في كلامي
مر شهريـــن وعادتهم مانقطعت برغم التعب والمصاريف

[ كنــآن ]
كرهتـــه , ماسرت اتمنى حتى اسمــع اسمـه
ماهمني الروتين الجديد اللي سار عشانه , همني تهميش جدتي
من فرحتها فيــه مو ملاحظـه انها ماسارت طايقه شي منــي
لو اشتكيت من موضوع تافه تسردلي قصتــه
لو حكيتها اي موضوع تقارني فيــه !!!
ايش دخلني
من بعد ماكانت جدتي كل شي بنسبه ليا
احكيها عن مشاكلي قبل اهلي, بعدت عنها كثيير
اللي حاز في نفسي انها مو ملاحظـه غيابي
بممجرد ماتكون عنده ماترحم جوالاتنا من تصويره
ولما ترجع سيرته ماتنقفل
مع انو مابيسوي شي لهم !!! كل عيوبه متغاضين عنـها
وصلت لمرحله اني اشتقتلها روحت اشتريتلها كل شي تحبــه
وفي نفس اللحظـه اتصل لأول مرا عليها رمت كل شي من يدها
كلمته لمدة 3دقايق
قفلت ومشيت من جمب الأغراض ولاكأنه في شي قدامها !
جرحتني , اتعنيت وتعبت وفكرت بكل شي تحبــه
عشان اتصــآل منه يغنيها عن اي شي بسويه عشانها !
كآن المتنفس الوحيــد ليا حنــآن
لأنو جربت اكلم أمي وطلعتني الإنسان السيئ اللي مافكر بااحساس جدتي وماحفهم إيش يعني تشوف جزء من ولدها بعد ذي السنين
ولا ابويــآ اخذني طقطقـه وضحك
الموضوع مو تافه انا كبرت على يد جدتي كنت انام جمبها لحد ماسار عمري 13 سنــه
امي وابويا بنسبه ليا في كفه وهيا بكفـــه
الكل عـــآرف ذا الشي
غيور ولساتك طفــل واكبر ياكنان كلمات مستفزه خلتني انفر من الكل واكتفي اني اشتكي كل مره لحنــآن

,
,
,

[ في السجـــون ]
جالس في الزآويــه
ياحلووو
ولد المليونير
ذا اللقبيــن اللي يسمعهم , مين يــآمن دفنــه مـآلك عشان يتزوج
ميل رآسه لليميـن والصوت الداخلي مو راضي يوقف
مـآلك حيتزوج ..!

" زوآجــه ولا فرحتـه بسجنه ليـآ! "
" محد احترم اللي بيسيرمعـآيا "
دموعه تملي عينـه ويده دخلها بجيبه
" وبعدين يقولو انا المتوهم! "
" اتزوج رهف وانا فيـه ماسوى شي بس ذي لااا"
" ذي لازم يرقص ابويا في فرحه وبحبسه ليا "
خرج من جيبه شفره صغيره
طآلع حولـه
مرر صباعه الابهام على الشفره , خط شفاف أمر على صباعه
وخرجت قطرات الدم
حط اياديه فوق فخذه وعينه على المساجين
يحرك الشفره على عروق يده
يبـآ يحول ليلة احلام مــآلك لكآبوس عمره ماحينســآه
رجوله قريبه من صدره
يحرك الشفره
مره ومرتين وثلاثـه
نزل عدسة عينه لما حس بتدفق الدم
ووقف حركـه
وكمل يتأمل المساجين وكل شي يتغطى فيــه بدمـه لحد مامــآل جسمـه وأترمى

[ فـــراس ]
صبــآ حامل ببنت
صبـــآ حـــآمل ببنتي
آآآه ياأعظم شعور ربي رزقني هوآآآ اشكرك واحمد فضلك عليـه يااارب
حسميــها " فــرح "
" فرح فراس خـآلد اليآسي "
فرحتي الجديده ,وبدآيتنـآ الجديده بوجودهـآ

