منتدى وندر لاند - عرض مشاركة واحدة - ألماسي |• دِهليز الرعب

04-09-2020, 07:34 AM

غريب الأمر خاصة أنها لا تذكر أي شيء مما قالته!
لو فقط سجلتم كلامها وترجمتموه لنعرف ما كان يقصده بكلامه .
#ميلو

السلام عليكم ورحمة الله وبركاته ..
أنا بصراحة انسانة خوافة شويتين ..
فما رح أقرأ القصص إلي كاتبينه .. لكن حبيت أشارككم موقف حصل لعمتي ..
للعلم .. أنا ما كنت حاضرة وقتها بس سمعت القصة من عيالها وحبيت أنقله لكم ..

القصة تبدأ لمن عمتي وعيالها سافروا لدولة أجنبية للسياحة ..
وللمعلومية .. عمتي ما تتقن غير العربي وشويه من الإنجليزي .. والدولة إلي زاروها كانت تتكلم بلغة ثانية ..

في يوم من الأيام كانوا في مكان سياحي وفجأة أغمى على عمتي ..
ولمن فاقت بدأت تتكلم مع إلي حولها بلغة أهل المدينة إلي هم فيها وبنبرة صوت غريبة ..
طبعا إلي حولها كانوا يحسبوا إنها متقنة للغتهم فكانوا عاديين ..
لكن زوج عمتي وعيالها كانوا مصدومين لدرجة إنهم انخرسوا وما قدروا يقولوا شيء وقتها ..
وبعدين رجع أغمى عليها ولمن فاقت ثاني مرة رجعت طبيعية ..

وفي موقف ثاني حصل لهم في نفس السفرة ..
كانوا نايمين وفجأة عمتي نفسها قامت في نص الليل وراحت المطبخ وأخذت سكين وقعدت تهدد وتصارخ .. وتلوح بالسكين في الهواا ..

زوج عمتي قام مفجوع يناظرها وهي تهدد وتواعد في الفراغ ..
مسكها وبدأ يقرأ عليها لين ما هدأت ورجعت نامت. .

طبعا من بعدها عمي حلف إنه مايسافر لذاك المكان ثاني ..
وعمتي ما تتذكر إلي صار لها أبد وتكذب زوجها وعيالها ..

حابة أذكر حاجة .. عمتي ما كانت مواظبة على أذكارها فعشان كذا حصل لها إلي حصل ..
لا تنسوا تحصنوا نفسكم وتقرؤا أذكاركم لمن تروحوا أي مكان ..