منتدى وندر لاند - عرض مشاركة واحدة

مشاهدة أوسمتي · 04-27-2020, 06:29 PM

السَّلام عليكم ورحمة الله وبركاته
كيف حالك رولا !
إن شاء الله بخير

اللهمَّ صلِّ وسلِّم وبارك على سيدنا محمد، وعلى آله وأصحابه أجمعين

كالعادة فصول ولا أروع منها بحق ما بقدر أعيد وأزيد من كلامي لكوني تقريبًا بعرف الأحداث + سيقل دخولي للأسف بسبب دراستي
كلامي رح يضل زي ما هو، روايتك من أفضل وأجمل الرّوايات على الإطلاق مثل ما حكيت بحب كتير المقطع االي بشوف فيهم ساسكي وساكورا شان
آسفة كتير ما بقدر أزيد حكي عنجد
بانتظار كامل فصولك دائمًا

اقتباس:
المشاركة الأصلية كتبت بواسطة rola

توضيح:
قمت بحذف جميع المقاطع التي كانت تشرح ما يحصل مع باقي الشخصيات في جميع أنحاء الرواية، لأن هذا يتنافى مع مبدأ الرواية نفسه، فأنا أتحدث عن وجهة نظر شخصية ناروتو وما يحصل معه وما يسمعه من حوارات، لهذا ليس من المقبول أن أذكر حوارات باقي الشخصيات بعيدًا عنه.

كتعليق على كلامك هنا وبتمنَّى ما تنزعجي أبدًا
النسخة السابقة من الرّواية رغم عدم اهتمامك بها، بس حسّيتك بتكتبيها عن حب لا تعلقي على عاتقك انك تكمليها مع تعديلات وحذف إلخ ..
إذا بدّك تعدلي عليها بإشي، حطّي كلمة مكان كلمة تكون أحسن وبتعبِّر أكتر، احذفي كلمة او جزء صغير ما في داعي تذكريه، بس زي هيك.
انتِ حذفتِ كل المقاطع الجميلة والمهمّة، ماشي مبدأ روايتك انه تحكي عن ناروتو، بس هيك الإشي بصير ممل إذا بس عن ناروتو، يعني أنا كتير كنت أحب المقطع اللي كاكاشي بحكي لساسكي وساكورا شان عن مرض ناروتو وهو بالوقت نفسه بكون خرج من القرية، بحب المقطع اللي بتندم فيه تسونادي ساما لانها حكتله انه ما في علاج له ويتحمّل خطأه، بحب المقطع اللي بعرفوا انه ناروتو مش غلطان لانه ما كان قادر يتحرك، كل هدول عوامل مهمّة لتخلي الرواية جميلة
بإمكانك تعملي من الموقع السابق للفصول نسخ وهون لصق وبس تعدلي، غير هيك والله كتير حلوين
بعرف بثقل عليكِ آسفة عنجد بس حذفتِ مقاطع ما كان لازم تنحذف لإنه ردّة فعل الشخصيات للأمر اللي صار جميل جدًا ومحبب
بتمنَّى تعدلي عليهم، أو تحطيهم بالفصل الجاي مثل كإنك جبتِ الحدث هاد كامل من هاي الناحية أي ناحية ناروتو بعدين نفس الحدث من ناحيتهم هم

تقبَّلي مروري
وأعتذر إن أثقلت عليكِ
ولا أنسى بأنّكِ حقًا تتعبين في هذه الفصول بحق، يعطيكِ العافية
والله يسعدك كتير

سبحانكَ اللهمَّ وبحمدكَ، أشهدُ أنْ لا إله إلَّا أنتَ، أستغفركَ وأتوبُ إليكَ