منتدى وندر لاند - عرض مشاركة واحدة

03-25-2020, 10:30 PM

احم احم أخيراً جيت لأكتب الوصفه
وصفه المكرونه بالبشاميل :
- كيس مكرونه قلم.
- 2 حبه بصل
- 4 حبات طماطم
- قرن فلفل حار.
- زيت او سمن.
- لحمه مفرومه او فراخ مقطعه.
الطريقه :
نسلق المكرونه و نصفيها ونتركها تبرد
نبشر البصل و بعد ما يدبل نحط اللحمه او الفراخ ، يتحمر البصل و اللحمه وبعدها نحط الملح والفلفل والبهارات اللي نحبها، بعد ما اللحمه والبصل ياخدو اللون الدهبي نعصر الطماطم و نحطها عليهم و نضيف معلقتين معجون طماطم.
نسيبهم يتسبكو تماماً ( معلومه : الصلصه بنعرفها انها اتسبكت او اتخدعت بإننا نلاقي الزيت بقي علي وش الصلصه دا معناها انها هتدينا تست حلو اوي في الطعم )

بعد ما جهزت الصلصه و المكرونه نجهز البشاميل وهو كالتالي :
- ملعقتين دقيق.
- كوب لبن " الحليب" + كوب ونص ماء. ( نستخدم نفس الكوب علشان نعاير به اللبن و الماء.
- ملعقه سمن او زبده.

في حله على النار نحط السمن او الزبد يسخن و نحط الدقيق و نقلب باستمرار علشان ما يتحرق و بعد ما ياخد لون نحط عليه الحليب شوي شوي مش مره وحده و احنا نصب الحليب نقلب بيدنا التانيه بالمضرب اليدوي علشان الدقيق ميكلكعش بعدها نزيد كوب الماء بنفس الطريقه نصب شوي شوي لحد ما ناخد قوام مناسب وبعدين نطفي النار.
ونحط رشه ملح وفلفل ( ممكن نحط جبن اي نوع في البشاميل هو وسخن علشان تسيح بتخلي الطعم حلو)

كدا جهزنا كل حاجه باقي نشغل الفرن و نخليها تسخن واحد ما تسخن نجيب صينيه مقياس صغير لو كيس واحد مكرونه لو اكتر نستخدم مقاس كبير نشوف الصينيه هتكفي او لا الكميه.
نجيب الصينيه و بفرشاه الزيت ندهنها كويس و نحط كم ملعقه من صوص البشاميل من تحت بعدين نحط نص كميه المكرونه ونساويها كويس كأننا ننفردها في الصينيه ونقطع قرن الفلفل من فوق الصلصه ، وبعدين نحط اللحمه بالصلصه عليها و نرجع نحط فوقها باقي الكميه بتاعت المكرونه ونساويها في كل الصينيه بعدين نصب البشاميل كله وندخلها الفرن بعد ما تستوي وتاخد لون ذهبي و نطلعها وبعد ما تبرد تمامآ نقطعها.
وبالف هنا
انا جعت