منتدى وندر لاند - عرض مشاركة واحدة

مشاهدة أوسمتي · 02-20-2022, 10:14 PM

@V E L V E T;

كيفك جدة

فكرة الموضوع كلش حلوة حبيتها وان شاء الله متابعة لتجارب الاعضاء
طبعا هذا الموقف الي احجي عنه محرج

اني ام المواقف المحرجة
خليني احجي بلا رغي
من جنت بسنة بكالوريا الي هو عندكم ثالث ثانوي او توجيهي
طبعا هاي سنة كلها جديات وهيج جان عندنا استاذ الكيميا جدي جدي كلنا كنا نخاف من عنده اصلا اني جنت اخاف حتلى اشارك بصفه
مرة جنا نحل مسائل قال مين يحل لنا هاي المسالة قلت خليني اروح متاكدة من الاجابة روحت قمت على الصبورة وحليت وانا اموت من الخوف خلصت المسالة وجانت مساحة الصبورة بايدي جانت الصبورة وايت بورد واني عبالي المساحة مغناطيس لزكته بالصبورة وقع على الارض

قمت رفعته ولزكته مره لخ وقع بالمرة الثالثة عرفت انه هاي المساحة ما بها مغناطيس فحطيته بالحافة مال الصبورة الي نحط فيها الاقلام
طبعا والاستاذ واقف بلا كلام واني انظر له واقول في نفسي قل بليز حليته صح هو ضحك وقال لنا على سالفة فار جان احد العلماء يقوم عليه تجارب الفار اول مرة حاول يخرج من القفص صدم راسه بباب القفص ثاني مرة حاول يخرج اصتدم بباب القفص للمره الثانية المرة الثالثة عرف انه اكو امامه باب ومقفول
شبهني بالفار

بس ما زعلت لان جنت كلش خايفة وطلع اني حليت المسالة صح
طبعا بعد الحصة نشر الخبر بنات الصفوف الاخرى لنفس المرحلة جايين شنو سويتي زينب نخاف جان الموقف مدبر علمود تخليه يضحك

وهيج خلص القصة مدري العبرة شنو لا تكونون فار متلي او تعلمو من تجاربكم