منتدى وندر لاند - عرض مشاركة واحدة

مشاهدة أوسمتي · 01-28-2021, 04:03 PM

السلام عليكم ورحمة الله وبركاته
كيفك ألكساندرا ؟
إن شاء الله بخير

اللهمَّ صلِّ وسلِّم وبارك على سيدنا محمد وعلى آله وأصحابه أجمعين

غبت لفترة طويلة جدًا وخلال هاي الفترة اشتقت لروايتك كتير واشتقت واشتقتلك واشتقت للكل
الإشي الجميل إني كنت أتابع روايتك من حين لآخر من غير ما أفتح وقرأت الفصول الجديدة وهلأ حان وقت الرد
وكالعادة أبدعتِ بالحبكة والأحداث بأسلوبك السلس الجميل
بداية من الفصل السادس عشر لما نزلت إلينا من سيارة مايك عند الشارع يلي بتسكن فيه وبعد ما دخلته شافت مجموعة الرجال يلي بتنتظروها وبحاولوا يقتلوها وبالرغم من محاولاتها العقيمة طعنوها وبس هربت منهم في الطريق المظلم شافت ضوء سيارة كانت رح تدهسها وطلع بالسيارة هاي بالصدفة كارلس ومارك

• وهون بتيجي النقطة يلي لفتت انتباهي وهي إنه إلينا هربت باتجاه شارعها ولا بالاتجاه يلي أجت منه، لانه اذا هربت بالاتجاه يلي أجت منه من سيارة مارك ما رح يكون مظلم كونه السيارات بتمشي هناك بكثرة، فالطريق المظلم لازم يكون الشارع يلي بتسكن فيه وهناك ما بتمر أي سيارات لانه الأغنياء ساكنين بالطريق المقابل وما بيجوا من هاد الطريق فكيف شافت كارلس ومارك بسيارتهم ؟ الا اذا مشت نص طريق الشارع ورجعته هربًا منهم كونه بسدوا الطريق عليها ومرّت وهي مش منتبهة بالشارع المليء بالسيارات وبالصدفة كانت سيارة كارلس ومارك، هيك ؟

المهم نكمل كانت فكرة جميلة بإنهم يكونوا شافوها ونقلوها للمشفى لحسن الحظ وعالجوا جرحها، ومن الجيد إنه والدتها عرفت بالأمر وراحت لتطمئن عليها مع جاك

ضحكت كتير لما انضرب راس كل واحد فيهم بالتاني وأي حدا بشوفهم بحكيلهم انه الجرحين متطابقين
وأخيرًا حان وقت خروج إلينا من المشفى
والموعد ما بين مارك وكايا مع إلينا كان لطيف وخصوصًا إنه كايا كانت شخص لطيف مش زي والدتهما
ومن الجيد إنه إلينا وافقت على مارك وأخيرًا
بصراحة انصدمت كتير بس عرفت انه المجرمين كانت والدة مارك هي يلي جلبتهم ليقتلوا إلينا
والإشي يلي صدمني أكتر لما اختفت عائلة إلينا بس رجعت هي ومارك ع البيت، وين بدهم يكونوا اختفوا

متحمسة كتير للفصل القادم
الله يعطيكِ العافية ع هاي الفصول الجميلة
وآسفة كتير ع التأخير

سبحانكَ اللهمَّ وبحمدكَ، أشهدُ أن لا إله إلا أنتَ، أستغفركَ وأتوبُ إليكَ