الموضوع: ألماسي | مُلطخ`~
عرض مشاركة واحدة
قديم 04-24-2022, 06:11 PM   #3
lazy potato‏
عضو محارب


الصورة الرمزية lazy potato
lazy potato غير متواجد حالياً

بيانات اضافيه [ + ]
 رقم العضوية : 7671
 تاريخ التسجيل :  Apr 2022
 العمر : 21
 المشاركات : 522 [ + ]
 التقييم :  2187
لوني المفضل : Cadetblue
شكراً: 0
تم شكره 0 مرة في 0 مشاركة

مشاهدة أوسمتي





. Blue


السلام عليكم ورحمة الله وبركاته
كيف الأحوال؟
ما شاء الله مكنتش أتوقع ان عندك موهبة عظيمة كده
العنوان رغم بساطته جميل جداً ولايق عالقسم، أحييك عالاختيارheart1
"مُلطخ بعشوائية..
بألوان هنا وهناك ..
تتداخل لصنع لوحة تجذب أنظاري..
فهل جذبتك أيضاً؟"
أول قصة حب تنشأ بين إنسان وكلمات
لما بنزل رسوماتي مبيجيش على بالي اكتب كلام حلو كده بس هتعلم منك
التلوين بالألوان الشمع أو المائية حقيقة من أكتر الحاجات اللي بتسبب الاسترخاء للواحد
ويا سلام بقا لما تيجي تدمجي الالوان بتبقا حاجة في قمة الجمال≧﹏≦
والحلو كمان ان جماله بيبقا واضح بسهولة، اعتقد ان مفيش اتنين يختلفو على ان اللوحات بالالوان دي بتبقا تحف فنية حقيقية
دي ألوان شمع صح؟

حبييييت
دمج اللونين دول مع بعض عظيم قوي
وبيدو لمسة لطيفة للرسمة، والسحاب معمول بطريقة جميلة جداً
أما القمر بقا فأنا لازم اعرف السر اللي خلاه يطلع معاكي بالحلاوة دي، أنا لما برسم القمر بالألوان الشمع بيطلع معايا زي كعك العيد xDDDD
نصيحة صغيرة حاولي تدمجي لون بنفسجي بين الأزرق والوردي هيديكي انطباع أفضل عن الرسمة بس حالياً هي جامدة برضو

يا وعدي يا وعدي
بحر وامواج واجواء صيفية بيرفيكتو
حبيت دمج الألوان ببعضها طالعين حلوين قوي
لحد دلوقتي سواء رسم ورقي أو ديجيتال بيني وبين البحر تار وحالف انه مش هيترسم معايا xDDD

لطيف
تدرج ألوان السما فخم للغاية وبيدي إحساس بالدفء
انعكاس القمر على المية شيء في قمة الماستر بيس (*≧∀≦*)

دي ألوان مية بس أول رسمة اعتقد الوان شمع
يعني الرسومات هنا مش كلها مرسومة بنفس الالوان -حفيدة كونان -
تلوين السحاب مبتكر مشفتهوش قبل كده لكن عاجبني قوي
والجبال فخمة
لاحظت برضو انعكاس الغروب اللي تحت وجامد لدرجة انه أجمل من الغروب نفسه xD
كل عنصر في الرسمة لو جيت أحكي عنه مش هخلص بس كلهم فخمين

بصوتتتت o(〃^▽^〃)o
الرسمة المفضلة عندي منهم
جمال ودلال وكل ما هو عسل (≧∇≦)
الرسمة فخمة لدرجة اني مش عارفة أشيل عيني من عليها
تدرج التلوين هنا في مستوى التنين المجنح من دون مبالغة
مدية انطباع شتوي وتلج وكده مندمج مع الانطباع الليلي اللي واخده عنها ومزيج من الجمدان والحلاوة

عشرة من عشرة ونجمة ヾ(^-^)ノ
حاسة ان الرسمة دي مينفعش تفضل سادة كده لازم نديها عنوان xD
الانفجار النجمي؟ هزيم الرعد؟ ما أجمل السماء xD
مبدئياً وقبل أي حاجة الجبال عسل للغايةheart1
يا اخي تظليلها لايق مع القمر اللي فوقها الاتنين عاملين شغل فاخر مع بعض
السماء بقا في حتة تانية خالص لوحدها
انا من النوع الجبان اللي هيخاطر يدمج اللونين دول مع بعض
بس ما شاء الله طالع معاكي فخم قوي
حسيت ان زي ما يكون في انفجار نجمي في السما
الألوان زاهية قوي تجبرك انك متطلعش عينك من على الرسمة وكل مرة ابصلها لازم تبهرني

أجواء رمضانية في غاية الجمال
أسود، أزرق، بنفسجي
عندما يجتمع ملوك الألوان طبيعي النتيجة هتكون فخمة
حبيت الشجر، مدي لمسة لطيفة

ندخل على الشغل العالمي بقا
حبيت تلوينك هنا
الرسمة مش شبه الأصلية بقا لكن فيها أسلوب مميز قريب من رسمك في الباقي
بحب فكرة ان حد ياخد رسمة وأسلوبه يبقا طاغي عليها، بحس ان ده هو الختم الاداري للجمال وحب الرسم(◍•ᴗ•◍)

مش عيب خطف القلوب اللي على فجأة ده
الرسمة مثالية في كل حاجة
فكرة الرسمة نفسها، التظليل، الإضاءة
كل حاجة بيرفيكتو

حد يلحقني علشان أنا وقعت في الحب
تلوين السحاب أسطوري إلى أبعد حد
الالوان لطيفة وهادية وبتدي إحساس مريح قوي

مسك الختام heart2
تمازج الالوان هنا فوق مستوى التقييم
الألوان نفسها جميلة للحد اللي يخليك متعرفش تشيل عينك من على الرسمة
والنخلة مرسومة باحتراف
لما بجرب أرسم نخلة بتطلع معايا شبه الفزاعة xD
شكراً على العرض الرائع للسكاكر ديヾ(^-^)ノ
حمستيني أطلع الألوان الشمع وأرسم بها تاني
إبداع في قمة العسل
مستنية أشوف حاجة جديدة ليكي


 
التعديل الأخير تم بواسطة Lavender ; 04-24-2022 الساعة 10:49 PM

رد مع اقتباس