[ صبــآ ]
الحمل على تعبــه لكن إحساسـه جميــل
احساس اني اشتري ملابس ورديه صغييره دا لوحده خلاني اسعد انسانه في الحيــآه
ماعارضته على اسم " فـــرح " حبيته من قلبي لأنها فعلآ فرحتنا
أدهم انســجن , رنين علاقتي فيها لابأس مو بقرب زمـآن ولا البعد اللي ماأعرف عنها شي
اتواصلت مع منـآل قابلتها مرتيــن , حابه صداقتي فيـها ...زوجة بابا اتوقع تحلم بفراس كل يوم وضعها سيئ وكأنه كل الرجال انمحو بعينها بعد ماشافتــه
ماحخلص منهـآ
ضافته بالتويتر , بالسناب , بالإنستقرام !!!!وهوا يحظر
سار يترعب من اي رقم غريب يجيــه مدري ايش مخططها القادم صراحه الله يكفيني شرها ...

[رهــف ]
وصلني خبــر زوآجـه , وصلتني الصور لحدي
ذا وهوا عملها صغيره لكن كل شي كآآآمــــل
حرق قلبـــي
دعس عليــآ وكمل حيــآته مع الإنسانه اللي يبااها
لكن زي ماطلب حيسمع عني في يوم من الأيام
كرهت جنس الرجآل كلهم
جدي ماسار يستقبل عمي في بيته
الكل نبذه
ابوابهم انقفلت بوجهه
عمتي, عمي كلهم بيقيسو الموضوع على بزورتهم وسارو خايفين منــو
بينحرق كل يوم بسببي
ســآفر وعــآش بعيد عن الكل
بدون عيله وأهل ويمكن ذا الشي الوحيد اللي خرجت منـه بفايده من مــآلك
حرقت قلب عمي...

[ منـــآل]

أعظم انسان, اعظــم حب عشته وحعيشـــه طول عمـري
اليوم ملكتي منــه ...خايفه ,مرعوبـه , ه , ببكي من الفرحـــه
عرفتو إحساس الخوف انك ترجفي من البرد في قمـــة حرارة الجو
دا للي بيسيـر فيـآ اسناني تطق في بعض,يدي تتنافض
خالتي معايا وبس تضحك عليـآ بمسك فيها كأني طفله كل شويا
احس اني صغيره ومابى اتزوج لكن وجود كرم حوليا حيجننه
وجود الكآفي كآن مخليه مرتاح معايا يشوفني متى مايبى لكن بمجرد ماتركنــآه
اتغير كل شي
يبا يجلس معايا مو قادر يكلمني مو قادر ماسرت مِلكه وذي الفكره ماقدر يتقبلـــها

[في القـــآعه ]
دخلت لغرفـة العروسـة, امها وخالتها لبسـوها فستانها
اتجهزت بشكل كـــآمل
شعرها البني الطويل مفتوح بطريقه تنآسب نوعمتها ويفي خفيف من منتصف شعرها لنهايته
طوق من بتلات الورد مزين مقدمــه شعرها
فستان منفوش بللون الموف البــآرد اكتافها مكشوفــه ,ماسك من الصدر لنصف خصرها المنحوت ونازل بنفشــه جميلــه
قلتر كثيف مزيــن اطرف فستـآنها
كعب فضــي ,اخراص صغيره رقبتها المكشوفه زينتها بعقــد فضي
عيونها النعسـآنه ازدادت جمـــآل برسمـة الأيلاينر والشادو الخفيـف
شكلها غريـــب , ملفت , ناعم , جميـــل
كآنت عكس منــآل المعتـــآده
كآنت بقمـة انوثتها وجمـــآلها وبرائتها
جلست على الكرسي وحطت يدها تحت صدرها : برداانه
أم منــآل : ههههههههه حنموت حر

