.: الجزء السآدس عشر :.
" لُو × الغ ـلاآ × ينشآافـ ؛؛ في ][ ع ـين مخ ـلوق ][ ... كاآن *الملاآ * شآفوگ في ..{ وسط عيني ..! "
/
\
/
أول ماصحيت ناظرت نجوى لقيتها نايمه والكتاب على وجهها هه مثلي في الخُبر .. ناظرت الساعه كانت 3 معقول ؟؟ مانمت كثير .. يلا احسن .. لبست لبس محترم وتحجبت علشان لو ولد عمتي فيه ماانحرج
نزلت الى المطبخ صلحت لي خبز مع جبن أكلته وبعدين شربت عصير برتقال ولما خلصت انتظرت الين اذن صليت بعدين رحت المطبخ لقيت لقيت الشغالات فيه ابعدتهم وصلحت الفطور بعدين صعدت وتحممت بعدين جفت شعري ونفخته من ورى .. أما القذله رفعتها بشباصات .. تكحلت كالعادة والقلوس .. لبست العدسات بعدين غيرت مريولي ناظرت الساعه كانت خمس الا ثلث أخذت عبايتي كانت سوداء بس الاكمام فيها ابيض ومن ورى كانت فيها سلاسل حديد مرتبه .. لفيت حجابي ورحت صحيت نجوى .. رشيت عطر لين قلت بس .. هبال اللهم ياكافي ههههه .. نزلت تحت لقيتهم يتفطرون ( نورة – نهى – أمها ) ..!
قلت : صباح الخير
ناظرتني عمتي وابتسمت : صباح النور
نهى : مبكرة اليوم عسى ماشر ان شاء الله ؟!
جلست جنبها : اسكتي بس .. نمت الساعه وحدة ونصف وصحيت ثلاث مدري اش فيني ..
نهى : احلفي ؟! انا انام 9 ومااصحى الا على صوت امي ..!
اكتفيت بالابتسامه ثم قلت : متى يصحى ولد عمتي ؟!
ضحكت نهى .. وقالت عمتي : لا حبيبتي ولد عمتك مايصحى الا خمس ونصف ..
قلت : أووووه .. نجوى تو بس مصحيتها الله يستر ماأتأخر ..
هزت راسها عمتي علامة اعتراض : لا نجوى بسرعه تخلص .. قولي تركي اللي يتأخر
قطبت حاجبيني : لاعاد كلها ثوب واطلع بعد ايش ؟!
ابتسمت نورة ولأول مرة تتكلم : لا تركي غير الناس .. يلبس في نصف ساعه .. يتمشط ساعه .. يلبس الشماغ على نصف ساعه .. ثم يتعطر بعشر دقايق .. وفي النهايف يرتب كتبه وينزل
ماقدرت اكتم ضحكتي .. عمتي : اش فيك ؟!
قلت : اببد ياعمتي بس ولدك عجيب .. بس صراحه مالومه الولد الوحيد في ذا البيت اكيد بيجي مثل خواته وامه .. كيف لو كان امه مدلعته مثلك .. بس يرتب كتبه ذي جديدة ..!
اكتفت عمتي بالابتسامه .. شوي وسمعت صوت " صباح الخير "
ابتسمت : هلا وغلا نورتي والله حياك اقلطي جنبي ..
ابتسمت وجلست جنبي .. قلت : تفضلي ..
نجوى : أوووه اليوم مهتمه فيني تصحيني وتفطريني مين قدي ؟!
ابتسمت : مو قلت لك بدلعك خلاص كيفي ..
سكتنا فترة الظاهر محد يعرف انو انا اللي مصلحه الفطور ابي حد يشكرني .. صدق نذله اسويه لجل يشكروني ويمدحوني هه بس كيفي ..
قلت : بعترف لكم باعتراف
عمتي : ايش ؟!
نهى : خطير ولا ...؟!
نورة : الله يستر ..
ناظرت نجوى : وانتي مابتقولين لي شي بعد !!
سمعت من وراي " صباح الخير "
الكل رد : صباح النور
ابتسمت نجوى : أُفضل السكوت على كثر الهذرة ..
