منتدى وندر لاند - عرض مشاركة واحدة

مشاهدة أوسمتي · 03-12-2020, 11:01 PM

Y a g i m a

السلام عليكم ورحمة الله وبركاته heart2heart2
كيفك جملتنا الحلوة
كح بصدق الموضوع مهم جدا
أنا كنت بدرس في الجامعة شريعة اسلامية وفي مرة والدكتور بيحكي جه ع بالي سؤال
وهو انه الفلوس دي لو مراحتش للي يستحق أو شخص صرفها على فعل سئ أنا الفلوس دي ملهاش ثواب ؟؟
وكان رده انه لأ طبعا أنا مش عارف نية الناس ايه ومش هقدر أدخل نفوسهم يمكن حالات أقدر أستفسر وأتأكد بس لو حالة عابرة هعمل ايه ؟؟
نيتك دي خالصة لله وصاحبتك المفروض متحسش بالذنب لأنه نيتها صافية
أوقات كتير بنركب المترو وبنشوف حالات -تسول- بنسبة 99% ودا للأسف لدرجة انه لو حد محتاج فعلا أنا مش هصدقه لأنه أنا شفت حالات كدا كتير وانت غصب عنك عايز تصرف الفلوس دي للي محتاج مش فكرة هرمي فلوسي في الأرض وأقول نيتي خير
المفروض أدور انه على الأقل عملت الي عليا بس لو ناس واضحين وواخدينها مهنة يبقى مينفعش على الأقل عشان ممكن يضيعوا أمل حد محتاج مساعدة وفي حالة حرجة بس محدش صدقه أعتقد ذنبه هيبقى في رقبتهم صح ؟؟
مرة واحدة كانت ماسكة ابنها وكان فعلا تعبان وشكله صعب وبتتسول بيه الفكرة انه كان شكلها مش خايفة عليه صاحبتي حتى لفت وشها لأنه الموقف كان صعب وأنا رفضت من مبدأ انه علشان متبهدلش الولد كدا
لو هي فعلا محتاجة ومش لاقية شغلانة على راسي بس لا تعملي كدا في ابنك !!
كمان حالات انه يبقى عنده عاهة ما ويكشفها للناس على سبيل الاستعطاف ,مش هحكم على حد بس حاسة مش صح انه كدا يحصل كل يوم في نفس المكان او في المواصلات كل يوم ..
دا غير حالات الخطف وتشويه الأطفال عشان بتسولوا بيهم ودي جريمة لوحدها ..
أنا معلمة لتلاميذ في المرحلة الابتدائية لو طالب سئلني سؤال زي دا مثلا
أنا عارفة انه بنسبة كبيرة مش هيقدر يحدد اذا هو محتاج ولا لأ ف بقول طبعا ساعد لو تقدر بس لو عندك جارك أو قريبك أو حد عندك في الشارع انك وبابا عارفين انه غلبان يبقى أحسن
ودا عشان مش عايزة أزرع فيهم فكرة عدم الثقة في الناس أو انهم يتوقعوا السئ بدون أي تفتيش أو بحث انه
لا هو متسول أو كداب ف يبطل انه يساعد المحتاجين مثلا
ساعد بس حاول تتأكد انه مساعدتك دي مش هتجيب ضرر أكتر من انه نفع لحد ..
وانه حقيقي الواحد بيزعل لما شخص يسئلني انه محتاج فلوس مواصلات مثلا ف أديله وبعدين أكتشف انه واقف في نفس الطريق بيقول نفس الحجة لكل الناس
أو ست ماسكة ورق تحاليل وعايزة مساعدة وبتقول اتأكدوا لو شاكين وأطلب أشوف الورق دا ف تتهرب ..
محتاج فهمني أو متقولش سبب بس متكدبش عليا ...
القرش الي ممكن تخدعني وتاخده غيرك أولى 100 مرة بيه ..
وبس كدا شكرا لموضوعك الرهيب استمتعت وأنا برد عليه جدا
مع السلامة .