منتدى وندر لاند - عرض مشاركة واحدة - Erased

مشاهدة أوسمتي · 04-24-2020, 04:42 AM

منورة يالفخمة
@Assassin queen;

السلام عليكم ورحمة الله وبركاته
كيف حالِك يونا؟ إن شاءالله بخير
بالبداية اللي جذبني للموضوع هو إنه تقرير عن أنمي شفته، لأن الأنميات اللي شفتها تُعتبر قليلَة
وصح إني ناسيته شوي، بس متأكدة إنه كان من أفضل الأنميات اللي شفتها فعلاً
قصته كانت مُميزة واجواءه حلوة ورهيبَة، كل شيء فيه كان بيرفكت، أفكر أعيده الصراحة
الهيّدر جميل ورجّع لي اجواءه، كذا أحس رجع لي مشاعر غريبَة
" لو أني فعلت ذلك حينئذ " هالجملة اللي أتوقع مرّت على كل إنسان بالعَالم
بس للأسف إن الواقع مافيه خاصية الرجوع بالزمن، نحاول نبلَع الندم ونتقبل ونمضي
صح إني مو مُعجبة كبيرة بقصص الرجوع بالزمن، لَكن هذا الأنمي واحد من الإستثناءات
وأتوقع إني شفته بس عشان حلقاته 12 الكسل اللي فيني يمنع أشوف أكثر من كِذا
عادةً مَا أحب شخصيات الأبطال وكذا لكن هالبَطل كنت أحبه، هدوءه و غموضه جذبني
حتى أمه كانت شخصية رائعَة، كان كل همهَا تحمي طفلها و تسعى للأفضل عشانه
على عكس أم كايو اللي قهرتني، هِي السبب في شخصيّة بنتها الحالية
هادئة وصامتة وما تكلم أحَد وتحاول تظهر اللامبالاة، بينما هي شخصيّة لطيفة جدًا
و كينيا كمان كان يعجبني، كنت أشوفه لطيّف جدًا وصديق أكثر من رائِع لِساتورو
أتوقع آيري هي اللي لاحظت بصورة المجرم أو شيء كذا؟ والله نسيت بس أتوقع ساعَدت
المهم كانت مفيدة الصراحة، وشخصيتها لطيفة، عمومًا كل شخصيات هالمسلسل خفيفة على القلب
ماعدَا أم كايو طبعًا و المجرم، سيئات المسلسل الوحيدة
أحسنتِ في إختيار الصور، رجعت لي ذكريات قديمة و الوقت اللي كنت أتفرج فيه المُسلسل

هنا مرة حبيّت كيف جابوها تِتلاشى و تتحول لحِمامة و تطير بعيدًا
كلنا نبغى نطيّر لجزيرة بعيّدة ياكايو، كلنا نبغى نِتلاشى
اراء الاعضاء عنه يثبت إنه حاز رضا الجميع، لأنه فعلاً أنمِي جميل على الرغم من قصر حلقاته
أتمنى أشوف أنميات من هالنوع أكثر، تجذبني أكثر من القِتال و الأكشن
نجي لِلفقرة المُحببة، الرمزيات

أتوقع مدحت طريقتك بالرمزيات بما فيه الكفاية، بس برجع أمدح
عجبتني هِنا طريقتك في دمج الصور مع الرندرات، والتأثير إللي معطي الرمزية إضافة جميلة
واضح تعبك على الموضوع، بس ماراح سُدى لأن التقرير بهيّ ووفيتي كل شيء
تستاهلي الألماسي صِدقًا، و أنتظر ترجعي لنا بأنميات أفخم و تقارير رهيبَة كعادتِك
ما أقدر أقيمك لأن قيمتك قريب، بس أول مايفك التعليق إن شاءالله أقيمك ثاني
يعطيكِ العافية يارب، في أمان الله