Y a g i m a

السلام عليكم ورحمة الله وبركاته
كيف حالكم جاسم وروح؟ إن شاءالله بخير
اهنيكم على اسم الموضوع فعلاً يجذب ويمثّل المحتوى اللي مقدمينه، فكرة إنكم تنزلو صور للحياة
الخارجية في ظل هذي الأزمة فكرة مُبدعة وذكية جدًا صح الصور موحشة وفارغة لكن الجزء
الإيجابي إن الأرض أخيرًا تنفست وخفّ التلوث بكثير والشوارع صارت تلمع من النظافة
للأمانة أنا نسيت الشوارع كيف، حتى قبل الحجر ماكنت اخرج وما اتذكر الا طريق الجامعة حسبي الله
اللي يحزن صدق هو فراغ المسجد الحرام من المُصليين والمعتمرين، كم شخص حلمه يعتمر وكان
حلمه راح يتحقق هالسنة لو ما تواجد هالمرض؟ الحمدلله على كل حال. من شهر تقريبًا قبل الحجر
كنت مخططة أروح الحرم وكل شوي كنت أأجل الموضوع لين انحجرنا وندمت قد شعر راسي



عين لندن، أتذكر قرأت نصايح عن شراء التذاكر أون لاين لأن شبه مستحيل من الزحمة تقدر تشتري
التذاكر من الموقع نفسه. والحين الحجوزات توقفت والمكان مهجور، شيء غريب.



تذكرت لما نزل مطر وانا كنت ابغى اصور الشوارع وماقدرت من كمية الناس اللي كانو قدامي، لو
بس ترفع الجوال الكل يقاضيك بتهمة التصوير ياحظ اللي اخذ هالصورة بس




حبيت هالصورة مرة، الزاوية حلوة والمنظر يعبر عن التضحية والجهود المبذولة في سبيل التعقييم
وحماية الناس



بإذن الله هذي مجرد فترة وتمر، وترجع المساجد تستقبل ضيوفها بكل حب



هذي الرياض اللي الكل يشتكي من زحمتها، وكل مارحت مشوار مع ولد خالتي اسمع أنواع الشتم
والدعاء وأصوات البواري المزعجة ومانوصل إلا واحنا كارهين نفسنا، أتوقع الحين يتمنى يرجع
للزحمة هذي من كل قلبه



فعلاً كأنها لقطة من فيلم وتنفع تكون بوستر كمان



للأمانة أنا أحب زحمة المطار والاجواء فيه، فهذا أكثر منظر حزنت عليه بعد المساجد "(



أخيرًا شفت باريس فاضية قبل أموت، الحين أقدر أموت بسلام! أساسًا المدن المشهورة كلها كان
من المستحيل نشوفها فاضية بأي وقت من الأوقات، وبأي موسم من المواسم. شيء غريب
فكرة إن كيف الحياة توقفت فجأة وكأن أحد ضغط على زر إيقاف التشغيل. تذكرت بعض الأفلام
والمسلسلات لما يهبطوا على الأرض، أو يخرجوا من المخابئ اللي تحت الأرض بعد فترة طويلة
ويشوفوا كيف العالم فارغ والأماكن مهجورة، فعلاً حياتنا تحولت إلى فيلم، إلى حدث مهم من أحداث
التاريخ. بس للأسف إنه حدث مو مُفرح. بس أتمنى تكون النهاية سعيدة ويجي الفرج قريب
وترجع تدّب الحياة في الأماكن. وأتمنى إن البشر يتعلموا من اخطائهم ومانشوف أحد ياكل حيوانات
غريبة ومانرجع نشوف التلوث ثاني مرة. ونبدأ بداية جديدة ونحسّن البيئة حوالينا.
يعطيكم العافية على الموضوع والفكرة الجديدة هذي. أتمنى أشوف لكم مواضيع مشتركة أكثر
وتنوروا القسم مرة أخرى وتنوروا الأقسام الثانية. تمت التقييمات واللايكات.
في أمان الله