منتدى وندر لاند - عرض مشاركة واحدة

مشاهدة أوسمتي · 06-15-2022, 05:57 PM

وجودك مُبهج 😃 🌟 ,, ỒᆻĎā シ ▫️
✨
السلام عليكم ورحمه الله وبركاته
كيف الاحوال
يارب كل حاجه تكون تمام
شفتك في موضوع جديدا اخيرا
فينك مختفيه عن المواضيع!
صراحه موضوع مهم ولازم نقعد نتكلم فيه شويه
وادي القعده
خلينا نتكلم من وجهه نظري
اختيار الصديق من اصعب الحاجات اللي ممكن تقابل الإنسان
والدي كان دائما يقولي أن الرسول صلى الله عليه وسلم قال إن المرأ على دين خليله
يعني لو عايزه ابقى بني ادم كويس لازم اصاحب شخص كويس
طيب الشخص الكويس ده لازم يكون ليه مواصفات
لاني لو اخترت اي شخص وخلاص ممكن انزل لمستوى مش بتاعي ولا شبهي
لازم يكون الشخص ده بيصلي وعارف ربنا وسيرته طيبه في وسط الناس
محترم وكل الناس تحبه وتتكلم عنه بالخير
أمين ويحفظ الاسرار ويقف جنب صديقه في الضيق قبل الفرح
انا شايفه أن الشخص ده مش لازم يكون صديق بس
يعني اي شخص يدخل حياتنا لازم يكون فيه الصفات دي
بالنسبه لشخصيه متعرفش الكلام ده تعمل ايه ؟!
تتعلم من الأخطاء والتجارب
اصل يعني بيقولوا اللي اتلسع من الشوربه هينفخ في الزبادي
يعني مش هتلسع من شخص وارجع اصادق شخص بنفس صفاته
ده يبقى عبط صراحه
المهم حبيت اتكلم جدا في الموضوع ده
شكرا لطرحك
اشوفك في موضوع جديد
في أمان الله