منتدى وندر لاند - عرض مشاركة واحدة

مشاهدة أوسمتي · 07-25-2022, 08:10 AM

الاعضاء؟
الموضوع مختلف جدا عن اي حد اظن ...
في عيون مكنش عندي اختلاط كبير بالرغم اني موجوده هناك من 2014
مكنتش بكلم حد كتير ولا كونت اي صداقات هناك
كلامي كان محدود جدا ومخرجتش بأصدقاء وحتى لما كنا على جروب التيليجرام
مكنتش بتكلم كتير .. ممكن احط كلمه كل كام شهر واخرج
لكن طبعا في شخصيات كتيره كانت بتلفت نظري
نتكلم عن الشخص اللي اتغيرت نظرتي عنه
عماد ...
مشرف عادي ومن وجهه نظري ايام عيون كان جاد جدا
من الاشخاص اللي اشوفهم اقول ابعدي عنهم كلامهم دبش وجادين
الموضوع اتغير نهائي لما جينا هنا
معرفش ايه اللي حصل خلانا نتكلم ويكون بينا شبه صداقه في البدايه
بعدها لقيت عماد مش الشخص اللي كنت اتوقعه
بيهزر ويضحك وفي راحه في الكلام معاه ... بيسأل عليا كل يوم ويكلمني لو انا مكلمتهوش
عماد بالنسبه ليا اكتر من اخ
دايما بيديني نصايح ويدعيلي وهو الوحيد اللي يعرف اسمي
بجد اخ حقيقي وشخصيه جميله جدا
عندنا كمان ساره الحشوره
ساره انسانه رقيقه جدا ومتفائله تجاه كل حاجه
في البدايه حسيت ان سنها صغير وانها شايفه الحياه وردي وانها مش هتقدر تواجه الحياه
لكن العكس تماما ...
ساره بتديني نصائح كتيره بالرغم اني الاكبر وتجاربي اكتر
دايما متفائله وبتحس بزعلي وتيجي تكلمني
دايما بتنشر سعاده وبهجه في المكان اللي بتكون فيه
ساره و عماد من اكتر الشخصيات اللي بحبها وبحترمها