Y a g i m a
وعليكم السلام ورحمة الله وبركاته
كيف حالك ميلو؟ إن شاءالله بخير
!
حبيّت فكرَة الموضوع! صدقيني مفيدة أكثر من بعض الطبخات
عاد أنا دايم شغلي بالمطبخ عبارة عن ترقيع بترقيع لين يزبط اللي بسويه غصب
والبان كيك أكثر شيء أعيش رعب نفسي وأنا أسويه عشان يطلع بالشكل المثاليّ
وبالاخير لازم يكون فيه شيء غلط
سو شكلي بجرب طرقك واذا مانفعت بعتزله اعتزال نهائي
في بيتنا مهما تخبين اكل بيناكل بيناكل، برجع القى الكيك مع قطع الخبز حقته في بطن اخواني
تصدقين شهيتيني اسوي كيك *جرس إنذار الخطر*
دايمًا لما أسوي سينابون نصه ينخرب بسبب تقطيعه بالسكيّن، أعرف حركة الخيط بس دايم انساها
حيلة جوز الهند، الكسل اللي جواتي بيخليني أبطل اكلها ولا أسوي هذا الشغل كله
تحمست أسوي حركة الأكياس الورقيّة، بروح أدور بالمطبخ عن فواكه غير ناضجة
لازم تجيبين حيلة كيف أقطع البصل بدون ما أمسكه، لأن ريحته من جهة والدموع من جهة
أكثر شي أعاني منه هو تقشير البطاطس المسلوقة، أقشرها يدويًا وهي حارة لين تنحرق أصابيعي
^ الله لا يشقينَا
بس مافهمت حركة تقطيع الطماطم الكرزية، اصلاً أول مرة أعرف بوجود هالنوع من الطماطم
بجرب حركة العسل مع الشوكولاتات السائلة عشان تذوب بسرعة بدون ماتلصق بقاع الكوب
وحركة العصر، دايم أعصر كمية كبيرة من البرتقال على كأسة ولا أقل لين كرهت عصير البرتقال :er-3:
فبجرب طريقة الفرك يمكن أرجع أحبه
بخصوص الدجاج، المدة اللي يحتاجها عشان يذوب دايمًا تخليني أكره أطبخه مع أنه أطعم شيء أطبخه
الملح والبهارات مرة تطلع معاي زااابطة ومرة تطلع أكثر أو أقل يعني على حسب حظي في ذيك الطبخة
ماينفع لا زيت زيتون ولا جزر مبشور، اذا طولت بالمطبخ أكثر من ساعتين أخرج منه على الحمام
على طول
خصوصًا لو غسلت مواعين وأنا أطبخ ولا لو كان الجو حار وأستخدمت الفرن والقلي، لازم ترويشة
بعد كل طبخة
عندي تاريخ اسود مع الجروح، لدرجة أن مرة أغمى علي بعد جرح بسيط جدًا في يدي، جسمي يقول
ستوب جروح ماعاد أتحمل
أصدق شيء قرأته هو جملة "حيل غير مهمة" ولا فيه أحد يستبدل البيبسي بعصير فراولة؟
غزل البنات خلقة ما أحبه، بس الباقي مستحيل أستغني عنهم حتى لو قرأت تقاريّر كاملة عن خطرها
بالجامعة، كنا ناخذ محاضرات عن أضرار الكوليسترول والسكر والسمنة ونخرج للبريّك نطلب غدا
فيه كل أنواع الأضرار، بدون لا أحساس ولا ضمير
أحب الأكل المشوي بس معليش مايعوضني عن الأشياء المقلية والغرقانة زيت
موضوعك مفيّد جدًا أتمنى ما أنسى الحيّل والحركات اللي تعلمتها إذا جاتني الورطة الحقيقية
شكرًا على الإفادة، تم التقييم واللايّك
! في أمان الله