منتدى وندر لاند - عرض مشاركة واحدة

مشاهدة أوسمتي · 06-08-2020, 07:54 PM

25

عند الشباب في بيت خالد ( المجلس)

خالد: سؤال أنتم وش جأبكم عندي
صقر: أفااااااا طردة
خالد: أنت على العين والرأس أقصد هذا ( ويأشر)
مشعل: تراء مو جاي حب فيك بس الطفش واللي يسوي
خالد: طفش وليه جايني تراني مو دكتور نفسي
مشعل قائم يبغى يمشي مقهور: أقول فمان الله
خالد: أجلس
مشعل: أجلس علشان تذلني
خالد: أقول ما يصح مهما كان أنت الضيف والواجب إني أحترمك
مشعل جلس
ناصر: شباب الحين فهد وطلال وسلطان وتركي وصقر وين
مشعل: تركي راح يدور عبد العزيز خصوصا إنة مختفي
خالد ماسك جوالة: بتصل على صقر خلية يجيب معه كيس فصفص ويجي

----------------------

خالد: ألو
صقر متوتر: ألو
خالد حس فيه شيء غريب: صقر وش فيك
صقر: فيه شيء لازم أرويك إياه أنت وين
خالد: أنا في البيت تعال مرني
صقر: فيه أحد غريب
خالد: عندي ناصر وراشد ومشعل ليه فيه شيء
صقر: لا زين هم بعد لازم يكونون فيه
خالد: صوتك مو عاجبني فيه شيء
صقر: خلاص أنا جايك بعدين أكلمك بعدين( سكر الخط)
خالد: ألو ألو

------------------------------------

راشد: وش فيه
خالد: والله ما أدري بس الرجال وضعة مو عاجبني
مشعل: هو بيجي
خالد: أيه بنسمع وش عنده بس الله يستر

-----------------------------------

عند صقر

البنت: تكفى ودني بيتي
صقر: نورة أسكتي وخليني أسوق
نورة: لا ترجعني لهم
صقر: الكلام اللي قلتيه لي بتقولينه لهم فاهمة
نورة قعدت تبكي وتدعي وتتذكر وش سار

( عند نورة وسعد في السيارة بعد ما دخلوا الرياض))

سعد يدق جوالة ويرد بتوتر: هلا بأبو الشباب كيفك وكيف الشغل
##########>> رد المجهول
سعد: ما عليك جهزت اللي تبغى بكرة أعطيك الشنطة
################
سعد بتوتر: بس الحين ما أقدر تبغاها ضروري طيب
########
سعد بخيبة أمل: مع السلامة
نورة بخجل وخوف: فيه شيء
سعد: مشكلة
نورة: مراح توديني أهلي
سعد: شوي أختي بمر صديقي يبغاني في حاجة ضرورية
نورة عيونها دمعت ولصقت في باب السيارة
سعد فهم إنها خافت منه: لا والله مراح يسير لك شيء بس بأخذ حاجة منة وعلى مخفر الشرطة
نورة: أنا ابغى أهلي مو الشرطة
سعد: بس الشرطة هم اللي بيحلون كل شيء
نورة بدت ترتاح لسعد: طيب أخوي الله يجزاك خير ويكثر من أمثالك

((( يمرون على غرناطة مول )))

ينزل سعد بعد ما قفل الأبواب على نورة علشان ما يدخل عليها أحد وخذا معه شنطة سوداء

نورة بخوف: ( الحين الولد طيب بس أحس إنة يكذب في حاجة أنا مو مرتاحة له فيه حاجة يخبيها)
شافت نورة كرتون في المقعد اللي وراء بس لقافتها خلتها تنط للمقعد اللي وراء وتشوف وش فيه وفتحته وشافت ملفات وصور وبدت تقرأ
نورة منصدمة وتقرأ: ( هذي أسمائنا وصورنا حتى معلمومات عن أهلنا وش جابها مع سعد " وتفتح الملف الثاني وتقرأ"

أرسال العميل السري ليمسك بعضو المافيا المعروف سعود الـ... لتورطة لعمليات كثيرة من بيع أسلحة ومخدرات وقتل ونظر لذالك تم إرسال العميل ليكشف الغطاء عن المافيا وعن علاقة حمد سالم الـ.... بالقضية المزعومة هو عمر الـ....

