منتدى وندر لاند - عرض مشاركة واحدة - مذكرات ديدارا

مشاهدة أوسمتي · 06-30-2020, 10:52 PM

في باقي يوم واحد وتودعنا كونان .. صحت الصبح ... واغراض والملابس الجديدة اللي شرتها ووالشنط كلها على الارض .. وهي تتفرج على اغراضها في كل مكان
اخذت جوالها .. وسارت تتفرج على صورها مع اصحابها .. ذكريات معاهم .. ابتسمت ..

كونان من وهي صغيره معانا .. صاحبتنا .. كانت ماتفضل تجلس مع البنات
ولاتحب تدخل معاهم كثير .. وكانت دايم تقول .. مهما حااولت تكون حلوة واتضبط وتسوي مثل .. مااكون مرتاحه الا لما تكون معانا ..تضحك .. وماتخاف احد
يتمسخر عليها .. تاكل بالطريقه اللي تعجبها .. ولا تخاف احد ينقدها .. تصارخ .. و لا احد يقولها عيب .. واليوم .. هي مضطره تتغير .. وتكبر ..وتعيش في مجتمع
مختلف عن اللي تعودت عليه

ام كونان ( تدخل عليها الغرفه ) : شلونها عروستي الامورة ؟؟ ان شاء الله كويسه ؟
كونان : كويسه ياماما الحمدلله
ام كونان ( تجي تجلس جنبها على السرير ) : وش فيك يما ؟؟ تعبانه ... ليه وجهك اصفر ؟
كونان : شوي مكتومه يما .. قلقانه ياماما .. ماادري ؟ ... مو المفروض البنت تفرح في هاليومين .. ليش انا متضايقه
ام كونان ( اخذتها وحضنتها ) : ياحبيبتي .. لازم تتوترين وتتعبين .. هذا زواج مو لعبه .. حياتك بتتغير .. وعالمك وناسك بيتغيرون .. اكيد لازم تتوترين
كونان : اااااااااااااااااااااااااااااااااااه يما ... الله يلطف بحالي
ام كونان : امين ياحبيبتي .. يللا جهزي باقي اغراضك .. علشان تسافرين مع زوجك بكره ..

قامت كونان من على السرير .. وبدت تضبط اشغالها .. ويجيها مسج على الموبايل يقول : حبيبتي .. انا مااقدر امرك اليوم .. بكره راح نتقابل في المطار علشان نسافر
سوا .. احبك .. ابتسمت .. لازم ماتزعل .. هذا خطيبها ولازم تتعود عليه 24 ساعه مشغول

خلصت من الاغراض .. ولقت نفسها فاضيه ويومها طويل .. باقي 24 ساعه كامله وحبت تقضيها معانا - اصحابها - جلست تتصل على ساسوري .. مارد عليها
وتتصل على بين .. برضه مارد عليها .. وتتصل على ايتاشي .. مارد عليها هيدن وانا برضه ماردينا .. استغربت .. معقوله تعودو على عدم وجودها من الحين
وانهم يتصرفون على انها بالاصل ماكانات معاهم .. تذكرت .. توبي .. واتصلت عليه وكان الوحيد اللي رد عليها

كونان : مرحبا توبي
توبي : هلا فيك حياك
كونان : امممممممممممم .. اسفه .. شكلك مشغول
توبي : لا ماني مشغول ولاشي .. امرينيي .. تبغين شي
كونان : لا .. بس حبيت اجلس معاكم .. الشباب مايردون .. انت الوحيد اللي رديت علي
توبي : اعذريهم .. الدنيا مشاغل .. وكلهم لاهين بانفسهم
كونان : اممممممم .. بفقدكم .. بشتاق لكم حيل
توبي : ان شاء الله تكونين ه في الطريق اللي اخترتيه
كونان : وانا اتمنى لكم السعاده .. عاد .. ياليت لو اشوفكم بكره قبل لاامشي من المطار
توبي : يمكن انا مااقدر اجي .. سامحيني وراي شغل كثير
كونان :اها .. طيب .. اخليك الحين
توبي : كونان ؟
كونان: هلا !!!
توبي : انتبهي على نفسك اوكي ؟؟؟
كونان : ها ؟؟ اوكي يللا مع السلامه
توبي : مع السلامه

أخذت كونان بخاطرها على طريقه توبي بالكلام .. وكيف كان يكلمها وكانها انسانه غريبه .. ومافهمت انه مو قادر يتحمل حقيقه روحتها .. هو قال لها الكل مشغول
وبالحقيقه هو ماقدر يشغل نفسه عن فراقها .. لانه يحبها