[ ام منــآل ]
حتسئلوني كيف وافقــت على حســآم ؟
ماأبــآلغ لو قلتلكم من بعد المحاكمه انا بـآلي معـآه , صعب انك تنظلم طول عمرك ويجو ناس يظلموك زياده بسبب شكلك الخـآرجي
برغم قسوته ومنظره اللي ماكان يعجبني لكن بكآه قدآمي خلآني اشوف جآنب اخر منـه
طفل اتشوهت حيـآته
طفل انحرم من ابسط حقــوقـه
جردوه من اسمـه , عيلته , واتلعب فيـــه حفاظآ عليــه من الموت
عرف من قتــل اهله طول ذي السنين ومافكر حتى يروح لبيت ذا الشخص وينهي حياتــه ويرتـآح !
لأخر لحظـــه كآن يبا القانون يحآسبـه
جـآني اتصـآل قبل اسبوعيـن من شخص اسمـه " همــآم "
عرفني بنفسه وماماطل كثيــر
طلب منــآل لحسـآم لكن في النهايه بنتي
خوفت
قلتله حسـآم حياته صعبه وانا خايفه على بنتي
قالي جملـه وحده " حســآم يفدي بنتك بعيونه وسمعتي باأذنك كل شي "
قفلت منـه ماقدرت انام يومتــها
ايش استفدت من منير .؟
حٌب لكن ماكان رجـآل في عز كل شي يرميني قدام النـآر ويتخبى ورايا
حسـآم المخاطر اللي حولــه انتهت
اتصلت عليه بععد يوميـن قلتله اتوظف ؟
قالي ايوا عنده شهرين حيشتغلها بدون راتب لحد مايمسك زمـآم الأمور وبعدها تبدأ وظيفته بشكل رسمي في أحد المؤسسات
سئلته ليش قالي قلة خبره وبنفس الوقت صديق مقرب فاعطـآه فرصه
اتكلم معايا عن امور كثيـر كآنت شاغله بـآلي
ضعفــت كثير من ناحيتـه , برضو مرت يومين وانا بصمت تــآم
كل اللي احســه براحــه , صليت , دعيت , اعطيت نفسي وقت عشان افكر لكن جا الوقت اللي احط القرار بيد منــآل
دخلت عليها غرفتها قلتلها " حسـآم اتقدملـــك وانا واثقـه بقرارك وبااإختيارك ايش تبيني ارد عليـهم ؟"
وجهها وصدمتها دل إنو ماعندها خبر على اتصـآلهم
منــآل
منــآل
ناديتها مرتيــن عشان تستوعب ايش قلت !
عدتلها كلامي قلتلها مستنيـه ردك
بعد ماخرجت بساعه كتبتلي في الجوال " قوليلهم طيب "
وماشوفتها ولو خرجت من الغرفه تمشي بسرعه للمطبخ للحمام اهم شي ماترفع عينها عليــآ
خوفها اليوم يذكرني بخطبتي لمنيــر بس الله لايجعلــه فيه اي خصله من منيــر ....