نورة: ( هذا مو أبو ريما يعني الشرطة تعرف طيب وش دخل أبو رفيف ورزان معقول يكون سعد مع المخابرات خلاص أنا لازم أنحاش)

فتحت باب السيارة وطلعت تمشي في مواقف السيارت وهي خايف وشافت واحد من العمال يناظرة بنظرات مشبوها قامت تركض وصدمت في أحد
...: أسف أختي ما شفتك
نورة فتحت عيونها وصرخت: صقر
صقر: نورة وش جأبك هينا أنتي مو مفروض عند أهلك
نورة من الخوف ضمت صقر وقعدت تبكي
صقر يبعدها: عيب يا قليلة الحياء أمشي خليني أوديك لأهلك وأخلص ولا بشكلي بخالص
((( وفي السيارة قالت وش سار لها هي والبنات ووش شافت في شنطة سعد)))

(( تصحى من الذكريات على صوت صقر))
صقر يفتح الباب: إنزلي وصلنا
نورة: هذا مين بيته
صقر: بيت خالد
((( كان بيت خالد ما يدل على شخصيته كان قصر كبير مع إن خالد دئم يقولون له ولد فقر بس هو مو كذا))

--------------------------------------

خلينا نشوف وش سار لسعد بعد ما خلى نورة في السيارة وراح لصديقة

في ستار بوكس في غرناطة

فاتح الشنطة وقاعد يقلب في الأوراق والملفات
سعد: خلصت
...: شوي وش فيك مستعجل
سعد يرقع: لا بس الوالدة موصيتني بحاجات
...: كـــذاب
سعد: وش أنا مو كذاب
...: لا تنسى إني محقق يعني عارف كل شيء يلا قل وش عندك
سعد: طيب تعرف نورة اللي مع المخطوفات
...: نعم وش فيها
سعد خايف من ردة فعلة: هي الحين في سيارتي
.. وقف وصرخ بقوة: وشو وليه ما قلت لي وين لقيتها
سعد: أجلس
.. جلس: وين لقيتها وليه ما علمت مركز العمليات بكلمهم يأخذونها للتحقيق
سعد قال السالفة وكيف لقاهم في مخزن وليد (.... وكل السالفة)
...: طيب يعني ما بقى غير ثلاث بنات
سعد مستغرب: تقصد أربع لا يكون
... أبتسم بخبث: مو لازم تعرف شيء أنت شغلك تجيب المعلومات " وقف بيروح"
سعد يبغى يستفزة: ما عرفت إنها تشبه لك
.. ألتفت علية: شفتها
سعد قام من الطاولة وقرب له: لازم تعترف إنت ما دخلت في القضية إلا علشان تنقضها
... تجاهله وراح
سعد يشوف الساعة: ( لا تأخرت على البنت وش أسوي خليني أروح أجيب لها موية وأكل ثم أروح لها)

--------------------------------------

عند البنات

يركضون بعد ما هربوا من وليد وياسر وفهد والخوف معميهم وتأشر رزان على وحدة من الغرف ويدخلونها

