منتدى وندر لاند - عرض مشاركة واحدة - مُتلازمات نفسيّة || ℙ𝕤𝕪𝕔𝕙𝕠𝕝𝕠𝕘𝕚𝕔𝕒𝕝 𝕤𝕪𝕟𝕕𝕣𝕠𝕞𝕖𝕤

مشاهدة أوسمتي · 05-14-2020, 12:55 PM

بسم الله الرحمن الرحيم

Y a g i m a
السلام عليكم و رحمة الله و بركاته..
كيف حالك اورا كُن؟..
اهخخ والله الاسم دا مقدر أنساه أبدًا، دايما
الأسماء إللي أصحابها يعطوك انطباع قوي عنّهم دايمًا
يصير صعب نسيانهم و نسيان أساميهم، أورا كُن أحد
الأسماء المُحبّبة لقلبي والله بدون مبالغة

.

و مواضيعك المُشوّقة المليانة بالمعلومات دايمًا تبهرني
ياااخيي ما شاء الله، احب المواضيع الغامضة و بنفس
الوقت مُختصرة المعلومات، رغم أن القسم مليء
بهذي المعلومات والمواضيع إلا أن خاصتك تلفت انتباهي

..

وترا لاحظت شي بنفسي، رغم اني كسولة اقرأ معلومات
طويلة وعريضة حتى لو كانت مُختصرة إلا أني استمتع
بقراءة مواضيعك حتى لو كانت طويلة وما اعرف السبب
حقًا وراء الشي ذا.. بس انت سبيشل من ربّنا كدا!!.
تعرف شعور إللي تتعمق بالقراءة لدرجة تخليك ما تحس
بالوقت؟.. بالضبط انا كدا بمواضيعك..

العنوان يحمّس بدل " متلازمة نفسية" حطّيت
“ متلازمات نفسية “ وهذا الشي إللي يدل ان الموضوع
ملياااننن حقائق و معلومات كثيرة و الصراحة
توقعتو أطول لكنه مختصر أدهشتني أورا كُن

.

والتصميم ما شاء الله مليء بالحيوية اللي تخلي
الشخص يستغرب.. كون الموضوع مناقض تماما
للتصميم فالموضوع يبعث ع السوداوية بينما التصميم ع الحيوية..
وهذا المطلوب، من الناحية التصميمية والتنسيقية احس
تم التلاعب بعقل المشاهد بنجاح..
لما يشوف اسم الموضوع و يدخلو يحس بـ
What's going on here??..
تتلاعب بنفسية المشاهد و بتفكيرو اههخخ حمااس):..
المهم مرة حبيت الألوان، و معليك التنسيق مزبوط
أهم شي نسقت وانت مستمتع بالشي دا ..
دايما تنسيقاتك ما ينخاف عليها ما شاء الله
واضحة و سلسة بالقراءة سواء من الجوال أو
لابتوب

..

نخش بالموضوع احس ثرثرتي أطول من أوقات نومي..
وطبعا مقدمتك ذكرتني بشي.. في مرة امي قالتلي
انها طيحتني بالغلط ع الارض في الشارع، طحت ع
راسي و انا رضيعة اتوقع وامي خافت قعدت تبكي
و تمسح ع راسي بس انا ما كنت أبكي، لما قريت
مقدمتك :
" يشير إلى مجموعة واسعة من الأمراض الناجمة عن
خلل في إحدى مناطق المخ التشريحية او في نواقل
العصبية".. دحين استوعبت ليش انا غريبة أطوار هيهي

..

- بمتلازمة القدس القصص مخيفة تخيلتها مشاهد
تمر أمامي!.. كنت اقول نفسي اصير طبيبة نفسية بس
لما اشوف القصص دي احس بخوف بمجرد التفكير أن
في اشخاص زي دولا بيجو قدامي.. يخووفف والله!..

تذكرت المسلسل حق المسيح كان غريبببب جدا
بس لما قريت المتلازمة دي حسيت يمكن الشخص
اللي بالمسلسل عندو متلازمة القدس عشان
كذا كنت احس بشي مفقود بالقصة اللي عرضوها بالمسلسل

..

- متلازمة المحتاال مساااكين والله!.. خاصة الأشخاص
اللي يكونو ناجحين بحياتهم بس بنفس الوقت ينكرو
إنجازهم دا لمجرد انهم ولدوا في بقعة ما تعترف بالإنجازات،
بتقطع قلبي واحس اغلب اللي عندهم المتلازمة ذي بتجي
معاها انعدام الثقة بالنفس.. مؤ واثق بنفسو و قدراتو
عشان كذا بحس نفسو محتال اهخخ الله يعينهم!

..

ايوااا شفتت صح كلامي طلع لما قريت لين آخر الفقرة
طلع عندهم انعدام الثقة بالنفس هيهيهي فديتني ذكية..
لا دقيقة في فرق بين انعدام الثقة و ضعف الثقة.. اهيء

- بالنسبة لمتلازمة ديوجينيس مو هي نفسها الوحدة؟
هممم احسهم متشابهين، شكل هم نفسهم الجدات
اللي يكون عندهم قط أو كلب ربتو من سنين لدرجة
صار الحيوان يعتني فيها كانو طفلها..