سمعته يقول : أحسن لك على الصبح لاتكثرين هذرة ..
والله بغيت اضحك مايدي اش السالفه ويتلقف انتبهت ان نجوى بتتكلم
فـ قاطعتها : تبون تعرفون ولا لا ؟!
نورة : إلا !!
قلت : ماحسيتوا بتغيير طعم في الفطور على غير العاده ..
شهقت نجوى وحطت الخبز اللي بيدها .. نهى : ياخوفي حطيتي لنا سم ..
نورة ببراءه : يمه يعني شوي واموت ؟!
ضحكت بأعلا صوت عندي .. ناظرت تركي لقيته ياكل ومطنش زين اول مرة .. العادة يستغل اقرب فرصه في هوشه .. أحسن بعد ..
قلت : لا والله ؟! .. كملت بغرور : اليوم انا اللي صلحت الفطور لكم بدون مساعدة احد .. ولعبت بيديني : بذولي !!
فتحت نجوى عينها : ماأصدق معقول ؟!
ابتسمت : حلو ؟!
كملت عمتي : ماشاء الله حلو ماتوقعت انك تعرفين ماحسيت بفرق
نهى : بصراحه شي .. مشكورة ربي يعطيك العافيه ..
نورة مبتسممه .. قلت : قسم شوي وينتفخ راسي عليكم ..
نجوى : يحق لك ..
أكتفيت بالابتسامه .. بعد دقايق قامت نورة مع نهى وطلعوا اكيد بيروحون مع عمي .. وطيت راسي وكملت فطوري ومنعا للأحراج قمت قبلهم علشان لو هم خلصوا ماانحرج .. كني مشفوحه آكل وهم ينتظروني ..
وقفت وقلت : نجوى انتظرك برى
عمتي : انتظري هينا
قلت : لا ابي اطلع
ياعمري ياعمتي خايفه علي ..
عمتي : لا مايجي تطلعين بنت بلحالك بالطريق انتظري شوي
وانا اقول اش بها عمتي ملزمه اجل كيذا القوانين ؟! والله خالي كان عادي عنده اش معنى ؟!
قلت : طيب مابطلع عن البيت بس بلف الحديقه ..
رفع عينه : ألحين انتي اش حارق رزك ؟ الا غصب تبين تطلعين ؟!
حمار قسم بالله مايمضي يوم الا بمشكله .. شكو فيني ؟! عضيت على شفايفي بقهر
عمتي : تركي !! أستح على وجهك ذي بنت خالك عيب تكلمها كيذا
أحسن آآآحسن !!
خله يتعلم الذوق وكيف عندي حد يدافع عني ..
وطى راسه ووقف : يلا نجوى ..
طلع وطلعت نجوى وراه وناسه كل مرة يتلقف ويعاند يوقفونه عند حده .. صعدنا السياره نجوى على طول فتحت كتابها تذاكر .. أما أنا كنت فاضيه لاشغل ولا مشغله كنت اتجول بنظري في سيارته طاحت عيوني على بوكي !! هه ماشاله ؟! أحسن ..
قلت : نجيو !!
قالت بدون ماترفع نظرها : همممممم
قلت : برايك بكون بأي فصل ؟!
نجوى : أتمنى تكونين معي ..!
سمعته يقول : لا والله ! علشان الهذرة ؟
انقهرت : ياربيه قد ايش انت ملقوف .. شكوو ؟؟
قال : بصراحه خايف على مستوى اختي انتي راسبه يعني ممكن ترسب مثلك ..
قسم لولا الحيا قمت وفلعته ...
قلت : خير ؟! ماسمعت ؟! اش قلت ياولد عمتي ؟! اذا انا ذي السنه الثانيه انت الثالثه ناظر حالك ثم تكلم ..
نجوى : خلوني اركز بليز ابي اذاكر ..
هزيت كتوفي : والله ينطم اسكت ..
قال بنفس النبرة : لاتغلطين واسكت ..
طنشته لانه مايستاهل اضيع وقتي عليه ..
