منتدى وندر لاند - عرض مشاركة واحدة - السَرندِيبية

مشاهدة أوسمتي · 04-19-2020, 01:03 PM

السلام عليكم ورحمة الله وبركاته
كيف حالك هبة؟ إن شاءالله بخير
تحَمست للموضوع من يوم كلمتيني عنه لأن واضح إنه مثير للإهتمام خصوصًا بإسمَه الجديد عليّ
مع أني كنت أعرف إن فيه عدّة إكتشافات تم إكتشافها بالصُدفة، بس ماعرِفت إن لها مُصطلح خاص
قبل كل شيء، أهنيّك على المُقدمة والتنسيّق! جدًا تنسقيك رهيّب شجعني اقرأ الموضوع أكثر
المُصطلح جديّد ومُثير، حبيّت كيف أقتبسه هوراس من فكرة قصة خياليّة
نجيّ لفليمنغ، كيف كان حلمَه يصير جرّاح بس مال لِعلم الجراثيم وحصل على جائزة نوبِل في الطب
سيرته فيهَا تحفيّز و رسالة لي بما إني في نفس مكانه حاليًا
أكثر الإكتشافات الجديدَة و الإقتراحات بشكل عام يتم رفضهَا في البداية، مثل حَل فليمنغ
بس ضحكني لما سوا مزرعة من إفرازاته الأنفية هذا عالم الجراثيم إذا مرِض !
بس سبحان الله هذا كله عشان يقوده لصُنع البنسلين، اللي أثبّت فوائده في كثيّر من الحالات
بالنسبة لبدَائل السكر، الكيمياء لاحقتني بكل مكان! شاردة من اسايمنت الكيمياء حق الجامعة
عشان القاه هنا xD بس ماخاف يكون المادة اللي ذاقها حارقة ولا مُميتة ولا شيء
صح إنه كان بدون قصَد، بس يخوف 3: بس حظه حلو فوق إنها مادة حِلوة أكتشف شيء جديد
رُغم إني ما أعرف النجوم النابضة ولا عندي إهتمام لهالنوع من الأشياء، بس على حَسب ماكتبتي
إن لها فايدة كبيرة، خصوصًا إنها تساعد في البحث عن كواكب خارج المجموعة الشمسيّة
عشان نلقى كوكب نعيش فيه بما إن الأرض حاليًا في حَبس جماعي
*تعصِب* ليه استبعدو جوسلين وهي اللي تعبت ترصد و تحلل؟ أكيد عنصرية ذكورية كالمُعتاد
بس ماشاءالله عليها حياتها حافلة بالإنجازات واضح إنها ذكية وتحب شغلهَا جدًا
-تضحك- تذكرت يوم كتبت التيفلون تليفون كنت أحسبِك غلطتي و يعنني بصلح لك
هذا اللي أخترع التيفلون أمي تدعي له دايم ، ماتدري إنهم أستخدموه في القنابل أولاً
أما التصوير الفوتوغرافي، اللي اشوفه طبعًا شيء مهم جدًا، ماكنت أدري إنه أُخترع صُدفة
يعني بس أفكر إن مافي شيء إسمه تصوير فوتوغرافي يجيني error على طول
حبيت الصورة الأولى إللي ألتقطها، يكفي إنها لِباريس وكمان كاتدرائية نوتردام cute8
بالنسبة لزجاج الأمان، دوبي أدري إنهم يقدرو يصنعو الزجاج من الرمِل أحس غريّب
بس إختراع زجاج الأمان جدًا مُفيد، فعلاً أنقذ البشرية من الحوادث و الإصابات
ومو غير حقون الأكشن أكثر ناس يحتاجونه .
صح إن الأفكار ذاتها حدثت عن طريق الصدفة تمامًا، لكنها حدثت لعلماء اللي بدورهم
أدو دور كبير ومُهم في المُلاحظة والتحليلات، تتوقعي قديّش حدثت صُدف لناس عاديين
كان من الممكن ينتج عنها إختراعات عظيمة ومُهمة لكن بسبَب عدم ملاحظتهم أو بسبب
عدم خبرتهم تجاهلوها تمامًا. بدأت أشك في نفسي أنا
الموضوع بيخليني أنتبه لكل شيء يصيّر عشان يمكن فجأة أصير عالمة وأربح شيء جائزة
صدقيني أستمتعت كثير بالرحلة المُمتعَة هذي، صرت أدعي ربي يعطيني شوي من فطنتهم
واضح تعبِك على الموضوع و بالفعل أدى ثِماره لأنه خرج بهيئة جدًا رائعة وخلاّبة
ربي يرزقك الفُل مارك في جميع إختباراتك هبَة وتتفوقي فيها مثل ماتفوقتي بهالموضوع
تستاهلي الألمَاسي، يعطيكِ العافية يارب.
تم التقييم واللايك. في أمان الله