الموضوع
:
ألماسي |• دِهليز الرعب
عرض مشاركة واحدة
05-10-2020, 03:43 AM
#
16
سكر
هاهُنا طريقي..!
كُل ما لاأنتظره موجود
بيانات اضافيه [
+
]
رقم العضوية :
344
تاريخ التسجيل :
May 2020
المشاركات :
8,616 [
+
]
التقييم :
10022
الدولهـ
الجنس ~
SMS ~
ياعون الله تعال وقول اي حاجه
لوني المفضل :
Black
شكراً: 0
تم شكره 0 مرة في 0 مشاركة
مشاهدة أوسمتي
مجموع الأوسمة
: 1
مجموع النقاط
: 2
Y a g i m a
من أول كُنت بشارك لذلك قررت أستعين بشخص عنده محصول كبير من هالحاجات
جآية أخوفكم بقصص وحده من الناس
طبعاً القصة على لسانها بس الكِتابة بأسلوبي
وتراها واقعية 100% أنا كُنت حاضرة هالمواقف
(((
تقُول:
كُنّا ساكنين بحي مره راقي بس كانت فيه عِمارة منحوسة ، للأسف كُنا من سكانها!
مااقصد منحوسة من ناحية الحظ لاء من ناحية المصايب والظواهر الغريبة طال عُمركم
طبيعي جداً بوقت مُتأخر من الليل كُنت لحالي بالبيت وأهلي حاضرين مُناسبة ، قسماً بالله شعُور في قلبي قال لي قومي فُكي الباب .. فكيت الباب وربي ياجماعة الخير شُفت جيييش كبييير طالع عالدور إللي فوق .. نفس الستايل أشكالهم غريبة شوية مو مطمنة ووجههم مثبت على قدام محد يناظر يمين ولا يسار .. عددهم كاان هائل لدرجة إن أحترت هذول ميتين ولا ثلثمية شخص !! وبعدين الدور إللي فوق سطح ومسكر من سنتنين ولو أحد فك الباب مثلاً آول دور يسمعه بسبب الحديد إللي فيه! .. أنقبض قلبي من منظرهم وماارتحت ، كإنهم مو بشر ..
قفلت الباب بالمفتاح سريع وأنا أتعوذ من الشيطان .. إيش القصة ؟؟ من جد إيش القصة ؟؟؟ ..
بعد كم دقيقة خالي جاء للبيت عشان يجلس معايا بمناسبة إنه وصلهم وجا عندي عشان ما أكون لحالي .. قُلتله الموضوع ولما طلع نزل وأعطاني قرموع *القرموع إنك تقبض أصابع يدك وتصفق راس إللي جنبك .. وتراها مؤلمة جداً* وقال إن بطلي تخيلات هبلة!! ..
بعد فترة بدأت تصير حاجات غريبة بالبيت وكل مره أذكرهم بهالموضوع .. وحده من الكُبار جات وذكرولها المُوضوع وعن الحاجات الغريبة كإن فيه لعنة عالبيت! قالت هالبيت جوء جن وسكنوه حاولو تنقلو من هالبيت لاتجلسو فيه كثير ..
حوادث غريبة تصير بدون أي سبب ، زي مثلاً دادتي تكُون ماشية في أمان الله ويجي أحد يصفقها من ورا راسها بالسيب .. زي مثلاً قامت تبكي تقول فيه واحد مااعرفه جا يصحيني يقول أطلعي من الغرفة ..
المشاكل زااادت بشكل مو طبيعي .. حريق كم مره صار بدون سبب وحاولنا نطفيه! ، مصاايب ياجماعة مصاايب
تخيلو أكون لحالي بالمكتبة إللي بالبيت وشوي أمي تفك طرف الباب وتناديني "بنت جيبي كوب موية" أقوم أجيب وأدور عليها أستغرب وينها ؟ شوي خالتي تقول لي أمك بالدوام من العصر!! ..
أشوف ظِلال سوداء ودايماً مشاكل بالبيت ، لين جات الضربة القاضية >
جات قريبة لنا وقالت لقيت لكم بيت قريب مني وحجزته لكم ، بساعدكم بالنقل عشان تنقلو بأسرع وقت .. أنبسطنا كثير وجلسنا نقرر إن من بكره نبدأ نضب الأغراض
واللهِ شوي أنقلبت ملامحها وهي تقول "محد فيكم طالع من هالبيت إلا إللي يبغى يموت" وطاحت..
وربي ياجماعة هالمُوقف وقف قلبي ، عرفنا إن فيه شيء ..
وبعد مانقلنا الأغراض كلها كان آخر يوم .. شوي أمي وخالتي يطيحو من التعب يقولو مارح نروح إنتو روحو > واات
وربي إن بالمعاناة طلعناهم من البيت وكإن فيه شيء يقول خلينا نجلس ويسحبهم ..
بسسس
صدقوني هالقصص تخوف ، ماشرحت تفاصيل كثيرة
بس لِي عودة إن شاء الله
خلينا نتواصل اليوم وكإن بُكره حنموت ، خلينا دايماً كُويسين مع بعض ..
اسأل الله إنه يجعل لي بصمة لطيفة بقلوبكم وتدعولي دايماً
التعديل الأخير تم بواسطة سيـرَان. ; 05-11-2020 الساعة
03:31 AM
فترة الأقامة :
1488 يوم
الإقامة :
다른 세상에어서 ..
معدل التقييم :
زيارات الملف الشخصي :
50402
إحصائية مشاركات »
سكر
المواضيـع
الــــــردود
[
+
]
[
+
]
بمـــعــدل :
5.79 يوميا
سكر
مشاهدة ملفه الشخصي
زيارة موقع سكر المفضل
البحث عن كل مشاركات سكر