منتدى وندر لاند - عرض مشاركة واحدة

مشاهدة أوسمتي · 09-14-2022, 12:19 AM

فضي

السلام عليكم ورحمه الله وبركاته
كيف الاحوال ؟
يارب كل حاجه تكون بخير
دماغي لفت وسخنت حقيقي .. كميه معلومات موجوده في الموضوع مش طبيعيه ابدا
كانت جديده عليا كلها لاني كمان مدرستش بحور الشعر ابدا
أول مره اصلا اعرف ان في حاجه في اللغه العربيه اسمها بحر
انا قعدت اقرا في الموضوع 3 ايام
حبيته صراحه بس كان ممكن يبقى افضل لو كان اقصر ؟!
كميه بحور كبيره وكمان اسماء جديده وغريبه .. بروح للمعجم كل شويه
موضوعك خلاني افكر في موضوع قراته قبل كده كان بيتكلم عن أن اللغه العربيه احنا هاجرينها وفي كلمات كتير مبقيناش نستخدمها وننساها
اظن أن موضوعك رجع بعض الكلمات
الحمد لله اننا مدرسناش بحور الشعر العربي وإلا كان زماني لسه مدخلتش كليه
خلينا نتكلم عن بحر الرجز .. اول مره اسمع الكلمه دي اصلا
هل انا الوحيده اللي شايفه أن الموضوع مليان طلاسم ؟ سوري
‏المهم رحت اشوف معلومات كتير كتير عن البحر ده
‏لقيت أن اللي حطه اسمه الخليل بن أحمد الفراهيدي .. برضه ولا سمعت عنه
‏خلينا نتكلم عن الامثله
‏الرجز التام
‏المثال الاول
‏لا تيأسوا أن تستردّوا مجدكم فربَّ مغلوب هوى ثم ارتقى
‏المثال الثاني
‏إن كنت لا تدري فيكفي ما مضى وامدد له من ظلِّك المنشور
المثال الثالث رجز مجزوء
والبدرُ فوقَ دِجلةٍ والصّبح لمّا يُشرقِ
غشيتها
وللمره التانيه بقول الحمد لله اننا مدرسناهاش
ثانياً البحر الطويل وللمره التانيه هغش برضه
النحو والبلاغة مكانوش لعبتي في اللغه العربيه
كنت بحب جزء القراءه وجزء القصه اكتر
وللمعلومات كمان مش بحب الشعر
أَدِرْهَا كما مَجَّ النَّدَى وَرَقُ الوَرْدِ وأَشْرَقَ جِيدُ الجُود في لُؤلُؤِ العِقْدِ
المثال الثاني لعنتره بن شداد
كنت بحب قصائده جدا اللي كانت لعبله.. وللمعلومات كنت بحبها لأنها اتذكرت في جزء القصه مش جزء الشعر والبلاغة
سَلا القَلبُ عَمّا كانَ يَهوى وَيَطلُبُ وَأَصبَحَ لا يَشكو وَلا يَتَعَتَّبُ
المثال الثالث
رأتني فقالت أنت شيخٌ وإنّما يروق الغواني مجدب الخدِّ خالعُ
اه الحمد لله خلصنا الموضوع على خير بشويه صداع بس
بس حقيقي حبيت .. المعلومات كانت جديده بس مشكلتي اني مش بقدر اركز اكتر من 20 دقيقه والموضوع اخد مني وقت طويل
مجهودك جبار
اشوفك في موضوع جديد
في امان الله