ويدخلون البنات الغرفة وهي مكتب صغير وباين أنة مكتب وليد
رزان: بنات فيه على المكتب تلفون خلينا نكلم الشرطة
ريما: خلينا نعرف وين مكانا علشان نقول لهم
رفيف: تفتح درج المكتب واحد وراء الثاني
ريما: وش تسوين أنتي
رفيف متوترة: ريما الحين الأولاد وهم صغار يحبون لعب المسدسات وهالحركات
ريما: ايه
رفيف: طيب وإذ سار كبير بيقعد يلعبها
ريما: هذا إذ كان في نقص عقل في عمرك شفتي واحد يمسك مسدس بزارين ويلعب
رزان تقاطعهم: أنتوا وش فيكم الحين يلحقونا وأنتوا تسولفون في شيء ماله أصل
ريما: رفيف وش مناسبة السؤال
رفيف وعيونها تدمع تطلع مسدس: ذا مو شكلة لعبة هذا صدق ( وتأشر به على البنات)
ريما بشكل تلقائي ترفع يدينها
رزان: هيه لا تأشرين فيه علينا لا يطلق ونسير ضحايا رصاصة طائشة
ريما: نزليه يا الخبل ذا مو لعبة تبين نموت
رفيف تناظر المسدس وتفكه وهي تسمي: يمه يمه ذولا لازم يكون عندهم أسلحة شكل طفولتهم معقدة
رزان: وش نسوي
ريما تبتسم: بنات وش رأيكم نقلد توم كروز و جيمس بوند
رزان: أنهبلتي
رفيف: أسكتي أسكتي لو نعيد ونقول خططها فاشلة بنسويها
ريما: أجل ليه تخلوني أتعب وأنا أغصبكم
رزان: غردي وش عندك
ريما: خلينا بدال ما يخطفونا نخطفهم
رفيف ورزان يقربون وريما تهمس بأذانيهم

-----------------------------

ياسر يدور البنات: وين ذولا أختفوا وليه أنا أدورهم والأخوان يشربون قهوة ويأكلون تمر ( ويشوف ياسر رزان تأشر له وهو الغبي يركض يحسبها تبغى تستسلم بس ما حس إلا بالمسدس على رأسه)
ريما: بتمشي بالطيب ولا نذبحك
ياسر: وش تسون
رفيف: مو واضح حنا نخطفك
رزان: وين المزرعة فيه
ياسر: في الخرج
ملاحظة:
( منطقة مثل جدة والدمام بس أقرب للرياض ما تحتاج إلا ساعتين وتوصل لها)

ريما: شفتوا قلت لكم خططي تنجح الخرج قريبة من الرياض
ياسر: ( وش ذا أنا الرجال وأنخطف على يد بنات )
رفيف: يلا خلينا نطلع

(( عاد تخيلوا ريما ماسكة المسدس وحاطته على رأس ياسر ورفيف ورزان مثبتينه والمسكين ساكت يبغى يشوف وش أخرتها))

الحراس يوم شافوا البنات كانوا بيمسكونهم بس ياسر أمرهم يبعدون

(( طلعوا من الفيلة ))

ياسر: ما تحسون إنكم تحرجوني بطريقتكم كأني خروف بيروح لقصابة
ريما: خروف أحسن منك أنت حدك دجاجة ومنتوف ريشها
ياسر: عن الغلط
رفيف: أقول وين بوابة المزرعة علشان نطلع
ياسر: أنا مراح أقول تحسبوني بخاف منك
البنات: أيه تخاف منا
ياسر يدف رفيف ورزان: أتحداك تطلقين علي أساستا إذ تعرفين
ريما تمسك المسدس و طااااااااااااخ: ها أعرف
ياسر بخوف يمسك رزان ورفيف: خلاص أمسكوني والله الدنيا تخوف أنا ما أعرف أمسك المسدس تطلع البنت تعرف

(((( عند بوابة المزرعة))))

ياسر: هذي هي البوابة تطلعون تلقون مزارع أركبوا سيارة أجرة روحوا إلي تبون الشرطة الرياض مالي شغل
رزان بخجل: ما عندنا ريال وأحد علشان نركب أجرة
ياسر حس بالشفقة عليهم وطلع محفظته: خذوا
ريما: وش هذا
ياسر: خمس مئة ريال خذوها علشان ترجعون
ريما بكرامة: مستحيل أخـ ( سكرت رزان ورفيف فمها وخذوها وطلعوا من البوابة)
ياسر: ( الحين ما أعتبر خنت وليد لأني أعطيتهم فلوس لا ما يهم أنا وش دخلني بي بلاويهم)