[ حســآم ]
الكل حوليــآ ,اول مرا اشوف اهل ابويــآ كلهم
كنـآن واختـه كيـآن صغيره عمرها 11 سنــه
اولاد جاسر مهدي وحسن وماهر
مـآلك وزوجتـه , فراس وعيلته , همام وعم فيصل عثمـآن وعبدالرحمن , مشاري , اصحاب همـآم
جدتي طبعـآ , صــآبر , ماكانو اكثر من خمسين شخص من عيلتي
عيلتها اكثــر , الحي أغلبه شوفـته في القــآعه
طلبت منـآل يكون التصوير بعد الحفــل
فالدحين انا ماشوفتها
لدحين انا بين النــآس كلهم وهيا مختفيـه عن عيون الكل
مو متخيل شكلها نهائيــآ
رقصنا ,ضحكنـآ , انبسطنا لمدة سـآعه
الفرقـة الموسيقيـه كآن جوها جدآ جميــل ومميز
طلعت للدور العلوي لبست الجـآكيت اتعطرت ثاني شكلي غريب بالبدله الرسميــه
دقات على باب الغرفه فتحت الباب لقيت ام منـآل
" ممكن اتكلم مـعـآك ؟ "
اختفت ابتسامتي بتدريج
فتحت الباب كلــه ,جلست وقالتلي " عندي كلام كثيــر نفسي اقوله لك لكن حختصرلك هوآ بنتي أمــآنه برقبتك , كون لها الرجـآل والسند اللي انحرمت منــه "
شوفت دموعها بعينها وهيا توصيني عليــها
صوتها يرجــف , بنتها الوحيـده , تجربتها بالزوآج كآنت سيئه وخايفه بنتها تعيش نفس التجربـه
جلست في الكرسي المقابل لها ماترددت, دايما طريقة نظراتها تحز بنفسي فاقلتلها "أنا مو سيئ "
نزلت دموعها ومسحتها بطريقه سريـعه ردت عليـآ " أنـآ اسفه لو حسستك بذا الشي "
ارتحت كثيــر من كلماتها وقفت وقـآلتلي منـآل تستنـآك
اتوترت , شي طبيعي الواحد يتوتر في يوم زي ذا !
ماتوقعت للزوآج هيبه مختلفــه ,اخدت مناديل لأني كل شويا امسح جبيني
انا مهزلة فراس اليـــوم في الصباح اتنفخ عندي القيلون قالولي بسبب التوتر !!!!!!!!!!
ايش بي أمي انااااا
مـآلك وفراس توقع انهم اكثر يوم ضحكــو فيـه وهما يتفرجو عليـآ وانا متوتر
ليش متووووتر !!!!!
كآآآنت طول وقتها قدام عيني للليش خاايف !!!!
حاسس بجفاف بحلقي فهمت كل شخص قرر انو يشــرد يوم زوآجــه
طبعا انا الوحيد الفــآهم والمختل
انتظرتها في الممر وامام الباب الخشبي الكبيــر
خلفــه الكل
موسيــقى هاديه
رفعت المنديل الف مره امسح جبيني
جــآتني ...!
لانت ملامحي بتدريج كآآآن واضح عليــا التنـآحه
تمشي بخطوات بسيطــه
ليا
باإتجــآهي
ياألله ...!
فاكرين حُلمي القديـــم ..!؟
حلمي المنحرف وهيا لابسه شورت في الكـآفي وبلوزه حمــرا وشعرها مفتوح وصحيت
ذاك الحلم حطو عليـه اكس احذفوه
انا عايش حاليا بحُلم اجمـــل
حاسس اني طــآير في السمــآ ومـــلآك جاي باإتجــآههي
وقفت قبــآلي مابين خجلها وضحكتها المحبوسـه
هنـآ انا خرفت , ماحسيـــت بنفسي قلت لأمها : عادي ابوسـها
امها من صدمتها قالت : نعم !!
انفجعت لأنو اقصد اسلم عليــها
ابا اسلم عليـــها
سلام محتـــرم تقدير وشكر وكذا يعني
ارجع اقولكم قد قــآلها همــآم
أنــآ حمـــآر
ماعرف اتعـآمل بذي المناسبات

[ أمــآم الباب الخشبي المغلق ]
: اقـ صد اسلم يعني اسلم عليهــآ
ام منـآل رفعت حوآججبها بصدمــه وانسحبت بعد ماقالت : دقيقتين وحيفتحو الباب
واختفت
منال : ههههههههه
شد على عيونه باإحراج : معليش قلتلك اي شي بسويه اليوم عديلي هوآ
منال : هههههههههه انا ماسكني ضحك غريب
ابتسم لضحكتها : شكلك يجنن _ رجع يمسح جبينه_ مرا يجنن شوفي وضعي كيف ســآر

[ منــآل ]
لأول مرا اشوف حســآم بذا المنظر
يعني انا اتوتر واخاف شي طبيعي هوا ليش !!!!
مافهمتــه ولأني مو فاهمته بس اضحك
شخص غريب كآن بذي اللحظـه
الجريئ ابدآ ماكان جريئ
ابدآ ابدآ ابدآآآآآآآآآآآآآ
حسـآم اللي اعرفــو اليوم اختفى نهائيـــآ
ودخلت بحــآلة ضحك مو راضيـه تنتهي على كل تعليــق يقولــو
انفتحت الأبواب واختفت ابتسامتي
صوت الموسيقى
نظرات النــآس
يدي متعلقه بيد حســآم ونزلنا الدرجــآت

