منتدى وندر لاند - عرض مشاركة واحدة

مشاهدة أوسمتي · 05-25-2020, 07:34 PM

حجز

السلام عليكم ورحمة الله وبركاته
كيفك ميم يا بندقة قلبي
كنت رايحة أنام بس والله لأجبر بخاطرك وأرد الأول < الواحد مش ضامن عمره
(جبر الخواطر )
دي من أحلى وأجمل الحاجات الي بحبها
احنا عايشين عشان نجبر بخاطر بعض والله
أولا قصتك عندي ليها قصة مشابههة وهي انه طبعا عارفة في الجامعة الدفعات الأصغر مننا دايما بتسئل على الجامعة ونظامها ويذاكروا ازاي وقبل الامتحانات وكدا
ف ف مرة بنت سئلتنا واحنا بنتمشى ف قعدنا سوا وفضلت أشرحلها وكدا والبنت ابتسمت ومشيت بعد اسبوع مثلا قابلتها تاني وكان معاها صاحبتها وقالتلها هي دي وسلمت عليا بحرارة وحقيقي كان شكلها بس من غبائي لما سئلتني * فاكراني * قلتلها لأ - مع ابتسامة لطيفة -
في هي فضلت توصف وأنا اه اه اه كلمتك فوق < مفتكرتش نوب < ذاكرتي احيانا بتفوت
هي : لأ كان في الجنينة تحت < يادي الكسوووف
المهم قلتلها المهم انه شفتك تاني وحضنتها وكدا وضحكنا ومشيت
بس بعد كدا أي بيسئلني فاكراني بقول اه من غير تفاصيل < مش كذب بس عشان محدش يزعل
بس في حاجات بقيت أعملها مؤخرا وهي لو سئلت حد على حاجة مثلا وحسيت مش عارف أو قال معلومة قديمة بالنسبالي بحسسه انه ااااااااه شكرا بجد وربنا يكرمك
في ناس بتقول اه عارف عارف ..
او لو صحبتي ورتني بوست يضحك أو فيديو أو كوميك بضحك تاني عادي ايه المشكلة
ايه فكرة أقولها شفته ..
أو لو حد كتب حاجة ف شات جماعي في لحظات انه كله بيسكت وبيبقى اخر كلام كلامك ف بيبقى الشكل وحش او انه الناس سحبت .. ممكن تحاول تكتب انت رد عليه عشان ميزعلش
أو احيانا لو في سهرة وعضو هادي حبه أو ميعرفش حد ممكن تحاول تدخله معاكوا في الكلام , افضل اتكلم معاه مش عيب
في ناس بتزعل لو عملت لايك ف أربع مشاركات في المنتدي مثلا وسايب حد لأ
يا عم حطيت ل 2 حط للباقي مش هتخسر حاجة
لو حد زعلان نحاوله نحطل تقييم حلو رسالة ملف أو ملاحظة حتى لو كلمتين
في حاجات والله الواحد بيبقى فيه زعل الدنيا بس من تقييم بيبقى فرحان ومش عايز حاجة من الدنيا خلاص
- مثلا أنا ممكن أستحمل أي حاجة الا انك تكسر بخاطري
انك في عز ما عارف انه أنا زعلانة ومظغوطة ومتقدرش دا
يا سيدي متكلمنيش بس بلاش تزود الحمل عليا
عارفة انه كلنا بنبقى مضغوطين بس نحاول نخفف على بعض قد الامكان احنا مش ملايكة أنا عارفة بس نحاول < أوفر أوي صح ؟ xDD
أكتر ناس بحبها في الكوكب هي الناس السهلة لا بيعاتب ولا بيقول مش بتسئل ولا حاجة < هما مش غلط
ولكن فكرة انه لو كلمته مرة ورفض خلاص بدل ماأكلم حد وأقوله مبتسألش أسأل أنا وأسلم وأفرحه مش لازم عتاب يمكن هو مش مستحمل
- كمان أنا بحس انه زي (ما كتبتي )كل ما تجبر بخاطر الناس ربنا هيجبر بخاطرك
وحصلت معايا الحمدلله يمكن مواقف بسيطة بس حقيقي فرقت كتير
بس مش بقول اننا مش بنغلط بس نعدي لبعض الدنيا مش مستاهلة أبدا
- هل جبر الخواطر شفقه؟!
بالعكس
جبر الخاطر دي حاجة عظيمة وشفقه دي يعني لطبقة أو حالة معينة انما احنا كلنا نتمنى حد يجبر بخاطرنا ويا بخته الي يجبر بخاطر الناس
هل ربنا قبل كدا أجبر بخاطركم؟ احكولنا.
اه الحمدلله كتير
حاجات كتير متتحكيش حتى ولو بسيطة احنا راضيين
الحياه برئيك هتكون ازاي لو مشينا وطبقنا جبر الخواطر في حياتنا؟!
جنة ! .
المفروض كنت هكتب كلام كتير بس مش عارفة
المهم أحلى دعوتين هما ربنا يكرمك ويسعدك ويجبر بخاطرك
وبس كدا أعتقد خلصت كلامي مش متأكدة بس أنا تمام :ض1:
ميم موضوعك جميل مثلك
وجميلة انك قسمتيه عشان لو كان الموضوع عن أي حاجة تانة غير جبر الخاطر وكله مع بعضه مكنتش هوبت نحيته < أسلوبك جميل في الطرح
والتصميم والتنسيق حلوين جدا
وربنا يجبر بخاطرك ويسعدك يا عم < مين قلب ناااو
كح التشكيل والياء مكان الكسر وكدا عديها عشان الموب بعيد وكدا
جاري كل مل هو جميل مثلك
سلام