منتدى وندر لاند - عرض مشاركة واحدة

مشاهدة أوسمتي · 07-25-2022, 08:27 AM

انا !
شخصيه عاديه فيا مميزات وعيوب
امنياتي بسيطه بس محتاجه وقت ومجهود كبير
من الصعب اني اتكلم عن نفسي بما اني مش بحب ابقى كتاب مفتوح
عندي فوبياااات كتيره
فاشله في تكوين الصداقات ومفيش صداقه بتدوم معايا
احيانا بشوف اني استحق حب الناس واحيانا بحس اني متحبش
بحس ان المكان انا مكروهه فيه بالرغم ان الموضوع ممكن يكون العكس تماما
شايفه اني شخصيه معقده بس برضه من السهل ان اي حد يفهمني
بفهم الناس بسرعه .. خيالي واسع
مش بتعلم من اخطائي ..
في اخطاء بتعلم منها .. الاخطاء اللي كسرتني فعليا .. لكن الاخطاء البسيطه بعملها تاني عادي
بحب اتريق على نفسي بس محبش حد يتريق عليا
احيانا بحس اني مريضه نفسيا
بتعلق بالناس بسرعه وبيبقى من الصعب النسيان
بكره الرومانسيه
عندي جانب مظلم وافكار سوداويه جدا
بخاف من نفسي احيانا ...
بكره الكذب
وبس