[ في أول درجــآت القــآعه ]
منظرهــم يحبس الأنفــآس
جمال شكلـها ونعومتــها جمب وســآمتــه الرجوليـه خليــط ممتع للنظر
بياضها جمب سماره
حجمها جمب طوله وعرضـه
نعومتها جمب شدة ملامحــه
ماكان ابدآ مبتســم كأنو طفل اجبروه ينزف
ارتفاع خدودها يدل على ضحكتها الخجوله المحبوســه جوتها
همسلها وحاجبه المشطوب مرفوع : اخر مرا حتزوج
رفعت يدها على فمها وضحكت غصبا عنها : لسى باقي الزوآج ذي حفله بسيطه
: وربي لأشرد هيا قلتلك
:ههههههههه
نزلو الدرجه الأخيره
شاف جدتـه تبكي وبعد نظره عنها اتذكر كلماتها له
" ماشوفت زوآج مجدي وانتا حتعوضني "
ماكمل بنفس الإتجاه اتوجه لجدتــه وهيا وقفتله سلم على راسـها وقـآلها بعد ماتأمل منـآل : يحقلي احبها ؟
ضحكت بين دموعها سلمت على منـآل وقالتلها : الله يسعدكم ويتمملكم على خير
خانها التعبيــر إنو يجيــها لحدها ويرجع اكمل ماكان موقف بسيــط
جلست وبكيت وهيا تراقبــه من بعيــد

[ حســآم ]
نظرة ام منـآل لبنتها لها احساس واضح
من نظرتها تعرف انو ذي امـــها
بنسبه ليا ماهتميت اشوف ذا الشي بعين احد
لكن لما شوفت نظرة جدتي ليــآ
ماقدرت اكمل طريقـي
ماقدرت اعديها وكأني مو جزء منهــآ
اعطتني شعور جمميــل في ذي اللحظــه
عيلتي حــآضره
عيلتــي حوليــآ ...
أنتهــى اليوم بنسبـــه للكل لكن دوبـه بدأ بنسبه ليــآ لأنــو أنقفل علينــآ الباب اخيــرا وقعدنـآ لوحدنـآ ....

[ في بيت منــآل ]
دخل المجلس سحب الجاكيت من عليـه وحطو على الكنبــه
أنتظرها لمدة عشره دقايق
ودخلت عليـه لابسـه فستـآن قصيــرلفوق ركبتها
للونـه سماوي فستان مريــح بعد السهره الطويله حبـآل من عند الكتف بيضـآ ونازل بنفس الوسع لنص فخذها
جزمه بيضضـآ, قفلت وراها باب الغرفـه وهوا من الصدمـه غير جلستــه
ابتسامتــه تزيـد اياديها اتشابكت ولا اتحركتت من مكـآنها
تضغط على اياديها بتوتر : اجبلك مويـآ ؟
قام بشويش مشي بخطوات بطئيـه ,جدآ بطيئه وعينه تتأمل كل تفاصيـل جسمها: لو كنت ادري انو الحيـآه كدا حتسير كآن خطبتك من اول يوم
: ههههههههه
اترفعت يده عليها وهيا نزلتها
منال: سرت احب اشوفك قدام النــآس محترم ومأدب
رفع يده على خصرها : وانا اكره نفسي قدآم النـآس
وجهها طغى عليه الإحمرار نزلت يده للمره الثانيه : ماما واثثقه فيـك وسايبتنا على راحتنـآ
:كآن نفسيي ماخون ثقتها لكن انا مو قادر اثق بنفسي
: ههههههه _ بعدت عن نظره اتوجهت للكنبه وجلست _
رفع حوآجبه الإثنين : خلآص دحين اقدر اجيكي كل يوم ونجلس ذي الجلسه بذذي الملابس
: هههههههههههههه حسااام!!!!!
مرر يده على عيونه : معليش كنتي تخدعيني بملابس العسكريه حقتك صدمتيني وربي
جا لحدها :مابى اشوف شعرك مرفوع ولا ابى اشوف نظارتك على وجهك وماعاد ابا اشوف جنزات عليكي
جلس جمبـها
3 دقـآيق من الصمت وعينه تتأملها وخدودها محمره سحبــها بحضنه وحوط يده حولها همسلها : كنت غبي , من اول لحظـه دخلتي فيها الكآفي ومالمحتك كنت غبي فيها
قالت بعتب : ماكنت تحبني
:والحمدالله إني حبيتك
كآنت حتجلس لكن اياديه مارضي يبعدها عنها :خليكي
: بفسخ جزمتي مضايقتني
مد يدو لرجلها فكلها الرباطات وسحبلها الجزمه ورجعها لحضنـه :مكـآنك هنآ دايما , تصدقي إني كنت افكر دايما ليش مالك بعد الخطوبه اختلف كثيـر فهمت ذحين الإحساس , فهمت كل شي مر فيـه
رفعت عدسة عينها عليـه : مابى اليوم يخلص
: ماحيخلص لحد أمك ماتطردني
: هههههههه مسكينه لسى ماتعرفك
: ههههههههه المفروض متى امشي
: شويه
وسع عينه :والله ماأخرج
:هههههههههههه
حضنها بقوه واتكلم بصوت مايل للبكى ومصطنع : اتورطو فيا مابى اسيبك

