STORY 9
(( انا واينو !! ))
البنات ... مخلوقات ماادري وش تبي ؟؟ << لو سمحت ترى بتككفخ .. لا والله فيهم الخير .. وطبعا في مسلسلنا العزيز ناروتو .. نجد هناك اصناف البنات
هادية ونعومه مثل هيناتا .. وثرثارة ولجوج زي تنتن .. وعصبيه وقويه زي ساكورا .. ومغرورة ودلوعه زي اينو !!
اينو 0_0 .. البنت هذي ماتستحي تدرون ليش ؟؟؟ باي حق تسرق تسريحتي ؟ لا والمشكله كلما شافتني تقول لي : هلا باللي معجب فيني .. لهل الدرجه تسريحتي
حلوة وسويت زيها .. والمشكله ؟؟ انو انا طالع قبلها بستايل شعري .. انتم وش رايك ؟؟ << تكفون قولو اني انا على حق ولا ماعاد اكتب قصه ..<< من زين قصتك عاد
في مرتن من المرات .. وبينما كنت اتمشى في المجمع التجاري .. اليوم اربعاء ووناسه .. وانتظر الاخ توبي وهايدن وباين يشرفون .. وبما اني انا عجول سبقتهم ولبست
.. اشوف العالم .. اللي جاي يوزع ابتسامات ويتفرج على اللي رايح وجاي يرمي تلعيقات .. واللي جايه بس علشان ياناس شوفوني .. << تذكرت ايتاشي اللي يمشي
من كثر الفهاوه يضرب بالعامود ومايحس هههههههههههههههههههه .. لذا نستنتج من هالكلام ان تعدد الاهداف والسوق واحد << مو احس لي اشتغل مدرس علم نفس
بدال هالفقر اللي اسمه بوس شاورما .. وانا داخل احدى المحلات .. يلحقني واحد من راعين الحساب
راعي المحل : يافندم يافندم .. المحفظة دي وقعت من اختك
انا : 0_0 .. عفوا يابوي انا متوقع انك غلطان
راعي المحل : امال .. انا شفتها بعنياا .. دي المحفظه بتاعتها
انا : ادري ادري .. بس اللي تتكلم عنها مش اختي
راعي المحل ( وقف متعجب ) : ازاي ... دي شبهك بالضبط ؟؟
ولا يجينا صوت من ورا .. : ويع انا هذا اخوي .. بسم الله علي .. اينو النسره .. متخصره ومعاها 700 كيس .. انواع المكياج والعطورات .. مالومها اذا ماانتبهت يوم
طاحت محفظتها << مع تحيات واحد اذا كان في بوكه100ريال وده يسوي له رقم سري خخخخخخخخخخخخخخخخخخ
اينو ( خذت البوك من راعي المحل بقوه ) : هلا والله باللي معجب فيني ويقلدني
انا ( اتأفف ) : ياصبر الارض على من فيها .. هلا اينو هلا
اينو : وش عنده الحلو يتمشى هنا .. مااخبرك فاضي علشان تتمخطر بالمجمعات
انا : والله قرداه حظي .. ا . اقصد ربعي انتظرهم
اينو : هههههههههههه شكلهم سحبو عليك ... هذا جزا اللي يقلدون >> شدخل ؟ .. بما انك تستناهم .. تعال انا عازمتك على قهوه ادري مافي جيبك ولا فلس
<< بذبحها هالبنت بذبحها
انا : لا شكرا .. بنتظرهم هنا
اينو ( بضحكه يعني مسويه ناعمه وهي مايصه جدا ) : ويه ويه لاتتغلى .. تعال احنا ربع << ياشيخه !!
