منتدى وندر لاند - عرض مشاركة واحدة - ذهبي

08-06-2022, 01:12 PM

@Y a g i m a; 🥲💔

السلام عليكم
كيف الحال يا فتاه؟!
اخيرا عوده الي واحد من أقسامي المفضله
سيبك من الأفلام والروايات هحكي لك قصه أحداثها حقيقية تماما
رغم انها حصلت من اكتر من 13 سنه بس للآن سايبه فيا أثر
لان حضرت أحداثها تقريباً لايف.
مستعده؟!
يلا بينا.
في مره من حوالي 13 سنه كنا في زياره لبيت الجده - ام والدتي - وكنا أطفال صغيرين وقتها ، كنا نلعب في الشارع وفجاءه سمعنا أصوات صراخ و ناس بتجري في كل مكان ، وتجمهر رهيب في شارع جنب بيت جدي.
طلع في اخ ماسك اخته في قلب الشارع و الله أكبر بيقتلها .. يب زي ما قلت في قلب الشارع.
في البدايه الناس حاولت تحجز بس اخوه الثاني منعهم ومش كدا وبس وأم البنت كمان منعت الناس تحجز من بنتها ، الموضوع موضوع شرف كان والله أعلم.
المهم الولد كان بيضرب اخته بسيف كبير في كل جسمها و لف فيها الشارع لانه هي لآخر لحظه كانت بتحاول تهرب ولكن امر الله نفذ و سدد لها آخر ضربه و ساب جثتها لحوالي ساعتين وهو وأمه و اخواته حولها في الشارع، سمعت وقتها انه جاب كوبايه شاي و شربها جنب جثتها و بعد ما خلصها بلغ الشرطه.
المنظر كان رهيب فعلآ لسه فاكره الشرطه و هي خدته بس اللي عرفته انه ظابط الشرطه يومها عامله معامله محترمه لما عرف حقيقيه الموضوع.
كل دا ملناش دعوه فيه.. نخش على المهم.

المهم انه لمده شهور كل اهل الشارع و الشوارع المجاوره عاشو قصص رعب حرفياً، ناس كتيره شافت البنت اكتر من مره في الشارع و هي بتجري و بتصرخ، و مره تاني شافوها وهي على بيت أهلها واقفه.
وكان بيحصل حالات كتيره في انقطاع الكهرباء.
مش شخص أو اتنين شافوها كذا حد و منهم أطفال.

لحد ما اختفت لوحدها.. وسمعت جابو شيخ والله اعلم.
عندنا هنا معتقد رهيب بيقول ان الموضوع دا بيحصل لما حد يموت بطريقه صعبه و دمه مينشالش من علي الارض و يفضل لمده طويله بدون ما يتشال و دا حصل لان اخوها ساب دمها لفتره طويله فروحها تحولت لشبح.

بالنسبه لي و تحليلي للموضوع اني مصدقاه لأنها مش اول مره اسمع عن موضوع كدا، من زمان في منطقتنا حصل حريق في بيت راح ضحيته طفل عمره 10 أعوام، اتذكر مره عمتي أقسمت انه وهي راجعه بليل من نفس الشارع شافت عيل صغير ماشي وراها و كانت تكلمه ولا يرد بس ماشي وراها، و هي حست بخوف شويه و بعدين فجأه وقف و بصت عليه مره تانيه قالت إنه المره دي رجله الاتنين مكانوش موجودين وشافت حروق فيه مكانتش شيفاها الأول و طبعا اخدت نفسها و جريت لحد ما جات البيت، واحد من اهل المنطقه قال لها انهم اتعودو علي شوفته و خصوصاً بعد ما اهله سابو المنطقه.
َغيرها من القصص المنتسره على نفس المبدأ.
للأمانه انا جزء كبير مني مصدق الموضوع لأنه فعلاً
مش لمره او اتنين اسمع عنه.

خفتي؟
اكمل؟!
اوك متتعصبيش رايحه
باي