الحب ، الجمال ، الرقه ، الفخامهه ، آسرة البطون ، رفيقه العزومات ، عشيقه القلب ، حبيبه الروح .. لها القلوب تهفو والبطون تزغرد
مراحب يا فلاوله
عامله ايه؟!
معلش دخلت علي طول بدون احم ولا دستور
انا شفت عنوان الموضوع من هنا دخلت اجري عليه من هنا
مكرونه بالبشاميل
الموضوع جميل جدا والله واحلا حاجه انه طريقه الشرح سهله و مش معقده و اي حد يقدر يعملها وتنجح معاه ، التصميم جميييل خالص تسلم يدددك علي المجهود
المكرونه عموما بكل حالتها هي العششق ، هي الاكله المتينه اللي تسد معاك و تشبعك ، بصوص احمر ماشي ، بصوص ابيض وفراخ ماشي ، محمرة ماشي ، بلبن و سكر ماشي .. بصي اي حاجه اي حاجه بتدووووس فيها
بس رغم كللل دا تبقي البشاميل هي ملكه المكرونات
كفايه بس لما تطلع جوسي كدا و كريمي والجبنه الموتزريلا بتمط وتلوظ وتبظ فيها
مكرونه بشاميل يعني دوس جبنه وزود خلطه ، انا لاحظت انه بس في وصفتك البشاميل محطيتلهوش بهاراات .. بيتحط له فلفل اسود و ملح و يا سلام لو بعد اللبن اتزود له مرقه لحمه هتلاقي الطعم ضرب معاكي في السقف والله جميل جدا
بحب كمان النجريسكو هي هي البشاميل بس الفرق بدل لحمه فراخ
امي عادة بتزود للحمه البشاميل قرن فلفل علي واحد طماطم كدا مقطعين بيعملو شغل في الطعم
طبعا من اهم قواعد المكرونه بالبشاميل في بيوتنا المصريه هي :
1 - تكون جوسي
2 - اول ما تطلع من الفرن منغرفش احنا بناكلها بالصينيه
3 - البطاطس المقليه في ايد و شوكتك في ايد
4 - الطبق ميكفيناش يا اما الصينيه كلها يا اما بلاش
السعاده اللي انا فيها دلوقتي بسبب انه بكره هنعمل مكرونه بشاميل و انا حقيقي حقيقي
ه
واخيرا شكرا علي الموضوع اللي يفتح النفس دا يا اشرقت
دمتي في حفظ الله .. ولو تقدري تعالي في اول قطر انتي معزومه عندنا بكره
مع السلامه
#العمالقه