منتدى وندر لاند - عرض مشاركة واحدة

مشاهدة أوسمتي · 07-31-2022, 09:09 PM

@ROSE;

السلام عليكم ورحمة الله وبركاته
اهلا وسهلا يا سراب <<<ناديتك بأسمك القديم لأنه بصراحه اسمك الجديد ملخبط
نورتي القسم بطلتك الرهيبه
كيف الحال؟ ان شاء الله تمام
انا شفت موضوعك اكثر من يوم ولكن نوعا ما تعاجزت اني ارد
لكن قلت لي خلني اكسر الكسل لأنه ماله داعي تعبك يروح عالفاضي
اولا التصميم حلو اعجبني حيل واختيارك للطقم والتنسيق جيد
ما علينا ...
****************
بالأوقات الاخيرة انا كنت أبحث عن اغرب المتلازمات والامراض النفسية النادرة
علشين انزل بقسم العلم النفسي..فهذا من الاسباب اللي الموضوع جذب انتباهي
قلت يا رب سراب ما جابت بي العيد ونزلت مواضيع انا ناوي عليه
لكن الحمد لله مو كل المتلازمات اللي لقيته موجوده هنا وبعضه اول مره اسمع به.

متلازمة boanthropy

اتذكر شفت مقطع باليوتيوب يتكلم عن عائلة غريب كانت موجوده بالسيرك
وهم العياذ بالله مشوهين,ولد له اصبعين,وبنت تمشي كأنه حيوان,
واذكر انه قال انه مريضه او شي زي كذا بس ما اذكر اذا قال اسم المتلازمه
هذا اللي جاء على بالي لما قريته,والله حاله عجيبه ومرعبه
يعني يا ترى هل هو الشخص اللي يعاني منه يحاول جذب انتباه الناس بأنه يتصرف مثلهم؟
او هو ما عنده القدرة على التحكم بنفسه بسبب أرتجاج بالمخ او شي زي كذا.؟
اما ملك الامبراطورية البابلية به الحاله؟ بصراحه احراج
طيب كيف اصاب؟ووين الناس عنه ليه ما جابو له علاج او حل لعلته؟ الله المستعان.
الله اعلم وشو سبب الحاله بس مثل ما قلت انا اعتقد انه ارتجاج بالمخ
لانه مثل ما تعرفون العقل هو اللي يتحكم بتفكيرك وجسمك
فنوعا ما كأنه مرض انفصام الشخصي ومثل ما ذكرت هنا بالموضوع بعضهم اللي عندهم هالحاله
يعانو منه.
طبعا مثل ما توقعت علاجه يكون مضادات وأدوية الاكتئاب والقلق بس ما اظن انه بيساعد على تخلص منه بس بيهديه مؤقتا
فالله يبعد البلاء والشر عننا .

متلازمة الكذب القهري.

عندنا ناس واجد مع الاسف يعانون من هالحاله,الكذب يجري بعروقهم
سواءا انه يألفون قصص من عندهم او يعملو مصيبه ويكذبون وينكرون
او يبالغون حيل بكلامهم,انا عن نفسي ما اكذب الا اذا كنت مضطر
وطبعا لسبب جيد اكذب مو من باب الخباثه والنذاله.
وهو مع الاسف ماله علاج لانه تكون المشكلة بشخصيته والشخصية ما تتغير.

وبس هذا اللي عندي وكنت ودي اتكلم عن المتلازمات الاخرى بس قلت ماله داعي اطول بكلامي

يعطيك ألف عافهي اقاين يا سراب

واتمنى اشوفك بمواضيع ثانية

وشكرا...