Y a g i m a

السلام عليكم ورحمة الله وبركاته،
شخبارج اجيما ؟ عساج طيبة؟

اينن الطقم، مع اني ماحب الوردي، بس طالع فتنة في الطقم.
حتى الصور اللي اخترتيهم

تايرا بانكس كنت أجوف برنامج على دبي وان. لما كنت بسادس.
وكنت أغبط المتواجدين في برنامجها، لانه بين الحين والآخر تعطيهم هدايا .

حابة أشارك جمن نصيحة cute8
قبل لا تفكرين تحطين أي نوع من أنواع المكياج لازم في شغلة ضرورية تعرفينها.
أحنا مانحتاج المكياج عشان نجمل نفسنا، مانحتاجه عشان نصير أحلى، المكياج فقط يبرز ملامحنا.
بما معنى. يالكيكة . انتي جميلة وحلوة بكل حالاتج، ولاتسمحين حق أي أحد يقولج غير جذي!
أعيد المكياج يبرز ملامحنا. في النهاية الناس أذواق، فاللي يتفسلف
ويقول انج "بتصير أحلى لو سويتي جذي جذي" أو "ملامحج عادية في منج الأحلى" هذول تخلصي منهم بسرعة."
ماتحتاجينهم في حياتج. للأسف أنه زمنّا الحديث، يركز على شي واحد هالفكرة.
البنات أحلى بالمكياج. وكل ماحطيتي مكياج كل ماصرتي أحلى! ماعرف شهالتخلف.

نروح لثاني نقطة:
لازم تعرفين شنو نوع بشرتج "جافة، مختلطة، دهنية، عادية"
احتمال تخربينها زيادة بالشغلات اللي تستعملينها، جذي أبدا مابتستفيدين.
في وايد طرق تخليج تعرفين شنو بشرتج. منها:
تغسلين ويهج بأي غسول ترتاحين له. لما تنشفينه نطري ساعة.
بعدها طبطبي منديل عليه.
وجوفي هنا: *المنطقة الزرقاء هي الدهن* وبناءًا عليه تعرفين بشرتج.

أنا شخصيا جربتها أكثر من مرة هالطريقة ومانفعتني . يمكن سويت شي غلط أو مانتبهت عدل.
فلجأت لأحد العاملات في الصيدلية، وتمت تسأل واستفسرت من عندها لما عرفت نوع بشرتي.
فحزات تحتاجين تسألين شخص عنده متخصص بهالأمور، وكل ماكان من تخصص هالشخص كل ماكان أحسن.

نروح لثالث نقطة
اهتمي ببشرتج! نظفيها. رطبيها. أبدا لا تهملينها.
لانه مو كل شي تقدرين "ترقعينه" بالمكياج. في شغلات تتطلب علاج سنين.
منها علاج آثار حب الشباب. فحافظي على بشرتي من احين عشان ماتتحسفين.
وإذا طلعتلج حبة، بالله لاتلمسينها ولاتلعبين فيها، صدقيني بتتحسفين عدل لو لعبتي فيها.

نروح لرابع نقطة
مو كل خلطات البيت اتيب نتيجة. أنا بالنسبة لي؟ أفضل استعمل المنتجات البارزة -اللي نشتريها من السوق ولا الصيدليات- على اني استعمل خلطات البيت.
ماجربت اسوي إلا خلطة -غير السكر والزيت مالت التقشير وعقب سحبت عليه -
لانه احنا مو مختصين، وانتي يمكن حابة تفيدين نفسج وتستفيدين من غيرج بس هالشي يمكن يطلع بنتيجة سلبية ويترك أثر في بشرتج. فنصيحتي ابتعدي عنها!!

وبالآخير تأكدي انج تستخدمين ماركات سمعتها زينة وموتقليد
بغض النظر على سعر الماركات، المكياج المُقلد أهو أكبر كارثة. فوق ماهو بيدمر البشرة.
دايما ماتكون المنتجات المقلدة نسخة فاشلة عن الأصلية، مابتساعدج لا في التغطية ولا في الاستخدام اليومي.

يعطييج العافية جميلتنا اجيما