منتدى وندر لاند - عرض مشاركة واحدة

مشاهدة أوسمتي · 06-18-2022, 12:07 AM

@Assassin queen;

السلام عليكم ورحمه الله وبركاته
كيف الاحوال
يارب كل حاجه تكون تمام
ميمي مواضيعك خارقه كالعاده
طبعا عارفين جبر الخواطر واللي بيعمله
حاجه في منتهى السعاده لما حد يجبر بخاطرك حتى لو بكلمه
لما ببقى مهمومه أو عندي ضغط ومش قادره اكمل
بلاقي شخص فجاه ظهر من العدم وقالي كلمه تشجيعيه
عندي مديري في الشغل نفسه بيضغط عليا في الشغل وبعدها يقولي الله ينور
بس الكلمتين دول بيخلوني اعمل اكتر واكتر واقدم اكتر واحاول اثبت نفسي
او صديقاتي لما اكون متضايقه يقولولي فتره وهتعدي
او هنا في وندر في شخصيه دايما تدعمني معنوياً
من وقت م بقيت احس بفرق بمجرد كلمه بقيت احاول اعمل نفس الشئ مع اللي حواليا
بحاول ادعم كل الناس معنوياً
مجرد كلمه ذي انتي قدها أو استمري بتفرق بجد
وده بلاحظه كتير مؤخرا
الناس كلها بقت مضغوطه ومحتاجه حد بس يطبطب عليها ويقول كلمه تشجعهم
قرأت قبل كده عن الموقف ده اللي حصل مع الرسول صلى الله عليه وسلم وبجد اتعجبت من الموقف جدا
وذي م ذكرتي أن في أشخاص بيتأففوا من اقل حاجه وبيعاملوا الأشخاص بغلظه
وبيضغطوا زياده على البشر
صراحه الحياه مش مستحمله كل ده
يعني هما يومين والمفروض نعيشهم بسيره طيبه وحسنه بين الناس
على الاقل نلاقي دعوه حلوه
يعني مثلا لو لقينا شخص محتاج وطلب مساعده واحنا مش معانا مش لازم نتأفف أو نتعامل معاه بوحشيه
ممكن كلمه كويسه ذي الله يسهلك الحال أو ربنا يرزقك
موقفك في عيد ميلادك فكرني بموقف برضه حصل معايا نفس النوع
وقتها حضنت صديقتي وقولتلها شكرا انك افتكرتيني وحسيت قد ايه وقتها انها ه جدا
كمان لما ماما تشتريلي حاجه ومتعجبنيش انا حتى مش بعترض وباخدها وبلبسها في اليوم التالي
بلاقي فرحتها كبيره جدا جدا
موقفك مع البنات اللي في صفك فكرني بموقف حصل معايا من ايام قليله
بنت كانت موجوده في الصيدليه دكتوره وكنت بجيب حاجات
قالتلي انتي ايمان بنت عمو احمد صح؟ انتي فاكراني ؟ انا كنت باجي ألعب معاكي انتي واختك لما كنت صغيره افتكرتيني؟
قولتلها لا مش فاكره
للاسف حاولت افتكر بس مقدرتش
حسيتها زعلت ووقتها معرفتش اتصرف بسبب اني مش اجتماعيه
ومن وقتها وانا مش بدخل الصيدليه ومش قادره أواجه البنت صراحه
حاسه انها اكيد بقت محرجه وزعلانه
احيانا بشوف ناس في الشغل معرفهمش ومش فاكراهم بيسلموا عليا
وانا اسلم وابتسم واسال عن أحوالها وانا اصلا معرفهاش بس بخاف اجرح شعورها
-اجبرو خواطر الناس وانتو هتشوفو العجب والله..هتندهشو من جمال عوض ربنا ليكم
عندك حق والله في النقطه دي
طيب في موقف بيحصل معايا كل يوم
انا كل يوم الصبح بروح الشغل وبمشي شارع طويل عشان اركب الباص الخاص بالشركه
في واحده غلبانه بتبيع مناديل في الشارع
كل يوم الصبح وانا معديه تقولي صباح الخير يا ايمان ربنا يقويكي ويجبر بخاطرك ويراضيكي
احيانا بتدعي لبابا الله يرحمه وبتدعي لماما
انا بفتكر ادعي لبابا بسببها
يعني بالرغم من اللي هي فيه بس بتضحك وتهزر مع الناس والأطفال وتدعيلهم
وتناديهم بالاسم
الاطفال الصغيرين بتديهم بسكويت ومش بتاخد منهم فلوس بالرغم من حالتها الصعبه
حبيت موضوعك جدا بجد وحبيت اتكلم فيه جدا
اشوفك في موضوع جديد
في أمان الله