فتحت كتاب الكيميا مدري احس بانجذاب الى ذي الماده .. المهم جلست اذاكر رغم اني مذاكرة من قبل .. وصلنا الى المدرسه ونزلت عرفت ان فصلي غير عن فصل نجوى مااخفي عليكم ضيقي وقهري من ولد عمتي لانه حمار وبيتشمت فيني ..
المهم حضرت الحصص الاولى ولما جات الفسحه جلست مع ريوم حكيت لها عن الخبر كيف واش صار فيها بعد ماطلعَت .. وانقضت الفسحه .. الحصه الخامسه كنا فاضيين رحت وحضرت مع ريم حصه .. هه قمت استهبل واشارك بحكم اني رحت عن ثاني ثانوي والله لو اني معهم اخذت الاولى ..
بعد ماانتهت الحصه رجعت لفصلي كل الابلات قالوا اني نشاط واذاكر ومبين علي من اول يوم .. أحتاج الكثير من المدح ذي الايام حتى انسى كل همومي اللي في الخبر .. وابتدي صفحه جديدة بالدمام ..!
*
*
انتهى اليوم الدراسي الأخير ورجعت البيت بعد تطنيش كل كلمات ونغرات ولد عمتي بصراحه صرت استحي يمكن لاني مثقله عليهم ومخليته ماياخذ راحته .. بس انا دوم علي حجابي ويدخل بأي وقت بكيفه مااتوقع ان وجودي يضايقه !!
رغم اني مدري عن سبب كرهه لي الا اني متأكدة تماما انه يكرهني .. المهم سيبنا من تركي .. رجعت من المدرسه وصليت ونمت .. تغير جدولي عن جدول الخُبر مو قلت الدمام غير ؟!
المهم صحيت على اذان العصر صليت ورجعت نمت ..
صحيت الساعه 5 تقريبا تحممت وحطيت جل بشعري مالي خلق اجففه أحس بصدع قوي .. لبست تنورة بني طويله تجنن ولبست عليها بلوزه بيج لبست اكسسوارات بني .. مدري اش فيني اتكشخ يمكن ماابيهم يقولون اني مو حلوة .. المهم تكحلت وتحجبت حجاب بني ونزلت لقيتهم بالمقلط ..
قلت : السلام عليكم ..
الكل : وعليكم السلام ..
اتجهت لعمتي اللي كان عن يمينها ولدها وعن يسارها نهى تذاكر لنوره ..
قلت : لو سمحتي يانهى ابي اجلس جنب عمتي ..
ابتعدت بهدوء .. وجلست .. قلت : آآآآآآآهـ أحس كل جسمي متكسر من التعب مدري اش فيني
حطت عمتي يدها على جبهتي : حرارك مرتفعه .. نجوى قومي هاتي مقياس الحراره ..
قامت نجوى وهي منقهره صدق رحمتها كله نجوى .. المهم جات وحطت عمتي الجهاز باذني يمكن اغلبكم تعرفونه ...
المهم .. قالت : 39 ..!
شهقت : لا عاد ..! غريبه اش فيني ؟!
نجوى : عادي تصير من التعب او شي كيذا يعني ....
قاطعتها نهى : لا تتفلسفين لو سمحتي .. يازينك ساكته ..
تخصرت نجوى : تعالي كفخيني بعد !!
نهى : لا والله مشغوله خليها وقت ثاني واذا ملزمه أجي الحين ..
بصراحه اشتقت لهوشه فـ تحمست ..
قلت : يااااي من زمان عن الهوشات ..
نجوى : حماره ياربيه ..
قلت : ماحمار الا اللي قالها .. ثانيا ياحماره انا بنت خالك و اكبر منك تقولين لي كيذا ؟ احترميني على الاقل ..!
نهى : صادقه سوير !!
تذكرت خالي دايم يقول لي سوير وطيت راسي وابتسمت باقي اليوم وبكرة ويجي الجمعه مثل البزران انتظر الايام ..
مو ملاحظين ان يوم كنت بالخُبر انتظر يوم الجمعه علشان اعرف من تريك وفي الدمام علشان فيصل ؟! ..
