منتدى وندر لاند - عرض مشاركة واحدة

مشاهدة أوسمتي · 06-15-2022, 01:58 AM

@Assassin queen;

السلام عليكم ورحمه الله وبركاته
كيف الاحوال
يارب كل حاجه تكون تمام
امبارح كنت بفتكر ايام الطفوله وافتكرت فجأه اني تنمرت على واحده من صفي
بس اعتذرت بعدها بدقائق
وقتها مكنتش اعرف يعني ايه تنمر
انا بس ضحكت وقولتها في حشرات في شعرك
بس زعلت انها زعلت وبعدها صالحتها وبقينا اصدقاء
ده كان في الابتدائيه
كنت ناسيه الموضوع خالص بس افتكرته امبارح وانا براجع ايامي
وبجد زعلت جدا واتفاجأت من نفسي صراحه
بالنسبالي التنمر مكنش كتير في وقت الدراسه
لكن دائما كنت بشوفه في الشارع ولحد الآن
منتشر على الانترنت بطريقه كبيره
وتسبب المتنمرين بحوادث انتحار كثيره قبل كده
خصوصا الفتره اللي فاتت
ما سبب العدوانية والسلوك السيء الذي يدفع الشخص للتنمر؟
اظن انه النقص ؟!
ممكن يكون حاسس بنقص في جزء من شخصيته ف بيحاول يستقوى على شخص تاني
او حابب يكون اجتماعي زياده ؟!
كيف تتعامل مع التنمر/المتنمر؟
افتكر اني تعرضت التنمر مره وانا صغيره
زكريات الطفوله نازله وراء بعض على الذاكره
كان رد فعلى وقتها الصدمه
معرفتش اتصرف ووقفت ساكته
وفي الشغل حالياً !!
في واحده بتتنمر عليا بس انا بتجاهلها
يعني لما بتتكلم بسيبها وبمشي
يعني مفيش حل تاني
مقدرش اقولها متتنمريش عليا لاني هظهر في موقف ضعيف
مقدرش افيد في الموضوع ده
لو اكتشفت انه اخوك او صديق قريب منك يتنمر ماذا ستفعل ؟
حقيقي مش عارفه بس اكيد هنصحه
كان في موضوع عن التنمر في القسم من فتره ورديت عليه رد مختلف
حقيقي اتفاجأت من ردي هنا
شكرا لطرحك
اهلا برجوعك
اشوفك في موضوع جديد
في أمان الله