ماعرفت كونان شتسوي ... طفشانه .. ومحتاره ..
وهي تدور في قائمه الاسماء بجوالها ... ولا بوس شاروما .. هههههههههههههههههههههههههههههههههههههههههههههههههه ههههههه
الله يقطع ابليسهم هالشباب .. كل شي بيتمسخرون عليه .. يللا خليني اتصل على البوس اسلم عليه .. صحيح انه كان شرير وقاسي معانا .. بس لزوم العيش والملح

كونان : مساء الخير بوس
بوس شاورما : هلا والله ببنتي اللي بتروح وتخليني ... يرضيك تروحين وتخليني مع المجانين هذولي ؟؟؟
كونان : وش نسوي هههههههههههههههههههه .. والله مو هاين علي فراقكم
بوس شاورما : يللا ماعليه .. ابيك تجيني ضروري .. عندي لك مهمه اخيره ... ممكن تجين تسوينها .. ؟
كونان : انا متحمسه مره اسويها ... امرني بس
بوس شاروما : يلللا تعالي البيت .. وانا بقولك وشهي

وتاخذ كونان سيارتها .. وتطير لين البوس .. زي ايام زمان .. بس عمرها ماحست بطعم وقيمه الشغل اللي دايم تتمنى تتخلص منه .. الا يوم اجبرت انها تخليه
توصل وتدخل على مكتب البوس ... المكان ظلمه .. تفتح النور ولا .....

كلنا : مفاجئـــــــــــــــــــــــــــــــــــــــــــــ ـــــــــــــــــــــــه
طاوله كبيره .. انواع الاكل .. والدي جي شغال . الاكاتسوكي وبوس شاورما ومرته .. ونانا المزعجه .. تسونادي وجيرايا .. يعني بالعربي .. مسوين حفله بسيطه
كونان ( مصدومه ) : وش .. وش هذا
انا : ها وش رايك ؟؟
ساسوري : مو الاخ زوجك مايبينا .. بس مو على كيفه لازم نحتفل فيك
باين : صدق انها حفله مش ولا بد .. اعتبريها هديه منا
ايتاشي : حرام عليك وشو مش ولابد ؟؟ طول اليوم وانا اطبخ واحط واعجن
اوروتشمارو : الحين اللي يسمعكم يقول انتو اللي دافعين .. خسروني فلوس الله يقلهم .. بس ماعليه من رواتبكم
هيدين : ترى مفروض تشكريني ياكونان .. انا تنشطت ولاول مره ماانام الا كم ساعه .. علشان اعلق الزينه
انا : خلاص خلاص ذليتو البنت .. مايسوى عليها هالحفله .. يللا خلونا ننبسط وتسير هذي احلى ذكرى لنا واحنا مجتمعين
باين : والله بنفتك من كونان .. مابيسير احد ياخذ جوالي وبدق على راحتي ههههههههههههههههههههههههههههههه
كونان ( استندت على الباب وقامت تبكي ) : حرام عليكم ... والله هالشي كثير علي والله كثير ... انا بسهوله قدرت اتخلى عنكم .. وانتم مع كذا مازعلتو ولا عاتبتوني
انا ماادري وش اقول
انا : يالله عليك ... يعني معقوله بنزعل علشان سعادتك .. احنا اخوانك .. واذا في شي راح يسعدك لازم يسعدنا بعد
ساسوري : شوفي احنا مابنزعل عليك لسبب واحد بس ... اقنعي البوس مايخصم من رواتبنا
الكل : هههههههههههههههههههههههههههههههههههههههههههههههههه هه

وقضينا ليله مجنونه .. رقصنا وانبسطنا واحتفلنا ... كثر ماللحظات هذي حلوة ... كان الكل من جوا عارف ان بعد هذا الجو .. راح ينقص منا واحد ... ونسير 6
بس ماعليه .. الحياه كذا تستمر

رجعت كونان للبيت متاخره .. طبعا ووعدناها نكون في المطار علشان نودعها بكره .. وجا بكره الصبح ... لبست كونان ملابسها وتجهزت علشان تروح بكره
جلست وصلت المطار واحنا كنا بنتظارها .. فطرنا سوا وودعتنا وراحت تستنى بمقاعد المسافرين .. وجا خطيبها جلست جنبه .. جالس يقرى جريده .. ويطالع الساعه
وهي جالسه جنبه .. وتحس روحها جالسه تطلع شوي شوي .. احنا ماطلعنا من الكافتيريا .. جلسنا ناكل .. وكونان تطالعنا من بعيد