---------------------------------

عند وليد وفهد

وليد يصرخ على الحارس: أنت صاحي خطفوا وليد كيف رجال ذا طوله وعرضه وخطفوه
الحارس: ياسر قال إنة بتصرف
وليد: أنا وش دخلني إذ قال ولا مات
(( يدخل ياسر))
فهد:ياسر وين البنات
ياسر بكذب: ضربوني وأنحاشوا
وليد يكلم الحارس: دوروا عليهم أكيد ما بعدوا
الحارس: حاضر

--------------------------------------

عند البنات

((يركضون بين المزارع والاستراحات))

رزان تشوف سيارة تاكسي : تاكسي وقف وقف
توقف السيارة وركبوا البنات

راعي التاكسي: وين بتروحون
ريما: الرياض
راعي التاكسي: بس بعيدة يعني صعبة علي
رزان: تكفى لو سمحت
راعي التاكسي: خلاص طيب الرياض يعني الرياض

--------------------------------------

عند الشباب في المجلس

نورة منهارة على أرضية المجلس تبكي: وهذا اللي سار

((( قالت لهم السالفة كلها)))

راشد منصدم: رزان أبوها كانت له علاقة مع المافيا
صقر: والله معد عرفت مين اللي في المافيا ومين لا
مشعل: سؤال الحين اللي أعرفه هو إن سعود هو راعي المافيا وش دخل أبو رفيف ورزان بعد
خالد: ما أدري حس إن فيه شيء كبير بيسير
صقر: ما فيه حل غير نكلم طلال راح يساعدنا
خالد: ليه ما نكلم سلطان
راشد: سلطان تغير وكل همة الانتقام تخيلي لو يشوف هالمسكينة وش بيسوي أكيد بيذبحها أحسن شيء ننزلها عند الشرطة ونكلم طلال

-----------------------------

في الرياض عن سعود

السكرتير بخوف: طال عمرك
سعود: ها وش فيه
السكرتير بخوف: فيه وأحد أسمة حمد عمر الـ... ( أبو رزان) يبغى يتكلم معك ولكــ
سعود يقاطعه: دخلة بسرعة
يدخل بهيبته المعتادة
سعود بابتسامة مكر: هلا حمد مرت عشر سنوات ما شفنا بعض
عمر يرص على أسنانه : سعــــود لا يكون أنت سبب خطف بنتي
سعود: تشوفني بها الغبى أكشف نفسي قدام الإعلام لا تذكر بنتي بعد أنخطفت
عمر: ليه أنخطفت بنتي أنا من زمان تركت الشغل علشان بنتي ومستحيل أدخل في المافيا مرة ثانية أنت لك علاقة في الموضوع
سعود: اللي خطف بنتك وبنتي يبغى يا خذ ثارة من اللي سوينا من عشر سنوات
عمر: لا يكون الـ....

-----------------------------------------------------------

الشباب بعد المعلومات اللي عرفوها وش راح يسون؟؟؟؟

نورة بترجع لأهلها ولا لا؟؟؟؟

سعد والمجهول من هم وما هي حقيقتهم؟؟؟؟؟؟

رفيف ورزان بعد رجوعهم للرياض بما تستقبلهم أخبار أهلهم وخصوصا بعد معرفة علاقة أبو رفيف ورزان؟؟؟؟

عمر ( أبو رزان) هل هو يشبه سعود ولن يهتم أم أنة سيبحث عن رزان؟؟؟؟

المجهول وما سره؟؟؟؟؟؟؟؟

سعود ماذا حدث منذ عشر سنوات؟؟؟؟؟؟

((((( البارت الجاي بيكون بعد شوي وبيكون قنبلة الحقيقة تنكشف المافيا )))