[ منــــآل ]
جلس من 2 لسـآعه 6 الصبـآح
كل شي اختلف وكأنو دوبـو بدأ الحب بيننآ
دوبو بدأ كل شي
نص ساعه واقف عند باب الشقــه مايبى يمشي
ضحكني من قلبي
قفلت الباب ودق ثاني
فتحتلــو ورجع يحضني اتوقع االكل وقتها سمع ضحكتي
طبعا مع الأيام سار لما يزورني ينام على الكنبــه اخرج لماما الصـآله واقولها ببرائه : فجأه نام
ونخليه نايم في المجلس ,يصحى يفطر معانا ليوم الثاني ويمشي
بعد اسبوعين ماما دخلت الغرفه وهوا نايم
حنت عليـه طفت اللمبات وراحت تغطيه باللحـآف فلم مرعب قام مفجوع وماما انفجعت وصرخت وهوا كآن حيرميها بالمخده

[ كنـــآن ]
احلى شي ربطني في حســآم , حفلة خطوبته
شوفت حــنــآن
كل شي اختلف بيننآ بذيك اللحظــه
قلتلها أحبـــك
اسرني شكلها , شخصيتها,ضحكتها , ماتحب الدلع لكن بعيني اي شي تسويه دلع
استمرت علآقتنـآ لمدة 6 شهـــور
وفجأه قالتلي انا مافكر بالزوآج وقدآمي مشوار طويل !!!!
من صدمتي قلتلها حستحملك !
قالتلي مابى اي قيود !
ماصدقتها قفلت منها وانا اضحك
مزحها ثقيـــل
صحيت مالقيت اي شي منها
اتصلت ارسلتلي " لو سمحت ياكنان احترم قراري "
حظرتني من كل مكـآن !!!!
خرجت من غرفتي بدون عقل اهلي ينادوني كآن حسام لأول مرااا يجينا
لمحت جدتي تسلم عليــه وتبوس يده !
خرجت من البيت ومارجعت
يوم كــآمل ولما رجعت ابويا قلي " وصلت فيك انك تخرج عشان هوآ موجود "
رددت نفس كلامهم " ايييوا انا اغااار وعقلي زي البزوره "
دخلت غرفتي لقيته عندي !!!
حينام بغرفتي !
فتحت الدولاب خرجت ملابسي رزعت الدولاب باأقوى ماعندي رميت ملابسي على الكنبه فسخت بلوزتي
وكنت والله حغير كل ملابسي قدام عينه عشان مرا ثانيه يحترم نفسـه ويحجزله بفندق لكن اتراجعت باأخر لحظــه
اليوم الأول عدى اليوم الثآني سئلني نفس السؤال اللي انا سئلته هوآ في المستشفى :يخي انتا ايش بك !
هل حسكت ...؟
ابدآآآ اتكلمت وياريت وقفت عند نقطة جدتي قلتله " حتى الشي الطيب اللي استفدته منــك طلللع وســـخ واسوء شي عشته "
وكالعاده لساني مايوقف لما ابدأ اشتكي قلتله على حنـآن للأسف !
وبس خرجت اللي في نفسي جلست على الكنبه وماقدرت احبس دموعي
بكيت لأني حسيت بخياانه موجعه مالها سبب !
خمسه دقايق حاولت اتمالك نفســي ,طول دي الفتره كآن على جوآله !!!
وقبل لاأتكلم قـآلي : حجزت فلم نروح ؟
!!!!!!!!!!!!!!!!!!!!!!
وللاسف لأني بشـرد من البيت وافقت بكبرياء , وطلع إبن حلال
حجزلي اسوء فلم وقــآل عشان تعرف انو فيه اشياء اسوء من اللي سار فيك !!!!
خارج يعذذبني
الفلم سيئ ومن كثر سوءه ضحكت ضحك مو طبيعي , بكيت من الضحك
من كثر ماأضحك اضرب فيه مو عارف ليش بس قلبي كان يوجعني ومو قادرد اتنفس
والمشهد محززززن وفي راااسي مرا يضحك ومابينتهي
أسخــف شي بالحيــآه لما تضحك على شي محد فاهمه !
من ذا اليوم تم عقــد الصلح بيننا ...وبمآ إنه قلبي طيب وماتحمل اجرح احد
اعتذرتله على كلامــي وقلي ماعليــك لما اعصب اقول سوء من اللي قلتــه

