وانا قاعد .. افكر .. شارد الذهن سرحانون في خيالي << سرحانون ها ؟ تكلم عدل قبل لا يجيك كف .. المهم انا اقول .. يعني مر وقت على هالبنت
المصروعه - ستوو - ويانا .. وانا من غير مقدمات .. عاجبتني حيل .. وودي اصارحها .. بس والله تعرفوني .. اموت لو يطلع من لساني كلمه حلوه
والبنت اصلا ماتساعد .. لانها والله ارجل مننا .. صوتها يخرع .. ودفشه حيل .. بس << احم احم ... المهم .. يعني انا وياها جالسين نكابر ونحوس
قلت انا بسبقها .. وبقولها على اللي في خاطري
كونان ( جت جلست جنبي ) : ياصاحبي وش فيك ساكت لحالك ^^
انا : زييييييييييييين جيتي والله جابك . تعالي بقولك شي
كونان : خير وش عندك ^^
انا : كوكو .. قولي .. كيف اقول لوحده احبها اني احبها
كونان : ههههههههههههههههههههههههههههههههههه والله وكبرت ياديدي ..على العموم سهله روح لستيفاني وقولها انك تحبها بكل بساطه
انا ( تخصرت ) : بكل بساطه .. ؟ وانتي وش دراك انها ستيفاني
كونان : يابابا واضح مثل عين الشمس كل الدنيا درت .. ^^
انا : من جدك 0_0 <<
كونان : ايييييييييييييييييييه امس حتى كونوهامارو يوم شفته يقول لي هذي ستيفاني الله سلطها على ديدارا الحمار احسن علشانه ظلمنا << اثرنا
فضيحه
ستيفاني ( تدخل علينا وهي تكح ) : كح كح .. شتسون هنا ياكونان انتي وهاللي معاك
انا : انا لي اسم ياحماره انتي
ستيفاني : الله والاسم الحين .. نطقه يعور الحلق .. كح كح .. يللا بخليكم واروح البلكونه
انا : اي بالله علشان الاوكسجين هنا
ستيفاني ( ترميني بعلبه الكلينكس اللي عند الباب ) : مالت عليك .. كح كح
كونان : وتعايب على البنت بعد ؟؟ شوف اسلوبك .؟؟ هذا اسلوب هذا ؟
انا : والله كذا مريح ^^ واحنا مستانسين منه .. بعدين هي بقره .. تتغدى فيني قبل لا اتعشى فيها
كونان : خليك جاد لو مره بحياتك .. اسمع .. روح لها الحين وكلمها بهدوء
انا: لا الحين اخاف 0_0
كونان : طيعيني دق الحديد وهو حار وروح لها بعد اليوم شكلها هاديه
ايتاشي : انا انا عندي لك حل جميل ^^
انا : اتحفنا فيه
ايتاشي ( يتربع ) : روح اوقف تحت قبل البلكونه .. واجلس غني زي مايسوي روميو لجوليت وقول ... هل ترون الحب سكارى مثلنا
كونان ( ماتت ضحك ) : ينصر دينك ياايتاشي ههههههههههههههههههههههههههههههههههه
انا : والله ماالسكران الا انت .. اطلع اشوف منها
ساسوري ( دخل علينا ) : انا اسمع طاري السكارى ؟؟ وش ساير ^^
انا : ياسلام سمعت طاريك وجيت تركض ..
كونان : يبي الاخ يقول لستو انه يحبها .. بس مو عارف شلون
ساسوري : رقمها .. ^^
انا : هي عندها رقمي عندها -__-
كونان : اسمع كلامي وروح قولها
توبي ( ينضم للجلسه ) : اسمع مني .. سوي زي مايقول ايتاشي .. بس لاتغني لا يجيها صمم باذنها .. احنا بنشيلك على كتافنا ..ايتاشي وانا فوقه
وساسوري وانت فوقه .. وقدم لها ورده
ايتاشي : لا والله ؟؟ ليش انا اللي تحت ؟؟ -_- تعال انت تحت
ساسوري : لا فكره خايسه اخاف يجيني شد عضلي
انا : ياناس انا اتكلم جد -_- ( واطالع هيدن اللي نايم هناك ) والخرتيت النايم هناك مايعطينا رايه ؟؟
هيدين ( يرد علي وانا نايم ) : انا اصحى بكره واقولها
انا : نوم الظالم عباده .. خليك نايم بس
ساسوري : يللا ياجماعه بروح البيت انا تبون شي
ايتاشي : فكره باللي قلته لك ^^ .. وخليك جدع .. ام كلثوم هذي مفروض يسير اسمها ام ايتاشي
انا : -_-
كونان : ها ياديدي مانت رايح البيت ؟؟
انا : وين اروح وبين ماخذ سيارتي .. بنتظر لين يجي واوصل ستيفاني البيت
كونان : بتكون هذي فرصه بعد انك تكلمها يللا مع السلامه ^^
ومشو وخلوني ... انا جوا الصاله .. وستيفاني في البلكونه .. مستغرب من هدوءها .. واسمعها تكح بشكل مستمر انا رحت اشوف
انا ( فتحت الباب ) : وش فيها تكحكح اليوم .. بردتي ^^ ؟( وانتبه لبخاخ ازرق بيدها )
ستيفاني : ككح كح .. هلا والله ... خلصتو اجتماعكم السري ..