ولحقتها .. طبعا مو ببلاش .. قامت تشيلني اغراضها .. وانا مسكت اعصابي عليها .. لان اخلاقي ماتسمح لي اقول لمره لا << استريح استريح بس
ولقيت شله البنوتات ساكورا وهيناتا وتنتن موجودين .. وجلستني وياههم
هيناتا ( بكل ادب واستحيا ) : اهلا اهلا وسهلا .. ديدي ساما
ساكورا ( ضربتني بقوه على ظهري ) : هلا بالشباب
تنتن ( طبعا مو فاضيه لي قاعد تغرف من مطعم كانتون الصيني ) :
اينو (جالسه توفشر ) : شفتو يابنات ديدي اللي راسه يابس جبته لكم يجلس ويانا
ساكورا ( ماعجبها الوضع ) : وخير ياطير يعني وش سويتي ليكون جبتي الهوكاجي وانا ماادري
انا:-_- !! ( بمشيها هالمره )
هيناتا : ديدي ساما وش تحب تشرب
انا : الله يعز شانك وربي انك اداميه
تنتن ( تحط صحن المكرونه ) : يعني احنا وحوش يعني ... خلي عنك الكلام الفاضي وكل معي المكرونه
اينو : ساكورا لاتنسين اني عازمتكم انا بفلوسي بفلوس ابوي
ساكورا : غصبن عليك اصلا مو على كيفك
اينو : انا بنت ابوي محد يكلمني كذا << والله لو اني ابوها اهاجر انحاش ولا عاد ارجع
ساكورا : انا اكلمك كذا عندك مانع ؟؟
هيناتا : بس يابنات وش فيكم حسكم عالي
ساكورا : انتي اسكتي ماتدرين وين ربي قاطك
تنتن : ياه ياه وش فيك ماتاكل المكرونه كل اشوف
انا : ماعليش والله ماني مشتهي انا اينو عازمتني على قهوه
هايدين ( يجي من وراي وياخذ الصحن ) : والله انك ماتستحي البنت تعزمك على صحن المكرونه ماتاكله
انا : تو الناس كان ماجيتو بعد ؟؟؟ وينكم
توبي ( قعد بين ساكورا واينو ) : وش نسوي الشارع زحمه
هيناتا : هلا بالشباب .. اعذروني اروح اجيب لكم شي تشربونه
توبي ( ساكورا واينو قاعدين يتضاربون فوق راسه) : اي الله يخليك .. ولا تنسين تشيز كيك .. والكابوتشينو .. وبالله لو تجيبي لي وجبه يكون كويس
هيدين ( وهو يزاحم تنتن على صحنها عقب الصحن اللي اخذه مني << صدق وجهه عريض ) : ماودك تجيب لك السوق كله بعد ؟؟
باين ( يجي يقعد في مكان هيناتا ) : ولاتنسين تجيبين لك كرسي ياهيناتا طيب ؟؟
انا : 0_0 انت ماتستحي قعدت مكان البنيه
هيناتا : حصل خير ياديدي ماعليش ماعليش
باين : البنت ماقالت شي لاتقعد تتفلسف
اينو ( لسه تتهاوش مع ساكورا ) : اسكتي ولا والله العظيم رحت وحطيت الحساب عليكم
هايدين ( تنتن ماسكه رقبته ) : اي ياساكورا اسكتي .. خليها تعيشينا وبعدين سوي اللي تبينه
توبي : اللي تسكت بخطب لها ساسكي !!
اينو وساكور : 0_0 << هدوء شديد
انا : والله انك سبع سكتهم هههههههههههههههههههههههههههههههه
باين : ووووع ساسكي .. وش اللي عاجبكم فيه ؟؟ اذا اهله مايبونه شلون انتو تبونه
اينو ( عصبت ) : والله لاخلي بابا يقطك ورا الشمس لانك تعايب على سسوكي
ساكورا ( تشمر عن اكمامها ) : اسكتي لا فقع وجهك
ونطو على باين وعلموه الشغل << تستاهل ياباين هذا اللي ينقال له سكت دهرا .. وساكورا هذي .. ناقصها طيران وفرقه وتسوي عروس ازين لها
توبي ( يحاول يفككهم ) : بس يابنات بس .. وش قلنا ترى مافي ساسكي !! ( ويجيه بقس من ساكورا ويطيح )
هيدين ( يستخف دمه ) : بنات بنات انتي يااينو خذي ديدارا .. وساكورا تاخذ توبي .. يشبه ساسكي صح ... ههههههههه
وتكفخه تنتن بالصحن حقها .. خلص صحنين ودخل على الثالث .. باين يستنجد طبعا ومافي من مجيب ... خبل انا ارمي نفسي بين هالذيبتين
اينو (تلتقط انفاسها ) : مابقى انا الا احب هذا اللي يقلدني
انا : والله اريح لي بكثير
اينو : قصدك فقدت فرصه عمرك بالحياه
ساكورا ( تنط عليها ) : جببببببببببببببببببببببببببببببببب
يجي العامل حق المطاعم ويقول : لو سمحتو بس ماسارت اصواتكم مضايقه الزباين
ساكورا : توخر الحين ولا احفر لك وجهك
هيدين : كفو والله اخت رجال ساكورا
انا : تربيه تسونادي وش تتوقع
اينو : ديدارا تعال شيل اغراضي لسيارتي انا زعلت بطلع
انا : لليش ان شاء الله ؟ والقهوه اللي عزمتيني عليها وين ؟؟
اينو : ياساتر ماتنسى .. انا بوكي طاح ماادري وينه ...يللا انا متنرفزه نفسيتي اخاف تتعب << يما ارحميني
انا : انا ماني مسئوول عنك .. توكلي على الله حبيبتي
اينو ( منصدمه ) : الحين اتصل على اوروتشمارو واقول له انك تعايب علي .. ولا اقولك .. اخلي بوي يشغلك
انا : ابيع طماطم ارحم
وقبل لا اكمل كلامي لها ... تنط عليها ساكورا وتمط شعرها وتجبرها على دفع الحساب ههههههههههههه هالبنت عجيبه صراحه
وفي عز الازعاج .. اشوف هيناتا .. تاشر لي بيديها .. انا رحت لها .. وكملت يومي وانا اتقهوى معاها
*****************************
كتبت القصه قصيره اليوم لان وراي الاختبار ومخي موقف
دعواتكم لي .. الحلقه الجايه خاصه بايتاشي << اعرف من البنات كثير يحبونه هنا
وان بغيتو انزلها لكم اليوم لانها جاهزه
نلقاكم في الحلقه القادمه ان شاء الله
akatsuki boy
|