منتدى وندر لاند - عرض مشاركة واحدة - البُرونزي

مشاهدة أوسمتي · 05-01-2020, 09:51 PM

Y a g i m a

السلام عليكم ورحمة الله وبركاته
كيف حالِك زهراء؟ إن شاءالله بخير
كُنت زمان متعصبة جدًا للمبارايات وللفريق إللي أشجعه و 24 ساعة نقاشات ومضاربات سواءً
مع اخواني ولا مع الناس في تويتر بس اخر سنتين بدأت اهدا شوي خاصةً وإن صارت فيه
أشياء تشغلني عن المباريات، بس للحين أتذكر مشاعر الفرح وقت الفوز ومشاعر التوتر والحماس
كانت أوقات حلوة يوم كنت أترقب المباريات الكبيرة وما أنام وقتها والسهر اللي يجي بعد مايفوز
فريقي والطقطقة على الفريق الخاسر فيه مباراة أتذكرها كأنها أمس وأنصدمت لما عرفت إنها
كانت في 2015 لأن فعلاً أحسها قريبة مرة مو قبل 5 سنوات ! كانت المباراة كلاسيكو بين فريقي
وفريق ثاني قوي وكنا متحمسين لأنها مباراة حياة أو موت تقريبًا ، بدأت المباراة بهدف غلط
من لاعب فريقهم في الدقيقة 1:45 ، كان مرة بدري على الأهداف وكان هالهدف هو اللي أشعل
فتيل الحماس، بالدقيقة 26 سجلنا الهدف الثاني، كنا ين بس لسا خايفين لأن كان مُمكن
يقلبوا النتيجة، بالدقيقة 31 سجلنا الهدف الثالث وأنتهى الشوط بثلاثة مُقابل صفر، وبين الشوطين
ابتدأت الطقطقة في تويتر بعد بداية الشوط الثاني بـ3 دقايق سجل الخصم هدف، والدقيقة
الـ 64 سجلو هدف ثاني وصارت النتيجة 3-2 ، توترنا مرة وخفَت حماسنا وجلسنا ننتظر نهاية
المباراة بالدقيقة 72 سجلنا الهدف الرابع واتذكر حلقي عورني من الصراخ وقتها بالدقيقة
83 سجلو الهدف الثالث، المباراة كانت حففلللة أهداف وأنتهت المباراة 4-3 لنَا بعد عناء وتوتر
وطبعًا كالعادة مانمت وقتها والسهرة كانت صبّاحي من الفرح والطقطقة وإعادة المباراة وإعادة الأهداف
فيه مبارايات كثيرة أنبسطت فيها بس هذي اللي أتذكرها، يعطيكِ العافية على هالموضوع رجّع لي
ذكريات قديمة
في أمان الله