انا : ياسخيفه .. اثرك قاعده هنا مسويه عزه نفس .. كان جلستي ويانا
ستيفاني : ههههههههههههه مالقيت الا انا .. لو بغيت نطيت عليكم وجلست كح كح
انا : ايه هذي ستوو اللي اعرفها .. بس على فكره .. ليش تاخذين بخاخ
ستيفاني ( ابتسمت ) : انا فيني ربو
انا : سلامتك يااختي ماتشوفين شر .. هذا والله من كثر الصراخ ^^
ستيفاني : ههههههههههههههه انتو ترفعون الضغط بعد شسوي ^^
انا : انتي بخير ؟؟
ستيفاني : لاتحاتيني انا بخير .......
انا : شكلك زعلانه ؟؟ وش اللي مضايقك ؟ فيه شي مزعجك غيري
ستيفاني : لا والله مافي .. انت لو توخر عني انا بخير ^^
انا : هههههههههههههههههههههههههه ملسونه
ستيفاني : امي جننتني .. فاشله وفاشله .. ادري انها شايله همي .. لاننا احنا حريم بالدنيا مالنا احد .. وتبيني ائمن نفسي والقى شغل زي الناس
انا : عادي ياماما .. كلنا عندنا نفس النماذج .. لا امي .. ولا ام زغلول اللي هي ام اتوشا .. كلهم مقهورين مننا ومايسمونا الا الفاشلين
ستيفاني : الظاهر انكم عديتوني كح كح كح هههههههههههههه يللا ياديدي انا ماشيه
انا : وين تروحين ؟؟ انا بوصلك ؟
ستيفاني : امي بتجي تاخذني .. هي قريبه .. لو تشتري لي سيارة وتريحني
انا: اووووه .. خلاص براحتك ^^ .. انتبهي على نفسك
ستيفاني : مو شغلك ^^ .. يللا مع السلامه
وراحت ستوو .. وظليت انتظر هاللي مايتمسى بين الخايس اللي مايستحي لطعني .. بس انه عطاني فكره
بين ( داخل بابتسامته الغبيه ولابس لي احمر ) : اهلا ديدي
انا : لاهلا ولامرحبا .. ليه تاخرت علي
بين : انا اسفون جدا ^^ ستوو حبيبتك ليه راحت ؟؟ مو انت توصلها
انا : لا جت امها خذتها .. بين .. قولي ؟؟ وشلون اقولها اني احبها .. رجاءا رجاءا .. من غير افكار متخلفه زي افكار ايتاشي وماادري وشو
بين ( حط ذراعه على كتفي ) : بسيطه .. ارسل لها مسج ^^ الحين .. وقولها كل اللي بخاطرك .. اذا هي تبغاك ..بتبادلك .. واذا ماتبيك ماراح ترد عليك
انا : 0_0 بين .. واخيرا قلت شي زين بالحياه .. والله انها فكرتون جميله
بين : افا عليك ^^ اجل ليش مخترعين الجوال انت وريها ولا توريها .. وان كان حبيبك عسل لاتلحسه كله
انا ( واطلع جوالي والغريب ان كان فيه رصيد يكفي لرساله من صفحتين ) : -_- مالت على حظي .. وان كان حبيبك ثور .. البس احمر _ اقصد انا الثور وبين اللي
لابس احمر
بين : خلاص اختصر كل اللي فيك بصفحتين وقول كل اللي بخاطرك .. يللا بالطريق اكتب لها ..
وفي السيارة
بين ( يسوق بسرعه ) ها ارسلت لها
انا ( اكتب وامسح ماني عارف شقول ) .. وانا شلون اكتب وانت تسوق السيارة كذا .. بشويش والله لو صدمت بموتك
بين : يللا علشان نوصل البيت وراي مباره
انا ( اصارخ ) : علشان مبارتك نموت حنا ؟ ( وكتبت اخيرا وارسلت المسج بس ) 0_0 لااااااااااااااااااااااااااااااااااا
بين : وش فيك ...
انا : الجوال طفى .. لا لا لا -_-
بين : انت ارسلت المسج
انا : ماادري والله .. الله يقطع العدو .. كتب يتم الارسال ... بس فصل علي .. ياربي ياربي وش هالوهقه
بين : خلاص يمكن مافيه بطاريه ..
