من أجمل القصص عن حناني الفائض ورقي أخلاقي
لما كنت صغيرة هيك يمكن بالصف الثالث او الرابع
كنت بحب كنس وامسح الارضية
ومن عادتي لما ماما تكلفني بهالمهمة الحساسة
يشتغل العطف عندي عالمكنسة وحس بجوعها
فيستغرق تكنيس دقائق عندي ساعة كاملة
لأني بصير كعميها أي شي. فتت الها خبز او بسكويت
او لاقي ورقة امزقها قطع صغيرة او حتى كب الزبالة لتاكلها
جوعانة ياحرام مافي عطف عالجمادات يعني؟؟؟
أما بالنسبة للممسحة كنت صبرها وقلها معلش تحملي شوي
وانا بس نخلص رح اهتم فيكي ونظفك
كانت بالنسية الي مثل ساندريلا
مسكينة مضطرة تعطي شعراتها للارض الوسخة لتوسخها
طبعا كنت استخدم الممسحة القديمة تعرفوها صح
فكنت بس خلص اغسل شعراتها منيح واحيانا بظفرها
كنت اعانقها واحكي معها وقلها تحملي هاد مصيرك
بس بيخفف عليكي اني معك لاتزعلي
الانسان ظالم هيك شو نعمل
ليش مستغربين والله حنيتي هيك بتوسع بلد
شو ساوي بحالي ولك هدول بيحسو كمان مثلها
رفقا بالجمادات ياجمادات القلب
تعلمو من امكم شوية احساس
اللي مايتفاعل مع القصة قلبه قاسي جدا وينخاف منن
|