ياااااهـ أيام مع نايف !
سمعت صوت بس ماميزته : هيييييييي وين فسحتي ؟!
رفعت راسي وناظرتهم وحده وحدة .. ثم قلت : مين اللي تكلم ؟!
نجوى : نهى !!
ناظرتها وابتسمت احس اني دايخه .. وقفت : تصبحون على خير ..
نهى : قصدك تمسون على خير ..
قلت : اللي هو ..
عمتي : لا انتظري كلي لك شي قبل تنامين انتي تعبانه ..
ابتسمت : مالي خلق ..!
وقفت عمتي : بقوم اجهز لك شي ..
قلت : قسم عمتي ماله داعي .. ناظرت نجوى بخبث : نجوى تقوم تصلح لي .!
نجوى : كانك ناويه تنتحرين او يجيك تسمم انا حاضره ..
قلت : خلاص اجل دام نجوى مابتقوم مابي منها اي شي وبروح انام ..
اتجهت لي عمتي وسحبتني وجلستني بين نهى ونروة ..
وكملت : انتظري شوي
وطلعت بصراحه حسيت ببرد شديد لان التكييف مركز علي ..
قلت : نجيو ياقلببي قفلي التكييف قسم اني مثلجه
وقفت : من عيوني ..
اتجهت للتكيف واخذت جهاز التحكم .. سمعته يقول : لا تقفلينه انا ابيه ..
ياثقل دمكـ ..!
قلت بهدوء : للو سمحت انا بردانه ..
هز كتوفه : مو شغلي والله دبري عمرك ..
انقهرت : انت ماتحس ؟!
ظل يناظرني فتره الظاهر سرح بـ جمالي خخخ
قلت : لا تناظرني كيذا بليز ياولد عمتي المحترم
قال : محترم غصب عنك
تأففت : أووف اللهم طولك ياروح وحد قال غير ذا الحكي ؟
وقفت نوره : خلاص لا تتهاوشون بجيب لك لحاف
سكتت عنه وظليت اناظره بقرف انتبهت انه مبرطم .. هه حتى الحين ؟!
ضحكت ..
قال : هيهيهي وجهي مكتوب عليه نكته ؟!
ضحكت : لا ! لأنك تشابه .. المهرررج
قطب حاجبينه غيرت على طول انظاري الى نهى ..
قلت : اش تذاكرين لها ؟!
رفعت عينها : اكيد عربي لان بنت عمتك الحلوة ماتعرف تذاكر بلحالها ..
ابتسمت : اذا تبين اساعدك عليها عادي ..
رد : بتجيبين العيد فيها اجل .. الرسووب مؤكد !
التفت لنجوى : ياشين اللقافه ابدا مااطيقها اللهم ابعدنا عن اللقافه والملقوفين ..
دخلت نورة واعطتني اللحاف ..
ابتسمت لها : احلا نورة قسم انك تهبلين يارب تنجحين وتاخذين الاولى !!
ضحكت ببراءه : وقولي يارب يخسرون اعدائي ..
ضحكت حتى ذا البزر عندها اعداء .. قلت : يارب يخسرون أعداء نورة يااارب ..
ابتسمت وجلست جنب اختها اما انا انسدحت على رجل نجوى انتبهت لنظراته المستغربه مدري ليه .. المهم ماحسيت بنفسي الا وانا في رابع عشر نومه ..
ماامداني اكمل ساعه على نومتي حتى سمعت صوت يصحيني ..
عمتي : سارة !! حبيتبي انتي تعبانه ؟!
جلست : لا ابدا .. ثم كملت : بس رجل نجوى عجيبه تجنن احسن من السرير ..
انتبهت ان عمتي تناظر تركي اللي يناظر فيني ..
عمتي : نزل عينك ياتركي .. وانتي يا سارة البسي حجابك ..
ماكان نازل كثير بس القذله ولان مالي خلق شي قمت واتجهت للغرفه محد تكلم لي وكملت نومتي بسعادة وهناء ..!
|