منتدى وندر لاند - عرض مشاركة واحدة - ضَجِيْجُ الْيَاْسَمِينْ || Jasmine Noise

مشاهدة أوسمتي · 04-04-2021, 10:45 PM

في جلسة اليوم تم طرح سؤالين مهمين و المفروض نفكر فيهم كل يوم
(لو اليوم هو آخر يوم في حياتك، كيف ح تكون مشاعرك ؟)
بصراحة الفكرة بحد ذاتها مخيفة، ما في يوم تاني كل شي كل شخص كل شي سعيت له، راح تتركه وتمشي وعند مين؟ عند رب العباد عند الله عز وجل
فكرت هل أنا جاهزة؟ لأقابل رب العالمين، هل أعمالي تكفي لهاي اللحظة؟هل ميزان حسناتي كافي ليوم الحساب؟ ، هل عندي ثبات وقت السؤال؟
ما في أي كلمة بتقدر توصف المشاعر يلي حستها وقتها، ما في أبدًا.
ما قدرت أجاوب لكن دعيت (ربي توفني وأنت راضٍ عني، وألحقني بالصالحين) ما بعرف كيف اجا ه الدعاء ع لساني ما كنت بفكر بشي سوى بهاي اللحظة العظيمة، بدي اروح بس ربنا راضي وأعمال كافية.
السؤال التاني (شو راح تعمل في هاد اليوم؟ )
كانت في كثير أشياء بنفسي بس أهم شغلة بسيطة ، بدي أجمع أكثر 3 أشخاص بحبهم بحياتي ونجلس سوا ونضل نحكي ونضحك ونعمل شغلات كتييرة لآخر لحظة ويكونوا أخر ناس عيني بتشوفهم.

تخيلت ه مشهد وبكيت من كل قلبي في كتير شغلات بنعملها خطأ بحق أنفسنا وبنرغم أنفسنا على أشياء ما بدنا إياها. ليه، شو السبب يلي بخليك تعيش حياة ما بدك إياها.
الحياة سهلة امشي تحت رضا رب العالمين وعيش متل ما بدك مو متل ما بدها الناس، امشي صح و عندك شعور الرضا(أنا صح، هاد هو الطريق الصحيح) ربنا حيكون معك، الحياة مرة إذا نشفت ورقتك وسقطت من شجرة الحياة فقد حان الوقت للقاء يا عبدي،فهل أنت جاهز؟
لحظة لو كل واحد فينا يفكر فيها كان وضعنا أحسن بكثييير.

(اللهم توفني وأنت راضٍ عني اللهم توفني مسلمًا وألحقني بالصالحين اللهم ياحي ياقيوم أحسن خاتميتي ولا توفني إلا ولي مكانًا في فردوسك الأعلى و والدايّ وأحبابي والمسلمين يا ذو الجلال والإكرام.)