جاك : يللا كونان حبيبتي جاهزه .... هذا الندا الاول للطياره
كونان ( وقفت على رجولها ) : ........................................
جاك (وقف جنبه يدور جيوبه ويتاكد من اغراضه ) : اووف ورانا طريق طوويل
كونان : لا
جاك : ؟؟ خير حبيبتي قلتي شي ؟؟

كونان ( بدت تبكي بحرقه ) : اسفه .. مااقدر .. مااقدر ابعد عن هنا .. سامحني .. هالزواج هذا غلط .. وبتكون غلطه عمري لو رحت معاك .. مو لانك ماتناسبني
لا .. لاني بطلع من وسط اهلي والناس اللي يحبوني ... وانت رجال تقدر تلقى بدالي 1000 احسن مني ... اما انا .. سامحني لاني اخذت من وقتك .. انا مكاني هنا
مكاني هنا بينهم .. ( وتاشر علينا من بعيد وصوتها مو قاعد يطلع من البكي) .. شفت هذولا .. الفاشلين .. الشحاتين ..قعدتي معاهم .. تسوى الدنيا كلها .. شوف شوف .
. شوف ساسوري الصايع ماخلى موظفه في الكافتيريا ماغازلها . دومه الا مجنون .. بس حبوب .. وشجاع .. وديدارا ..
مايخلي احد من لسانه .. دايم يتلفسف ويتذمر .. بس هو اكثر من فرح لي .. وهيدين النذل شوفه .. جالس ياكل من صحن بين هههههههه .. وبين كالعاده يلعب بجواله
وايتاشي .. ايتاشي يتهاوش مع راعي الكافتيريا .. مايعجبه شي كالعاده ... شفت هالمجموعه هذي ؟؟ ...تسوى عندي فلوسك وملايينك كلها .. ولو تعطيني ضعفها
ماقبلت اتخلى عنهم .. سامحني لو بقولك .. هالزواج ماراح يتم

جاك ( عصب واحمرت عيونه ) : لا والله ؟؟ الشرهه والغلط مو عليك ؟ .. علي انا اللي ابي اعزك واسويك سيده مجتمع ؟ اصلا مو على كيفك ؟ وش تبغين الناس
ورجال الاعمال يقولون عني ؟ وحده نص كم مثلك ترفضني ؟
ويجي واحد من بعيد ويعطيك جاك بقس على وجهه
كونان : توبي ؟؟؟
توبي ( يمسك الرجال من رقبته ) : تدري .. انا الغلطان اللي سكت على الموضوع .. وما منعتها ترتبط بانسان زيك .. يفكر بنات الناس مثل الاثاث اللي يزين حياته
جاك : ابعد عني ... انت مفكر نفسك مين ؟ .... مانت عارف من انا ؟؟
ساسوري ( جايي من بعيد ) : انت طز يابو فلوس انت .. انا من زمان محتر عليك .. بس بما انك غلطت .. ياويلك مني
باين : الحين هذا جزانا مسلمينك اختنا ؟؟ صدق انك مو وجه نعم
انا : الله الغني عنك وعن اشكالك .. محنا بحاجه فلوسك ولا كونان بحاجتها .. توكل على الله قبل لايجيك شي ماشفته
هيدين : لا ياحبايبي لا ... ماهو رايح اي مكان .. خلينا نوريه الشحاتين وش ممكن يسووون
وطحنا فيه ضرب وهو يصارخ لين جا ايتاشي
ايتاشي : لا ياشباب عيب عليكم لا عيب ... عطوني اياه ( ويروح يحطه برميل الزباله ) ههههههههههههههههه كذا ارحم له ... مو طبقه راقيه وهالمكان لايق له
كونان ( ابتسامه الفرحه ) : ..................................
توبي (يمسك يدها ) : نرجع لشغلنا ؟؟؟
كونان ( مسكت ايده ) : يللا
ساسوري : يالله ياشباب .. والله بوس شاورما ليسوينا كباب ... يسلم علينا ويقول تعالو وراكم اشغال ولا بياخذ فلوسنا
انا ( نطالع كونان ) : لا تنسى انه قال لاتجوني الا وانتم 7 << عددنا
كونان ( تنط من الحماس ) : الحياه اجمل .... مع الفشالين
وبصرخه وحده ... يللااااااااااااااااااااااااااااااااااااااااااااااا ااا

الحياه اجمل دوم .. مع من نحب
*************************
نلتقى الحلقه في الحلقه القادمه باذن الله

akatsuki boy