صديقتي عشرة 20 سنه واكتر هتتزوج كمان شهرين و شويه ، علي طول في خناقه معاها بسبب انه من يوم ما اتخطبت ولا مرة شاركتني اي حاجه تتعلق بجوازها ( شراء عفش - ملابس - اي حاجه لها علاقه بتحضيرات بيتها الجديد ) علي عكس باقي شلتنا ، يعني صحباتي الباقيين مروة و ريهام علي طول تشاركهم و يروحو وياجو معاها ان احتاجتهم ، كنت وقت اسالها ليه ولا بتقولي ليا ؟!
بتقولي انه انا دائما في الشغل و مش حابه تزود الضغط عليا ، بعترف اني من فتره قريبه كنت اشتغل 14 ساعه و اكتر و من الصبح لاخر اليوم برا الييت بس مشش عائق انه هي لو احتاجتني اني هقول معايا شغل ، بالعكس كنت اقول لها انت بس قولي لي قبلها بيوم وانا هاخد اجازه و اجي معاكي مهما كان.
قبل اربع شهور الحمد لله تطور الحال و بقيت اشتغل بس نص يوم واغلب اليوم فاضيه و قالت لي انها حابه تشتري فستانها من القاهره واتفقنا اني هسافر معاها القاهره ، وهي وعدتني اننا نروح سوا ونفس الوقت نتفسح شويه ، حتي اني شرطت عليها انه اول ما نفضي من الفستان لازم ازور اشرقت و نور من المنتدي لانهم هناك ، حتي اهلي بس قلت لهم ع قراري امي قالت لي عند هدي مستحيل اتاخر عليها وروحي معاها ، اول امبارح الاثنين قالت لي انه هنروح ع اساس امبارح الثلاثاء و تحمست جدا وهي استغربت اني علي وعدي وهروح ، وباقي بس اذن الوالد ولكن للاسف هم رفضو ولكني اصريت وعملنا خناقه وووو بس علشانها.
سهرت الليل كله اجهز في شنطتي و اول مرة من شهرين اصحي بدري و انام بدري علشان نلحق القطر واتصلت علي مدير الشغل قلت له صرف نفسك من غيري ليوم الجمعه انا مسافره ورغم اني سمعت كلمتين يسمو البدن قلت له جيب حد تاني بدالي يشتغل انا مش جايه تاني طالما رافض الاجازه و ظبطت دنيتي ، ولكن تفاجأت انها بتقولي خليكي في مرة تاني نروح ، ومتروحيش المرة دي معايا واوعدك اذذا احتجت حاجه هاخدك معايا !!
سألتها ليه بتقولي كدا؟! قالت اصل السفر تعب متاجيش!! ودول 16 ساعه سفر هتتعبي!!
سالتها اذا حد من البيت امي او اختي كلموكي علشان متخليينيش اسافر؟! اقسمت بالله انه لا !!
هي دائما تشتري لوازم البيت اون لاين كنت علي طول اتخانق معاها واقولها انك حرمانا من لحظات جميله بسبب انك كله بتشتريه اون لاين ، فرحتنا اننا نتجمع ونروح مشاوير و نتعب و نجيب لك ، فرحتنا اننا نرتب لك شنطك بيدينا ، لو احنا عشره ال16 سنه معملناش كدا مين يعمل ؟!
بقول لها اني ولا مره تعبت ليكي و روحت معاكي اي مكان عكس ريهام ومروه علي الاقل ساعدوكي شويه ، ورغم كل دا انا لحد دلوقتي ملقيتش مبرر انها لاخر لحظه منعتني اسافر معاها وخلتني منفذش وعدي
اتمنيت انه لو قالت لي امي اتصلت عليها او اختي ، اهون من انه هي اللي رفضت بعد اتفاق ، مش عارفه اذا انا غلط او هي ومش هتفرق بس اللي اعرفه اني في جزء من قلبي من الصبح فيه نغزة ألم تاجي وتروح.
قررت اني مش هطلب منها تشاركني حاجه تخصها مرة تاني ، لا هي ولا اي مخلوق تاني بعتبره صديق ، حتي فرحها قررت اني مش هحضره ، مش هعمل اي اعتبار لاي شخص تاني.
انا بيني وبين نفسي سلام داخلي باني شخصيه مش محظوظه لا في اختياراتها ولا في علاقاتها سوا اسريه او غيرها ، بس الفكره انه الشخص اللي قاعده اتكلم انه مزعلني و كاسر بنفسي وخاطري هو صاحبه ال20 سنه.
للذكري .. لأجل كل مره بفوت فيها للناس علي حسابي.
|