منتدى وندر لاند - عرض مشاركة واحدة

مشاهدة أوسمتي · 05-08-2020, 01:08 PM

Y a g i m a

السلام عليكم ورحمة الله وبركاته
كيف حالِك روزماري؟ إن شاءالله بخير
للأمانة جذبني اسم الموضوع، خصوصًا وإنه في قسم علم النفس، يعني غصب أدخله وأرد عليه
أتفق معاكِ ومع الشهير بروس لي، فعلاً تفكيرنا يتحكم في حياتنا بنسبة عظيمة، سواءً كنا واعيين لهذا
الشيء أو لا. لِذلك لازم نعرف كيف نتحكم في اللي نفكر فيه وكيف نكون واعيين له. ونحاول مانفكر
إلا بالأشياء الإيجابية ونسمح للأفكار السلبية بالرحيل بهدوء بدون مقاومة.
برأيي إنها تجربة إجرامية، وتوظيفه "لمجرمين" مايعطيه الحق أبدًا إنه يجرب عليهم هالنوع من التجارب
لأن مهما كان هم بالنتيجة ناس، مافي أي ثمن يقدر يشتري حياتهم أو يعوض التجربة النفسية اللي
خاضوها، هذا مايسمى حُكم بالإعدام هذا يسمى تعذيب، لأن الإعدام خَلاص وتكفير لذنوب المجرمين
مو زيادة لمُعاناتهم سواءً كانت المعاناة هذي جسدية أو نفسية، ماندري أيش صار في عقل هالأشخاص
وأيش مشاعرهم أثناء هذي التجربة، شيء موحش ومروّع إنك تخلي إنسان يقتل نفسه بنفسه.
حتى إن نتائج التجربة ماكانت تستاهل! وكان يمديهم يختبرو تأثير الأفكار عن طريق ألف تجربة غيرها
وتكون كلها "أخلاقية"! بس اللي لفت إنتباهي طريقة عمل العقل، سُبحان الله شيء عظيم ومُتقّن!
والله سخّر لنا التفكير عشان نقدر نملك جزء من السيطرة على حياتنا وأفعالنا، لكن للأسف قليل مننا
يعرف قيمة هالشيء ويعرف كيف يستغله لصالحه. مع أنها للأسف تجربة مؤسفة إلا أنها مُفيدة لنا
وفيها فكرة مُهمَة. التصميم جميل ومُريح للقراءة، وحبيت إختصارك وسردك للتجربة.
يعطيكِ العافية، لا تحرمي القسم من جديدك، أنتظر مواضيعك القادمة وبصمتك الجميلة.
تم التقييم واللايكات، في أمان الله