انا : انا متاكد ان البطاريه فل ياعالم والله فل
بين ( وصل عند باب بيته ) والله ماادري عنك .. ييلا بنزل بيتي .. بكره قولي اذا اشتغل ولالا
انا : ان شاء الله يللا تصبح على خير
ورحت .. البيت .. ومن سوء الحظ ان الجوال من جد خرب وماعاد اشتغل .. يعني المسج ماوصل ..بس اللي سار .. ان المسج وصل الشبكه .. لكن ماارسل بالوقت نفسه
الصبح بالدوام
انا : -_-
بين : صباح الخير ياولد .. ها طمني
انا : مااشتغل الجوال .. ماتشوفني جاي اول واحد .. اخاف البوس يتصل واتبهذل
بين : ياابني ماعليك .. بنشوف لك دبره ترسل لها
انا : بس الكلام تبخر -_-
هيدين : وش عندهم ؟؟؟ ديدارا مايطيق بين ولا يحب يقعد وياه ؟ وش عندكم اليوم
بين : انت توك تصحى ؟؟ مسوي سبات شتوي
ستيفاني : صباح الخير ياقوم
انا : 0_0
ساسوري : اهلا وسهلا بالمزعجه .. ^^
ستيفاني : اهلا بالجني .. ديدي ؟؟ شلونك شخبارك
ايتاشي : الله اكبر .. احنا 7 هنا ماتسلمين الا على ديدي ^^ ؟
ستيفاني : انتم بخير مايحتاج اسئل عنكم .. ديدي شكله مانام من امس
بين : ياناس الشبكه سيئه اليوم .. خدمتي ببرشلونه
انا : -__- ستووو خليني بحالي
بوس شاورما : انتم ياحوش .. انا بقعد اجتماع بخصوص المهمه جايه ( ويناديه واحد من الموظفين ) دقيقه شوي وراجع لك
كونان : روحه بلا رده ان شاء الله ^^
ستيفاني : ان شاءالله يموت ونورث الشركه ( ويرن جوالها رنه مسج ) : نشوف من راسل لي مسج على هالصبح
انا : 0_0 اوبس
بين : شكل هذا مسجك
ستيفاني ظلت تقرى المسج .. وسكتت بشكل غريب .. و الكل يطالعها .. انا ارتفعت حرارتي .. المسج جاها متاخر .. بس ليش الحين ؟؟ وقدام هذولي .. سكرت الجوال
وابتسمت وطلعت من المكتب
ايتاشي: وش فيها هذي ليكون احد من اهلها مات ؟؟
كونان : ديدي .. انت مرسل لها شي ؟؟
ديدي : انا ؟ وشو ؟ ماسويت شي انا ؟؟
مرت ربع ساعه .. لا البوس جا .. ولا ستيفاني جات .. بلى بلى جت ..
ستيفاني ( كانها تمسح دموعها ) :ماعليش تاخرت
الكل يطالها : 0_0
ستيفاني : وش فيكم تطالعوني اول مره تشوفوني ولا ايش
انا ( مو قادر اشيل رجولي ) : -__-
ساسوري : اقول ستوو ( ويطالعني ويضحك ) خير عسى ماشر .. وش هالمسج اللي قلبك وخلاك مو على بعضك
ستيفاني ( ضحكت وقامت تطالعني ) :واحد .. جباااااااااااااااااااااان حيل ^^ ..قاعد يقولي ..
انا : -__- ولييييه
ستيفاني : ههههههههههههههههههه مو شغلكم السالفه بيني وبينه
ايتاشي : احنا ربعك .. اقري لنا المسج بالله ^^ << مااحب اللقافه
ستيفاني : ههههههههههههههههههههههههههههههههه ... ^^ لا يعني لا
هيدين : ياناس وش اللي اخر البوس
ستيفاني : انا عرفت بالصدفه وش عند البوس وعلى فكره هو خبر حلو .. اذا ماعرفتو .. بتعشوني ^^
انا ( من غير قصد ) : البوس بيسافر ؟؟
ستيفاني : 0_0 وش دراك ؟؟
انا : (زال التوتر ) ههههههههههههههههه خلاص مافي عشا
ستيفاني : حسافه ( وتسمع البوس يناديها ) اروح اشوف وش يبغى عن اذنكم
بين : مبرووك ^^
انا: اخيرا اشوى ههههههههههههههههههههه الحمدلله انها تعاملت مع الموضوع طيبي
ايتاشي : يعني انتو رسمي حبيبين الحين ^^ بس حسافه ماغنيت لها هل ترون الحب سكارى
كونان : يااااااااااااااااااااااي وناسه ديدي الغبي يطلع منه كذا .. الا على فكره .. وش ارسلت لها ؟؟
انا : صدقوني ولا شي ^^
كل اللي ارسلته لها كانت كلمه وحده .. احبك .. ومن غير اي لف ولا دوران .. قلت هالشي يكفي .. مايحتاج اكتب قصيده .. وبالذات لبنت مثلها .. لان اللي بيني وبينها
كبر من غير كلام .. ومايحتاج كلام كثير علشان يبين .. وبعد ماطلعت ستيفاني في المكتب ..ارسلت لي مسج .. ردت علي فيه
(( .. وانا بعد احبك ))
|