منتدى وندر لاند - عرض مشاركة واحدة

مشاهدة أوسمتي · 04-07-2020, 04:14 AM

V I T A L I A

السلام عليكم ورحمة الله وبركاته. جيهان، كيفج؟ ان شاء الله بأحسن حال يارب.
عااااااا صدق موضوعج تحفة ربي يحميج وايد حبيت المحتوى.
جهزت موضوع عن الأظافر بس ما كان كامل نفس موضوعج ذا والحمدلله انتبهت لموضوعج قبل لا اجيب العيد.
وايد أحب اطوّل اظافري. احس الأنوثة تبان بطول الاظافر وخصوصاً بعد تنسيقنا لألوانها..
يااااخ جمال من نوع ثاني مثل جمالج.، بس بزمن هالكورونا يلي مدري منين اجانا مايصير اطول اظافري،
تخيلي وياي بسسسسس!!! كانت اظافري طويلة وحلوة وتخبل بس ماكو احد الا وجاي يقلي قصريها لاتمرضي.
انجبرت اخليها قصيرة،احسني بنت بس صلعة! ولا تسةليني شنو وجه المقارنة بس سلكيلي ربي يحميج.:
على فكرة نسيت اقول شيء!زمان كنت اعاني من كسر الأظافر بسرعة،
بس تعلمت انو الليمون بالعسل يقوّي الاظافر ويخليها بيضاء ناصعة وينضفها وايد.
ووقت جربت اكتشفت انو هالشيءفعلاً مفيد، استغربت من كمية جمال اظافري بعد اتباعي لهالخلطة..
بس ضروري يومياً مو يوم واحد وانعوفها. اكثر شيءحبيته بموضوعج هو فقرة طلاء الاظافر يممممة يخبلووووون.

هذا حبيب الروح بالنسبة لي. xDDD الأوقات يلي عندي عذر ومااقدر اصلي احط بس بريق الاظافر ذا. xD
بس لو بالمناسبات والاعراس، اضيف فوقه من شسسسسمة هذا ماادري شتسمونه انتم بس يلي يلمع ويشبه البودرة.
موجود بموضوعج هو، المهم بتفنن بلونين يلبقوا على الملابس وعلى بعضهم وعلى بشرتي وعلى اظافري..
يعني صعب شوي بس النتيجة تطلع تخبل.اذا حصلت فرصة بسوّي هالشيء وبصوره لكم هنا تشوفوه وتعطوني رأيكم.

الله.....الله....الله!!!! شهالتناسق والجماااال!!! والله يخبل! ماني مستوبة كل هالجماااال! فاتنة ما شاء الله..
كلش حبيت هذي، اكثر من الكل، رهيييييييييبة، ملابسها مع تنسيقها للأظافر فاتنة جداً.
واحد من أظافرها يشبه باتران عندي اياه بالفوتو شوب. لازم اجرب اسوّي ذي بعد واصوّر النتيجة لكم هااا.
جيهان موضوعج تحفة، تصميم سهام لايق على المحتوى، ربي يسعدج ماقصرتي بالطرح ابداً. ، جاري الامور الجميلة.
تقبلي مروري البسيط، ياجيما كانت هنا. في حفظ الله ورعايتهـ. ، سبحان الله وبحمده، سبحان الله العظيم.