- كنت بقول محلا متلازمة ستندال لين قريت الدوار و
الدوخة و الارتباك والهلوسة تراجعت (:
شكلو هنري بيل من كثر انبهارو وقف تنفسو..
بس بصراحة مالوم أصحاب المتلازمة ذي، في لوحات
رهيبة جدا تقعد تتامل فيها و ترجع كل شوي لها تتامل
مرة ثانية كأنك أول مرة تشوف اللوحة دي

.. تحس
من جمال اللوحة الفنية كأن الأرض قاعدة تدخل بدوامة
داخل اللوحة الفنية و تسحبك معها للداخل.. حرفيا
تقف مذهول و الكلمات ما توصف كمية الذهول و الجمال
اللي يشوفو..

- طبعا متلازمة ستوكهولم هذا المفضل عندي..
ما اكذب منجد سايكو ورهيببب المتلازمة ذي.. مدري
بس احس نفسي اقابل شخص عندو المتلازمة ذي
بس خطيرين جدا، ما عرفتها الا من أحد
اغاني ون دايركشن زماااانن بس بعد ما
خرج زين سحبت عليهم هيهي..

المهم مدري ليش لأن المتلازمة ذي سميت باسم المدينة
ستوكهولم الا اني احس ان غالبية الناس بستوكهولم
عندهم المتلازمة ذي

..

- بينما متلازمة ليما أحسها ذُكِرت بمسلسل لا كاسا
دي بابل بما انهم لطيفين مع الرهائن، أو ممكن شفنا
لمحة منهم..

- فاجأتني بمتلازمة مونتشاوسن.. لأني بديت اشك
بشخص اعرفه بحياتي الواقعية أن عندو المتلازمة
ذي

، وشكلي بقرأ عنها أكثر و أكثر، ما احب فكرة
الشفقة والتعاطف بس غيرت رأيي لما شفت انها
متلازمة.. طالما أنها مرض نفسي فهذي بحد
ذاتها تؤذي قلبي، أظن اني قابلت اشخاص كثر
ودحين حسيت بخوف ممكن واحد فيهم كان عندو
المتلازمة ذي و انا أبعدته عني بدون مساعدة..

القصة

...
مشاعري ملخبطة.. مدري احس غيرت رأيي اللي كان
فوق.. الله يستر بس!.. مقدر اعلق الصراحة

..

- متلازمة أليس في بلاد العجائب سمعت عنها بس
ما كنت ادري انها تسبب تشوّه بالبصر!.. لما
قريت الوصف اتذكرت بنت الرقيب الجديد في رواية
حارس سطح العالم، البنت كأنها وحدة مجنونة وأهلها
خايفين أن الناس تدرك تصرفاتها الغير مبررة و يودوها
المصحة النفسية..

" ابي أريدك أن تخرج وحيد القرن من الدولاب"
وشي كهذا كانت تشوف أشياء مالها وجود، وحتى
كانت تسألهم عن قصص الحوريات و الأميرات..
القصص المعروفة اللي ابوها ما قد حكاها لها؟.. حتى
الأب يستغرب كيف تعرف هذي القصص لأنها ما
تروح المدرسة لسه!!.. إللي يعانوا من المتلازمة هذي بخطر!..

- متلازمة باريس استغفر الله تضحك.. استغفر الله ما
كنت ابغا اضحك بس كونهم انصدموا من الحقيقة
و تعبوا و رجعوا لوطنهم.. يارببيي اللهم لا شماته استغفر
الله (:
ليش الناس يعتقدوا انو في بلدة مثالية؟!

..

- ياربيييي متلازمة الجثمان السائر ذكرتني بقصة مرعبببةة
مرة قد سمعتها باليوتيوب رغم اني أشك بصحتها،
وبالرغم انها مالها علاقة بالمتلازمة ابدا بس
اتوقع تعرف قصة حقيقة تيلي تابيز وكدا مرة
مرعبة.. و حسب تخيلاتي الأشخاص اللي بقصة
تيلي تابيز و الأشخاص اللي عندهم متلازمة الجثمان
السائر لهم وجوه متشابهة لا تسألني كيف هذا
الشي يصير بخيالاتي فقط.

.

بالنهاية أشكرك جدا جدا ع الموضوع الفخم!

..
من كثر وانا مستمتعة بالقراءة نسيت نفسي ولقيت
ردّي طويل جدا جدا فحذفت كلام و كذا عشان
اقدر انزل الرد معليه، ما أخفي بعد ما قريت أنواع
المتلازمات و كيف تتنوع و تختلف زي كذا لدرجة
في بعضها ما سجلوها بسبب أنها غير منطقية..
ممكن أحدُنا يعاني من متلازمة أورانوس ليش لا؟..
تأثيرك و الكتابات المميزة اللي تنزلها تخلينا ننبهر
نفس انبهار هنري بيل بالفنون

.،

مرررة مررةة طوولت كثيير بالكلاام اهخخ الموضوع
مرة حلو والله مو مستوعبة انو خلص

..
خلااص خلاص احس نشبت بوقف من هنا، واشكرك
مرة أخرى ع جهودك و ابداعك بتقديم الجميل دائمًا..
من حيث التنسيق و الترتيب وإخراج أعمالك بصورة
شبه مثالية!..
لك كل ما هو جميل، وانتظر جديدك دايما أورا كُن

- ميّوم