منتدى وندر لاند - عرض مشاركة واحدة

01-19-2023, 04:40 PM

-

اههه أخيرًااااااا عدت!
< كنت ناسية الباسوورد ولما اعمل استعادة ما يوصلني شيء عالايميل ):
إنهرت جدًا صدق! حسيت إني مرة محتاجة أدخل أدون بس مو قادرة
وأخيرًا الإدارة رسلت لي الباس عالايميل اليوم الحمد لله

~

المهم.. كنت جاية أدوّن عن أمر معين، بس لما شفت آخر تدوينة لي.. اشتهيت أكتب عن أمر آخر
< ولربما بكتب عن الأمرين لأن ليش لا ؟ xD

شعور غريب لما تقرأ تدوينات لأيام مضت وانتهت
عن مشاعرك وقتها وكيف صارت الآن ؟ عظيم ! الحمد لله
يعني قد ايييييش كنت متضايقة وشايلة هم وتعبانة و و و ؟ وكل هذا زال الآن بفضل الله
تأملك لأن الحياة تتبدل، التعب ما يطول، وبعد كل ظلام فيه نور
وقبل كل شيء : لطف الله لن يغييييب عنك أبدًا .

بالنسبة لنتائج الترم الماضي، بصراحة غير مرضية أبدًا
بس الخطأ مني ، يعني فعلًا ألوم نفسي جدًا جدًا كنت مقصرة بدراستي ):
لكنّي حاولت اجتهد بس ما قدرت، يمكن جاتني حالة فقدان شغف ؟

أو أظنها حالة تصيب الطالب إذا قرب يتخرج.. يحس انه يوووه ذاكر سنوات طويلة وصار لازم يرتاح xD
معدلي كان 3.58 من 4 !! المواساة الوحيدة= إنه ممتاز
بس القهر إن معدلي التراكمي نقص ): وأنا والله تعبت عليه وعلى إنه يرتفع !!

ما أدري استمر ألوم نفسي ولا ايش ؟
أتذكر اني تعبت بس ما اشوف ان هالتعب كان كافي (:
وبنفس الوقت كنا مسافرين بآخر يوم اختبارات ! وكل أهلي مخلصين دوام بأسبوع اختباراتي
الكل يلهو ويمرح هذاك الأسبوع ويجهز الشنط ويرتب أمور السفرة وأنا بس اذاكر
ذاكرت بظروف صعبة، لأن كان مطلوب مني كثير شغلات قبل السفر < شغلات بعيد عن الجامعة
لدرجة وصلت لشعور اني غضبانة من أهلي ! ليش يقررون نسافر ! وهالسفرة كل أثارها سلبية علي !!
< بدل ما افرح واحتفل لأنو مهتمين يسعدوني خخخخ الله يهديني
بس كان ضغط نفسي وجسدي رهيييييب ، مستوعبين كيف يعني خرجت من الجامعة عالمطار ؟
وأنا مواصلة أصلًا .

بس نرجع نعيد ونقول الحمد لله، الله يجعلنا من خير وإلى خير يا رب ..

<< بس رغم تقصيري والمعدل الغير مرضي هذا.. كان فيه مادة أستحق فيها درجة أقل خخ
لكن لقيت درجتي أعلى! آه كم أحسن لي ربي ورحمني ولطف بي ، الحمد لله
كنت أستحق B ولقيتني B+ يا الله كيف انبسطت !

وفيه مادة كنت جايبة 89 .. يعني لو زدت درجة بس كان صرت A
والمادة ساعاتها أعلى شيء ): كانت بتفرق بمعدلي جدًاااااااااا
زعلت من الدكتورة شوي، صح إنه هذي هي الدرجة اللي استحقها وهذي نتيجتي يعني
وهي أبد مب مجبرة أو ملزومة ترفع أحد أي درجة . .
لكن برضو نبقى بشر (: الرحمة والعطف زينة ، لما الطالب يبقى له درجة وحدة تغير معدله وتفرق معه جدًا.. ليه ما تنضاف ؟
لكن اتز اوكيه، أحترمها جدًا وأحترم سياستها بالتعليم ~

ودي أكمل اكتب عن الشيء اللي كنت جاية اكتب عنه من الأساس
بس راح كثير وقت وأنا اكتب ولسا ورايا مذاكرة قد الدنيا وأعمال كثيرة !

سو.. بروح اذاكر وبأقرب بريك بكافئ نفسي بالكتابة هنا

شكرًا للناس الي تقرأني

~

لا إله إلا الله وحده لا شريك له،
له الملك وله الحمد وهو على كل شيء قدير

~