[ مروى ]
يآمن وجع قلبي
يبا يلفت انظارنا باأي طريقــه
ياأذي الأغراب او يأذي نفسـه اهم شي احنا نجري عليــه !
اطمنا على صحتـه , نقلوه لقسـم الأمراض النفسيه
وضعه صعب مو بعقلـه , قابلته وكلامـه مافهمته !
حنكون جمبـه بس في وقت جدآ متأخر
كل يوم ببكي عليــه
تعبت
جدآآآ تعبت
كلنا بنعــآني عشانه
عشان صحتـه و شبـآبه اللي رآح
بابا ومـآلك بيحاولو بقدر الإمكـآن يساعدوه بكل الطــرق
علاقتنـآ اتحسنت كثير
انا وبابا ومـآلك الشي المتبقي من العيلــه
ماما ارتكبت في يـآمن ابشع جريمــه واختفت
وإحنا بنحاول نصلح غلطتها بحق انسان مــآله ذنب
مـآلك جانا ومعـآه رايـد ,يقولي بعطي يسـرى يوم راحــه وتدلع نفسـها
لطيف اخويـآ
اهتمامه في رآيـد وكأنه فعلا ولده
نزله المسبح بنفسه يلبســه ويأكلــه
اتجن لما قلتله خليت العـآمله توديه غرفة الألعاب
فجأه صرخ عليـا وراح جلس معــآه
فجعني !
اتقربت من يسـرى كثيــر
اعتبرتها اختي وقربتني اكثر لمــآلك
لاحظتها حتى هيـآ ماتخلي العاملات الي عندها يسو اي شي لرآيــد وكأنه عقدة مـآلك وصلتها
وجود يسـرى بيننـآ احلى شي حصــل , اهتمـآمها مو بس في مــآلك حتى بابا تهتم فيــه
طريقة تربيتها ومعاملتها لعيلتها نقلتــه بينننـآ
ننتظرها كل بعد كم يوم هيا ورآآيد يجونـآ
ولو ماجو يلقوني عندهم
روحت لبابا وقلتله
" اقدر اتبنــى طفــل "
" أقدر أكون أم بدون ماتزوج ؟ "
" أقدر اربي طفل يعوضني واعوضــه ؟"
وحصـــل وبدأت حيــآتي الجديده

,
[ فــراس ]
الحمدآلله سويت عمليه جراحيـه ليدي
اتحسنت بشكل خفيف لكن برضو مجـآل الجراحـه صعب ادخلـه
وتم قبولي في الطوارئ اول سنه في مشوار الوصول للأخصائيــه ..
ورجعت لروتيني الممتــع , صبا تفكر كثيــر بعد الولاده تبدأ مشروعها الخـآص في التصميم الداخلي
حاسه انها حتبهرني لأنها فعلا طلعت عيني وهيا تأثث البيت شوفت جــآنب آخر منها
لمساتها غريبه ملفته مريحه للنظر والنفسيــه

[ مــآلك ]
3 اســآبيع متزوج .... 3 اسابيع من النعيــم
3اسابيــع وانا حاسس اخيـرآ بالحيــآه
قد قالتها الحيــآه معايا غيــر
وكآنت غيــر
إهتمامها بكل التفاصيل الصغيره الخاصه فيــآ
خلتني اخاف في يوم افقدها
اتعودت على كل شي منها وكأنه لنا 3 سنيــن متزوجيــن
بعيــن الكثيـــر صعب انك تتزوج وحده عندها طفــل
لكن بعيني كل شي مختــلف
رآيــد يذكرني بنفسي كثيـــر ولأنه نسخه مصغره مني عرفت كيف اعوضـه
علاجــه الإهتمام
علاجــه انو يكون حولــه عيلــه
أم ... اب ,

