منتدى وندر لاند - عرض مشاركة واحدة - الطريق طويل لاتهتم

مشاهدة أوسمتي · 06-22-2020, 02:04 PM

السَلامُ عليكُم ورحمةُ الله وبركاته
الله عالفترة الأخيرة ، صارت حاجات كثييرة لدرجة إن ماادري أحكي عن إيش
خليني أتكلم عن أول موضوع صار
كان أول يوم يفتحو فيه السعُودية بعد العيد (8شوال) جآني يوم ياطويلين العُمر صحيت وأنا يلازمني شعُور غير مُريح
تجاهلته وصحيت وخرجت برا البيت ورُحت أمشي في الأرجاء أغير جو فقط
تعرفوا كان فيه شخص في حياتي الشخص هذا أُنثى لكن بتكلم عنها كمجهول .
، ماكان هالشخص مُفضل ولاقريب لقلبي ابداً ولاقِدرت أحبه ولاقدرت أتقبل أي شيء مُتأخر منه.
كُنت في وسط قطعي للشارع ، رايحة للجُهة الثانية ويجيني إتصال من أخويا الفاضل كان مُحتواه كالآتي :
- : وينك ؟
سُكر : برا
- :طيب أسمعي فلانة توفت.
سُكر : أ....
طوووووووووووط
محد أعطاني مجال حتى اسأل عن شيء ..
فكيت التُويتر دايركت وحطيت هالتغريدة :

أتذكر شعُوري وأنا راجعة للبيت .. حسيت بضياع مو بسببه لكن بسببي ..
هُو الوحيد إللي أثبت لِي إن صدق يبغى يعدل الأُمور بين الجميع ويبغانا نرجع نتجمع كُلنا زي زمان وأحسن !!!
الوحيد إللي أثبت لي إنه خسرني لكن حاول يرجعني لهُ بشتى الطرق .. عرف إن مامني فايدة ..
أنا كُنت رافضة القُرب من الجميع مو بس منه ..
أنا كُنت موقادرة أتقبل قُربي من الجميع نهائياً ولا كُنت مستعدة أقرب منهم ومو ندمانة على هالشيء!
محد يقدر يعتذر عن شعُوره ابداً ياجماعة ، الشعُور شعُور شيء مو بيدك ..
مااقدر أجبر نفسي أحب أحد أو أتقبل أحد بعد ماخرج من قلبي ونفيته .. كُل شيء يجي من الله!!!
مو زعلانة على شيء واحد .. إني ماجاملت وزيفت مشاعري .. حسيتني واضحة لأعلى درجة مع الجميع ..

ماانسى روحتي للعزاء وأغلبهم يعطوني نظرة لوم إن "إنتي قاسية" و "إنتي مافيكِ خير" وإنتِ وإنتِ وإنتِ ..
ما حسيت بولا 1% أذية من كلامهم للأسف ، حسيت إني مُتبلدة كثيير .. معقولة كلامهم القاسي ماوجعني؟
شعُور التبلد مااشوفه سيء بهالحاجات .. الله وحده يعلم عن إللي بقلبي وشعُوري .. الله وحده
الشخص بعد مايمُوت مايبحث عن شخص يحس فيه ابداً
، ولاشخص يبادله الحُب مُتأخر ، ولاشخص يشوف محاسنه بعد مافارق هالحياة ..
إللي يمُوت كُل إللي يبغاه هُو الدُعاء وأعمال الخير عشانه
وللأسف إللي صار هُو الأول .. فجأة الكُل صار يحب ويدور ويبكي ويُغمى عليه!!

بعض البشر أحسهم مُزيفين بشكل! رجع لي هالشعُور إني ما أحس بأمآن مع البشر
الكُل جلس يلومني إني ماكُنت موجوده وماشفته وأنا السيئة ..
طيب هالشخص لما كان تعبان ألتفت يمين ويسار وناظر وراه ماحصل ولا شخص معاه!
الشخص هذا لما كان يبغاهم ماحصلهم! الشخص هذا لما كان مُوجود محد سأل عنه!!!
برمضان ماانسى الكلام السيء إللي جآني من الجميييع ، ماانساه!
يطلبو مني أسوي كُل شيء وأروح وأجي ، وهُم متكين في بيوتهم ؟؟؟
بس بعد ماصدمهم خبر الوفاة ..
صارو يحبوه بعد مامات ، مستوعبين ؟
صارو يتذكرو كُل شيء كُويس بعد مامات ..
إللي وجعلي قلبي حرفياً إن هالشخص كان ينتظر منهم هالشيء وهُو عايش ومالقاه
ليش البشر دايماً متأخرين ؟ ليش رُغم معرفتهم إن الدُنيا مُؤقتة يضروا ببعض؟
ليش رُغم معرفتهم إن ممكن الدقيقة الجاية تكُون آخر دقيقة بحياتهم يجلسوا يحقدوا ويوزعوا شر على بعضهم ؟؟
وبعد مايفوت الفَوت ويمُوت أحد الأطراف ، فجأة يحبوه!!
مححححد يبغى حُب متأأخخر!!

مااقدر أقول إلا إني آسفة إني كُنت خيبة كبيرة بقلبك ، وآسفة إني ما كُنت من ناسك الصح ،
وآسفة إني مااعتذرت عن أي شيء بدر مني . وآسفة إني كُنت ومازِلت باردة مع الجميع ..
رُغم إن الإعتذار مارح يغير شيء ابداً .. لكن آسفة.

أقدر أعطيكُم رسالة بسيطة بسبب هالمُوقف :
مروا ولاتضروا .. خلو مُروركم بحياة غيركم بدون أي ضرر

وأي شخص يمر هِنا : أدعولها بالرحمة ياجماعة
الله يرحمها ويسكنها فسيح جناته

فضفضة كانت بقلبي بس المُهم لاتنسوها من دعواتكم باللهِ
لي عَودة