[ رهــف ]
مو يقــولو الألم بعد مدة من الزمن تكتشــف إنو كآن نعمـه عليــك
ماتشوفو إلآ بعد مرور وقت طويـــــل
بعد ماتنصقل شخصيتك ويقوى معدنـك
امور كثيــر سارت تافهه بعيني مع إنها كآنت من اساسيات حيآتي
امور كثيــر افكر فيها بعقلانيه بعد ماكان التسرع طريقي الوحيـد
ماأنكر إنو شخصية مـآلك البارده اتجسدتني
صمتي قبل الكلام , تفكيري العميق , حبي لنفسي
كلها اشياء شوفتها فيـه واكتسبتها
عرفت إنو الإنسان لما ينظر لنفســه بحب يبدع ويعطي لنفسـه حقــها الكآمل
قرأت مــره جملـه "fake it till you make it "
تظاهر بالشيئ حتى تتقنـه فاتظاهرت بالقوه
تظاهرت بالسعاده
اتظاهرت بقوة شخصيتي
اتظاهرت باأمور كثير فاسارت جزء مني مع الأيام
سرت سعيـــده سرت قويــه
مرسمي الصغير كبــر وبدأت اعطي دورات رســـم
كآآآن شعور جدآ جميل , تكون بين نااس عندهم شغف التعليم لهوايه انتا تعشقها
ابا اعطي من قلبي
جنون افكــآري عكستها برسومــآتي , نشرتها على صفحات متعدده اتناقلتها صفحات كثيــر
قالهــآ اتمنى اسمع عنك في يوم ونشـرت اول كتـآب يحمل اسمي وفيه بعض من رسومـآتي
رسمــت على الجدرآن في اماكن متعدده
مقاهي , مطاعم
وبنيــت نفسي ,وبنيت اسمي , وسرت شخصيه جديده ماتخيلت في يوم اعيشـها
دخلت مجالات كثيـر , كونت علاقات كثيــر , انشغــآلي في عملي اصبح هاجسي
سعيــده بكوني إمرأه لاتحتـآج لرجل

[ حســآم ]
بدأت محاكمـة عدنان الثــآنيه والثــآلثــه والرابــعه والخــآمسه والسادســه
كل محــآكمـه بصيـر اقوى
وكل محـآكمه عدنان يتخبط هنـآ وهنـآك
كل محـآكمـه استمتع بشكلــه ,بخوفـه , بمنظره ماحس باأي شفقــه اتجاهه
حتى لما ذكر كل شي عن عيلته
ولا أنهزيـــت
كنت مستمتع بتمدد المحــآكمـه
وهيا تسلب منـه راحتــه
وهيا توريني كيف قــآعد اقتلــه ولسـآته عـآيش
ذا اللي سواه بزبــط فيا
أنحرم من كل شي ووآقف يدور على حريتــه والأبواب كلها مغلقه في وجهه
وحولي كل شي سلبــه مني
راحتي رجعــت
حيـآتي رجعت
عيلتـــي رجعت
وابتسمت لما صدر الحكم عليــه بالإعدآم
ضرب الطاوله اللي قدآمـــه ,
قتل أروان,اندي اهلي غير الجرآيم البـآقيـه
ومتوقع يخرج منها سليـم !!!
قومت من مكـآني اتوجهت له الشرطي مسكني قلتله " تكفى لاتخليها بنفسي "
الشرطي مابعد يدو عن صدري كآن حيدفعني لو لمستــه
لكن تِكفِي اني أتفــل بوجهه وأقوله : سلملي على عيــآلك
الشرطي دفعننني للخلف وانا مبتسم
قنبـــله وانفجرت
صرخ وانا عيني مانزلت من عليييــــه
خليــه يشوووف طيف مجدي لأخر لحظــه
قالتها جدتي " مجدي مامات دآمك عـــآيش "

.[ نهـــآية سلع اروآح محرمـــه ]
[ وسيبقى الإنسان سلعـــه دائمــه يتآجر بها الأرواح المحرمــه ]
شكرآ على متابعتكم , شكرا على حبكم وتشجيعكم الدآئــم
ضاعت حروفي وكلمــآتي مع نهاية الأحداث فاأعذروني على قلة كلامي الغير معتـآد